Qytetarët e Kosovës si duket se kanë kuptuar ende moton “Festo me zemër, jo me armë”. Kjo moto ka disa vjet që është lansuar nga Policia e Kosovës në çdo verë, stinë kjo kur bëhen dasmat.

Por të shtënat nëpër festa dhe ahengje veç sa shtohen çdo vit, madje ndonjëherë duke marrë edhe jetë njerëzish.

Këtë vit fatmirësisht nuk ka pasur ndonjë rast me fatalitet nga të shtënat nëpër dasma ndonëse në një fshat të Suharekës është shënuar një rast i tillë.

Nga plumbat e armëve që u shkrepën nga gëzimi, pësuan me lëndime të lehta tri gra të shtëpisë.

Në Policinë e Kosovës janë raportuar vetëm dhjetë raste të gjuajtjeve me armë zjarri, dhe numri i personave të lënduar gjatë këtyre incidenteve është gjithsej nëntë.

Sipas zëdhënësit të Policisë së Kosovës, Daut Hoxha në muajt qershor dhe korrik të këtij viti janë raportuar 10 raste e që nënkupton në rënie të rasteve të gjuajtjeve me armë zjarri në dasma dhe ahengje.

Nga këto dhjetë raste të regjistruara janë lënduar nëntë persona, ndërsa në këto operacione janë arrestuar 14 persona dhe janë konfiskuar 58 municione dhe 17 armë të llojeve të ndryshme.

Dukuria e gjuajtjeve me armë zjarri nëpër ahengje familjare është prezente pothuajse në të gjithë rajonet e Kosovës, mirëpo sipas zëdhënësit të Policisë së Kosovës, Daut Hoxha , në rajonin e Prishtinës janë raportuar rastet më të shpeshta për shtënie me armë.

Arsyen e gjuajtjes me armë në momente gëzimi e shpjegon sociologu Ferdi Kamberi.

Ai në një përgjigje elektronike për KosovaPress tha se afektin dhe traditën i sheh si faktorë të cilët i shtyjnë njerëzit që të gjuajnë me armë gjatë ahengjeve të ndryshme familjare. Sipas tij si pasojë e këtyre tradive një gëzim familjar lehtë mund të shndërrohet në një tragjedi familjare.

Ndryshe Policia e Kosovës me qëllim të reduktimit të përdorimit të armëve të zjarrit ka apeluar tek të gjithë qytetarët e Kosovës që qytetarët që t’iu iu shmangen përdorimit të kundërligjshëm të armëve të zjarrit për arsye se armët paraqesin rrezik potencial.

Policia po ashtu njfton se të gjithë ata të cilët në mënyrë të kundërligjshme përdorin armët apo bartin ato në mënyrë të paligjshme, pa autorizim, ndaj tyre do të ndermirën të gjitha masat e nevojshme ligjore për kompletim dhe procedim të këtyre rasteve tek organet kompetente të drejtësisë.

Temperaturat e larta që po mbretërojnë këto ditë kanë bërë që të bien shumë zjarre gjithandej vendit.Një zjarr ka shpërthyer mbi kodrinat e Krushës së Madhe në Rahovec, duke rrezikuar dhe vreshtat.

Lajmin e ka bërë të ditur kryetari i Degës së AAK-së në Rahovec, Smajl Latifi,“Tashmë një sipërfaqe e madhe është djegur, madje edhe një rend me vreshta. Flakët janë duke u përhapur dhe ka rrezik t’ju afrohen edhe shtëpive”, alarmon Latifi.

Ai i ka bërë thirrje zyrtarëve komunalë dhe ekipeve të zjarrfikësve që të marrin masa dhe të vijnë sa më shpejtë në këtë vend.“Ndryshe, vapa e madhe e përcjellë me një erë të lehtë përbën rrezik nga flakët që e kanë përfshirë malin përreth”.

Vatra zjarri kanë shpërthyer dhe në Vushtrri, Mitrovicë, Podujevë etj.

Deputeti i zgjedhur i LDK’së, Haxhi Avdyli ka përmendur opsionin e zgjedhjeve të reja nëse partitë politike nuk arrijnë të merren vesh për kompromis për të bashkëqeverisur.

“Ata që mirren vesh të krijojnë shumicën parlamentare e të qeverisin. S’behet kiameti që edhe nëse s’arrijmë t’i kënaqim ambiciet tona ndonjëherë sepse ardhmëria e fëmijëve tanë është më e rëndësishmesh. Nëse s’mirremi vesh, shkojmë në zgjedhje tjera e ia shpenzojmë edhe nja 5 milion buxhetit të Kosovës. Por së paku secili deputet aty ku beson ka shanse të renditet në listë”, ka propozuar Avdyli, shkruan Express.

