Kryetari i Prizrenit, Mytaher Haskuka, përkujtoi sot dëshmorin Vetim Shala.

Ai, tha se Vetimi ishte student i shkëlqyeshëm.

Postimi në Facebok

Me datën 27 mars të vitit 1989, në protestat gjithëpopullore për mbrojtjen e Autonomisë së Kosovës, ra dëshmorë Vetim Shala. Ai i kishte vetëm 21 vjet. Ishte student i shkëlqyeshëm i fakultetit të mjekësisë dhe njëri ndër organizatorët e protestës.

Unë kam qenë nxënës i shkollës së mesme kur, pushteti i egërsuar e vrau Vetimin me tre plumba afër xhamisë së

Llapit. Bashkë me te, atë ditë kanë rënë dëshmorë edhe Ismet Krasniqi dhe Shukrie Obertinca.

Lavdi dëshmorit nga Nasheci, lavdi të gjithë dëshmorëve që ranë për liri!

Këshilli Organizativ për shënimin e 19-vvjetorit të masakrës së Krushës së Vogël, ka reaguar ndaj veprimit të deputetit të Lëvizjes Vetëvendosje, Arbër Rexhaj.

Sipas këtij këshilli, veprimi i Rexhajt, ishte i ultë dhe i turpshëm.

“Këshilli organizativ reagon ndaj veprimit të ulët të deputetit të Republikës së Kosovës, nga radhët e LVV, Arber Rexhaj, i cili me datën: 26.3.2018 në ceremoninë e përvjetorit të 19-të të masakrës në fshatin Krushë e Vogël, në intonimin e himnit të Republikës së Kosovës, kur të gjithë pjesëmarrësit në shenjë respekti u ngritën në këmbë, deputeti Rexhaj, pa fije turpi ulet duke mos e respektuar as veten e tij, as të parin e Komunës e as kolegët e tij partiak”, thuhet në reagimin e Këshillit, shkruan “PrizrenPress”.

Përvjetori i 19 i masakrës që ndodhi mbi shqiptarët nga forcat serbe, është shënuar dje në Krushë të Vogël .
Atje për të nderuar të vrarët kanë shkuar numër i madh i qytetarëve dhe zyrtar të lartë shtetërorë, përfaqësues të kuvendit dhe kryetarë komunash.

Kur është intonuar Himni i Kosovës, ka qenë deputeti i Lëvizjes Vetëvendosje, Arbër Rexhaj, që e ka injoruar atë, duke mos u ngritur nga ulësja.

“ Arbër Rexhaj duhet ta din se nga Këshilli Organizativ ato ulëse i ka caktuar për deputetë të Republikës së Kosovës, e ai është deputet i Republikës së Kosovës dhe pagën e merr po nga ky shtet që ky zotëri nuk e njeh dhe nuk e respekton”.

“Nuk na duhen njerëz që tregojnë ndjenjat patriotike më shumë se ato njerëzore, nuk kemi nevojë për patriotizëm të shitur, duke bërë një veprim jo të mirë vetëm e vetëm që të bie në sy të opinionit, duke mos respektuar ndjenjat e familjareve dhe njollosur gjakun e atyre që kishte ardhur “të nderojë”./PrizrenPress.com/

.

Gjykata Themelore e Prizrenit, Departamenti për Krime te Rënda ka shpallur e aktgjykimit dënues ndaj të akuzuarit:

I akuzuari me iniciale B.P. nga Prizreni, Gjykata e ka shpallur fajtor për shkak se ka kryer veprën penale të vrasjes së rëndë dhe veprës penale mbajtja në pronësi, kontroll ose në posedim të paautorizuar të armëve dhe i ka shqiptuar dënimin unik me burgim në kohëzgjatje prej 22 vjetësh.

Vrasja kishte ndodhur më shtator të vitit 2015 në Prizren, në rrugën “Adem Jashari”. I akuzuari me iniciale B.P. në bashkëkryerje me të pandehurit me iniciale L.P dhe A.P., nipat e tij të cilët gjenden në arrati, të shtyrë me qëllim të përfitimit të dobisë pasurore, me arsyetim se H. nuk po e paguante shumën prej 70.000 (shtatëdhjetëmijë) euro, të cilën kinse B.M.,babai i H. ia kishte marrë borxh të akuzuarit me iniciale B.P., ky i fundit pas marrëveshjes paraprake me të pandehurit e tjerë, të armatosur me pistoleta kanë shkuar në qytet dhe pasi e kanë përcjellë lëvizjet e të dëmtuarve, tani të ndjerit H.M. vëllanë e tij F.M, pas shkëmbimit të sharjeve e fyerjeve kanë filluar të shtijën dhe qëllojnë me armë në drejtim të tyre dhe me atë rast kanë goditur me një predhë tani të ndjerin H.M. i cili rrugës për në spital ka vdekur, lëndime të rënda trupore ka marrë tani i pandehuri F.M. i cili është goditur me tre plumba, po ashtu edhe i dëmtuari B.H. është goditur duke pësuar lëndime të lehta trupore. Gjatë këtyre të shtënave është vënë në rrezik edhe jeta e qytetarit të rastit Sh.B. i cili ka pësuar lëndime të lehta trupore.