Edhe pse nga prokurori Charles Hardaway ishte kërkuar dëshmia e MIlaim Zekës, ai nuk do të dëshmojë në gjykimin e Limajt.

Deputeti i Koalicionit PAN MIlaim Zeka nuk do të dëshmojë në gjykimin e Limajt dhe të tjerëve për krim të organizuar dhe keqpërdorim detyre.

Dëshminë e Zekës e kishte kërkuar prokurori Charles Hardaway në gjykimin ku po për shpërdorim detyre dhe krim të organizuar, përveç Limajt ngarkohen edhe Nexhat Krasniqi e Endrit Shala. Pjesë e gjykimit janë edhe Shpëtim Telaku dhe Florim Zuka.

Refuzimin e kërkesës së prokurorit Charles Hardaway e bëri të ditur kryetarja e trupit gjykues Maria Tuma.

“Propozimi i prokurorit hedhet poshtë. Provat e propozuara nga ana e prokurorit janë shumë të përgjithshme e asgjë specifike. Ky është vendimi i trupit gjykues”, tha Maria Tuma.

MIlaim Zeka do të jetë deputet i Koalicionit PAN në Kuvendin e dalë nga zgjedhjet e 11 qershorit.

Zeka fitoi 12 mijë e 82 vota.

Ai iu bashkua Nismës për Kosovën pak para zgjedhjeve të 11 qershorit.

Nga 7 korriku, presidenti i Kosovës, Hashim Thaçi, ka të drejtë legjitime të thërras seancën konstituive të Kuvendit, por, ende nuk e ka bërë një gjë të tillë.

Këtë të drejtë, presidenti e ka të garantuar sipas rregullores së kuvendit ku në nenin e shtatë thuhet se Presidenti duhet të thërras mbledhjen konstituive brenda 30 ditëve nga shpallja e rezultateve.

“Mbledhjen konstituive të legjislaturës së Kuvendit e thërret Presidenti i Republikës së Kosovës brenda afatit prej tridhjetë (30) ditësh nga dita e shpalljes zyrtare të rezultatit të zgjedhjeve”, thuhet në Rregulloren e Kuvendit.

Neglizhencën e presidentit Thaçi për të thirru seancën, Lëvizja Vetëvendosje e sheh si zhvatje, për shkak të mungesës së numrave për te formuar qeverinë nga PAN-i. Deputeti nga radhët e kësaj partie, Mytaher Haskuka, ka thënë për arbresh.info se presidenti Thaçi urgjentisht duhet të t’i jap mandatin Albin Kurtit që të formojë qeverinë.

“Se pari mosthirrja e seancës tregon që PANi nuk ka siguruar numrat për të formuar qeverinë, prandaj presidenti po mundohet të ju sigurojë më shumë kohë dhe kjo për neve është e papranueshme. Kosova nuk ka kohë për të humbur dhe nuk bën që të vonohet formimi I institucioneve, kaluan më shumë se një muaj që nga zgjedhjet parlamentare të 11 qershorit dhe ende nuk është thirr seancë konstituive, kjo është e papranueshme”, ka thënë Haskuka.

Ai ka kërkuar që të respektohen afatet kohore dhe vullneti i qytetarëve.

“Ne mendojmë që duhet të respektohen afatet kohore dhe vullneti I qytetarëve, vullneti I qytetarëve ka treguar që Lëvizja Vetëvendosje është partia me më shumë deputetë dhe Albin Kurti ka qenë kandidati më I votuar për kryeministër, prandaj urgjent presidenti duhet ti jep mandatin Albin Kurtit ashtu që të formohet qeveria”, është shprehur Haskuka për arbresh.info

Sipas Rregullores së Kuvendit, presidenti duhet ta thërrasë mbledhjen konstituive më së largu deri më 8 gusht. Pas kësaj, seanca e parë legjislative bëhet nga Kadri Veseli si kryetar i Kuvendit në legjislaturën e kaluar dhe Kryesia e Kuvendit e po asaj legjislature. “Përgatitjet për mbledhjen konstituive të legjislaturës së Kuvendit janë përgjegjësi e Kryetarit nga legjislatura e mëparshme”, përcaktohet në rregulloren e punës së Kuvendit.