Ky deputet i LDK’së ka thënë se marrëveshje me një apo dy deputetë nuk duhet të bëhen por duhet të ketë marrëveshje ndërmjet partive për bashkëqeverisje.

“Prandaj koha është për reflektim , e jo për aventura me shtetin. Të ulemi, të bisedojmë, si parti e koalicione”, ka shtuar ai.

Postimi i plotë i Haxhi Avdylit:

Situata është shumë e thjeshtë.

Bllokues të krijimit të institucioneve janë ata që sipas interpretimit (të praptë) kushtetues kanë drejtë që të parët të propozojnë, pra PAN.

Ata janë të parët ,por jo fitues dhe as shumicë

Ata kanë 39 nga 120 deputetë që pa marreveshje me partitë shqiptare asesi skalojnë 61 e nevojshme.

Tendenca e krijimit të shumicës, jo permes marreveshjes ndërpartiake , por përmes tjetërsimit të vullnetit të ndonjë deputeti është bllokadë edhe m? madhe e aspak zgjidhje.

Nuk do duhej të ketë as mirëkuptim as arsyetim për asnjë deputet që tjetërson vullnetin e qytetarëve votues.

Zgjidhja para zgjedhjeve ishte e thjeshtë për kandidatët.

PAN, LAA,VV ishin opcionet për tu kandiduar si deputet. Unë dhe 109 kandidatë besuam që Avdullah Hoti me ekip mundet me qeverisë më mirë. Po të besoja në fillim ndryshe do isha në listën tjetër do loboja dhe do dilja para qytetarëve me listën me tjeter kandidat për kryeministër. Tani marreveshjet për koalicione i bëjne partitë me dialog e negocim e jo individët. Krijimi qeverisë me 2 deputet të tjetërsuar politikisht është thyrje e rregullave politike , fyrje e vullnetit të qytetarëve, presion i pandershëm në emër të jaranisë ndaj deputetëve apo joshje korruptive si veper penale. Ndoshta dikush bënë edhe këtë kalim, edhe pse sbesoj që kaq lehtë mund ta tradhëtoi besimin e mijera votuesve, por kjo edhe nuk prodhon zgjidhje politike per vendin, as për PAN-in e më së paku i nderon ata 2 deputetë kushdo qofshin. Mos kofsha në lekurën e tyre , sepse më së rëndi do e kenë ata 2 ,se kushdo nga ne që të shikojmë votuesit në sy.

Prandaj koha është për reflektim , e jo për aventura me shtetin.

Të ulemi, të bisedojmë, si parti e koalicione.

Ata që mirren vesh të krijonë shumicën parlamentare e të qeverisin. Sbehet kiameti që edhe nëse sarrijmë ti kënaqim ambiciet tona ndonjeherë sepse ardhmeria e fëmijeve tanë është më e rendesishme. Nëse s’mirremi vesh, shkojmë në zgjedhje tjera e ia shpenzojmë edhe nja 5 milion bugjetit të Kosovës. Por së paku secili deputet aty ku beson ka shansë të renditet në listë.

Landovica rrezikohet nga përhapja e ndonjë epidemie për shkak deponisë.

Me gjithë zërin protestues të banorëve, nuk janë marrë masa nga institucionet përkatëse .

Deputetja e Lëvizjesë Vetëvendosje, Drita Millaku, kërkon nga institucionet që të marrin masa “sa nuk është bërë vonë”.

“Deponia e mbeturinave në fshatin Landovicë, është rrezik për përhapjen e epidemisë, edhe pse kemi reaguar vazhdimisht asnjë hap drejt përmirësimit në këtë drejtim”, tha Millaku.

“Qytetarët na janë drejtuar me shumë ankesa ne si të zgjedhur të popullit q? të bëjmë reagim”.

“Tanimë jemi bindur se pushteti as që e ka këtë brengë sepse vite me radhë e kemi ngritur këtë shqetësim, ju lutemi ju mediave në pergjithsi të pasqyrojnë situatën sepse është shumë shqetësuese” .

“Njëkohësisht kërkojmë nga organet kompetente të marrin masat e duhura sa nuk është bërë vonë”.

Dy persona janë arrestuar në Prizren.

Arrestimi i tyre është bërë me urdhër të Gjykatës Themelore në Prizren.

Komunikata e policisë

PKK Vërmicë (DM:639-674) 04.08.2017 – 01:00. Në bazë të urdhëresës së gjykatës, është arrestuar një mashkull K/Shqiptar dhe i njëjti është dërguar në vuajtje të dënimit në burgun Prizrenit.
Fsh. Lubizhdë, Prizren 04.08.2017 – 15:50. Në bazë të urdhëresës së gjykatës, është arrestuar një mashkull K/Shqiptar dhe i njëjti është dërguar në vuajtje të dënimit në burgun e Prizrenit.