Pastaj kryetari dhe Kryesia e Kuvendit të kaluar ftojnë kryetarët e partive që kanë hyrë në Kuvend për të biseduar mbi rendin e ditës së seancës konstituive.

Liderët e koalicionit PAN mund të kenë dalë të fituar nga betejat e luftës, mirëpo kjo që po u paraqitet tani, në paqe, duket se do t’i sfidojë përtej pritshmërive të tyre. Haradinaj tashmë ka humbur betejën e parë pas refuzimit që ia bënë LVV-LAA-ja, por a do ta humbë edhe luftën, kjo mbetet të shihet gjatë javës së ardhshme. Ora ka nisur të ecën prapa për të, shkruan sot Gazeta “Zëri”

Beteja e paqes po del më e vështirë sesa kanë parashikuar “Krahu i luftës” apo liderët e koalicionit PDK-AAK-Nisma (PAN).

Kur tashmë numërimi së prapthi ka nisur për fromimin e Qeverisë, ata ende nuk kanë siguruar numrat e nevojshëm për ta bërë atë.
I nominuari për kryeministër nga ky koalicion, Ramush Haradinaj, edhe dje u zotua para shefes së Zyrës së BE-së, Natalya Apostolova, se shumë shpejt do t’i krijojë institucionet, shkruan “Zëri”.

Por, premtimi i tij pas rezultateve të para që dolën nga zgjedhjet, se javën e parë do ta formojë Qeverinë, tashmë duket i pamundur.

E, analistët e shohin të vështirë edhe në javën e dytë, të tretën apo gjatë tërë muajit. Ata madje nuk përjashtojnë mundësinë që vendi të shkojë sërish në zgjedhje.

E për t’ia vështirësuar punën Haradinajt po përkujdesen edhe dy blloqet tjera politike, lëvizja “Vetëvendosje” dhe koalicioni LAA.

Pas refuzimit që ia bënë ftesës së Haradinajt për takim, përfaqësuesit e këtyre partive thonë se në mesin e tyre nuk ka votë për qeverinë “Haradinaj”.

Deputeti i zgjedhur nga PAN, dhe njëherësh anëtari i NISMA-s, Zafir Berisha, e ka kritikuar LDK-në dhe AKR-në duke i akuzuar se kanë qeverisur me PDK-në dhe tani nuk duan të shkojnë në takim me Ramush Haradinajn pasi që është me PDK-në, njofton Klan Kosova.

“Unë po e luaj rolin si deputet i zgjedhur, që të krijoj opinion pozitiv për bërjen e institucioneve të Kosovës për të cilat ka nevojë shumë qytetari i Kosovës”, tha Berisha në Ballë për Ballë të Klan Kosovës.

“Është momenti i duhur që t’i lëmë teket personale dhe inatet, e t’i rrekemi punës që t’i krijojmë institucionet”, shtoi ai.

“Mospërgjigjia në ftesën e Haradinajt nuk është korrekte, as edhe njerëzore e as morale. Veçanërisht me arsyetimin që nuk shkoj në takim pasi që është me PDK-në”, tha Berisha.

“Kush ka qeverisur me PDK-në? LDK dhe AKR”.

“Dhe tash këta nuk po shkojnë të takohen me Haradinajn shkaku i PDK-së, ndërsa deri dje kanë vjedhur bashkë me PDK-në, në kohën kur Haradinaj as që ka qenë në Kosovë”.

“Tash kur vjen momenti të bëjnë diçka për Kosovën, janë pozicionuar në inate”, shtoi Berisha duke shtuar që ata po e bëjnë tërë këtë presion për pozicione personale.