Kryetari i Kuvendi të Kosovës, Kadri Veseli në Ditën e Boshnjakëve të Kosovës që është shënuar sonte në Prizren, tha se komuniteti boshnjak është pjesë e spikatur e identitetit të Kosovës, janë pjesë e vlerave ma sublime që ka shteti i Kosovës.

Veseli pohoi se sa herë që ka rastin të jetë pjesë e gëzimeve të tyre, e ndjen veten si në shtëpinë e tij, mes miqve e bashkëpunëtorëve, me të cilët kemi ndarë gëzimet dhe hallet e atdheut të përbashkët, raporton ksp.

“Komuniteti boshnjak është pjesë e spikatur e identitetit të Kosovës. Ju jeni pjesë e vlerave ma sublime që ka shteti i Kosovës. Raportet mes shqiptarëve e boshnjakëve të Kosovës janë shembull unik i bashkëjetesës etnike e fetare. Janë krenaria jonë e përbashkët. Pa komunitetin tuaj, pa kontributin tuaj, nuk mund të shkruhet historia e Kosovës. Pa komunitetin tuaj nuk mund të kuptohet Kosova, vlerat e saj, tradita e saj shpirtërore”, tha Veseli.

Ai pohoi se i kemi të përbashkëta këngët dhe vallet e kreshnikëve, vuajtjet dhe dhimbjet e të kaluarës, përpjekjet për liri, drejtësi e dinjitet si dhe qytetin e Prizrenin, që është simbol të bashkëjetesës e të përparimit.

“Ne e kemi të përbashkët shtetin e pavarur dhe sovran të Kosovës. Në e kemi të përbashkët të ardhmen e sigurt euro-atlantike të vendit tonë. Ne jemi një. Urime festa. Gëzofshim gjithmonë, kështu si sonte, në atdheun tonë të përbashkët, në Republikën e Kosovës”, tha Veseli.

Paritë parlamentare sot pritet t’i dorëzojnë emrat e anëtareve të komisioneve parlamentare.

Ndarja e tyre është bërë në mbledhjen e kryesisë së Kuvendit të mbajtur më 20 shtator.

Sipas kësaj ndarje PDK do të udhëheqë me Komisionet për zhvillim ekonomik, administratë publike dhe për integrime evropiane.

Nait Hasani do ta drejtojë komisionin për Administratë Publike.

Këtë e ka konfirmuar ai për lajmi.net, të enjten.

“Po, unë do ta drejtojë këtë komision, ndërsa për të tjerët nuk mund të flas”, është shprehur Hasani për lajmi.net.

Ndërsa, AAK ka njoftuar se ka dërguar të gjithë emrat për nënkryetarë dhe anëtarë të Komisioneve.

Kjo parti siç ka bërë të ditur shefi i grupit parlamentar Ahemt Isufi për lajmi.net, ka caktuar Daut Haradinaj për kryetar të Komisionit për Bujqësi.

Kryesia e Kuvendit do të mblidhet sonte në ora 21:00, ku pritet edhe të votohen anëtaret e komisioneve.

Ndarja e Komisioneve sipas grupeve parlamentare:

Lëvizja Vetëvendosje do të kryesojë në komisionet për legjislacion, arsim, punë dhe mirëqenie sociale dhe atë për AKI-në.

LDK-ja do të drejtojë komisionet për buxhet, punë të jashtme dhe atë për financa publike.

Komisionet për zhvillim ekonomik, administratë publike dhe për integrime do të kryesohen nga PDK-ja, derisa AAK do të kryesojë në komisionin për bujqësi, Nisma atë për siguri, derisa Lista Serbe atë për komunitete dhe kthim.

Grupi parlamentar 6 Plus do të drejtojë Komisionin për të drejtat e njeriut dhe barazi gjinore.

Juristi Petrit Hoxhaj që në Prizren njihet për humanitetin e tij të madh në ndihmë familjeve në nevojë është kandidatë i Degës së LDK-së për Kuvendin Komunal.

“Kandidaturën time për zgjedhje lokale e kam paraqitë me bindje dhe besim se këtij qyteti dhe kësaj komune do ti jap prej vetës e jo si rëndom ti marrë për vete”.

I lindur në një rreth ku humanizmi është virtyt i pa shkruar, ndihma për nevojtarët për familjen e tij dhe për të janë kënaqësia  e përbashkët, prej të cilës thotë ai “shpërblim presim veç nga Zoti ynë Krijues”.

“Unë tani më kam ndarë mendjen, për ta dëshmuar se aty nuk jam për privilegje e sa për një pagë mujore, kam vendos që në vitin e parë të mandatit, një pjesë së pagës së kuvendarit do ta ndaj për një nevojat e shoqatës “Hadër” ( jo pse edhe të tjerat s’kanë tjerat s’kanë nevojë) dhe pjesën tjetër për shlyerjen e borxheve të rrymës për xhamitë e komunës së Prizrenit” thotë Hoxhaj.

Ai me besimin e qytetarëve, synoj të jetë kuvendar i zgjedhur i komunës së Prizrenit, për të punuar dhe vepruar pa interes personal. Synimi i tij është që në Kuvendin Komunal të “luftojë” për ata që këtë s’mund ta bëjnë vete!.

Ai pohon se LDK-ja e do të garojë me projektin më të mirë për Prizrenin. “ Zhvillimi Ekonomik, Bujqësia, Shëndetësia , Arsimi , Infrastruktura dhe Turizmi do të jenë punët primare gjate mandatit 4 vjeçar të kryetarit Dr. Hatim Baxhaku”.

Petrit Hoxhaj u lind me datën 09.01.1987 në Vlashnje të Prizrenit. Rrjedhë nga një familje e arsimuar me traditë kombëtare e fetare. Është i martuar, baba i një fëmije.

Shkollën fillore e kreu në shkollën e fshatit “Naim Frashëri” në Vlashnje. Pas mbarimit të shkollës fillore regjistroi Medresen “Alaudin” në Prizren. Pas mbarimit të shkollës së mesme katër vjeçare filloi studimet ne Kolegjin “Fama” , në Fakultetin Juridik, drejtimi i përgjithshëm.

Pas përfundimit të studimeve, përkatësisht diplomimit në drejtimin Juridik, regjistroi studimet postdiplomike “Master” në drejtimin Juridiko – Penal, drejtim të cilin shumë shpejtë pritet ta mbarojë me sukses.

Përveç drejtimit Juridik ku tregoi sukses të konsiderueshëm, Petriti vazhdon studimet edhe në Fakultetin Ekonomik, drejtimi Banka Financa dhe Kontabilitet në Kolegjin Universitar “Fama”.

Merret me shkrime publicistike dhe hulumtuese, në të cilat shtjellon tema të ndryshme, tema të cilat vlerësohen, çmohen nga masa dërmuese.

Po ashtu është një humanist që ka një Organizatë humanitare “Zgjate dorën e bamirësisë” ku plot 5 vjet është në shërbim të familjeve skamnore.

Është pronar i një biznesi që merret me shërbime të kontabilitetit dhe shërbime juridike, po ashtu mbanë edhe kontabilitetin e disa bizneseve privat.  Ka te punësuar 5 ekonomistë , ndërsa është menaxher i një biznesit të modës në Prishtinë.

Është anëtar i Bordit në Shoqatë e bizneseve  Esnaf . Është Anëtar i kryesisë se Degës së LDK në Prizren, po ashtu kryetar i nëndegës në fshatin Vlashnje,, Anëtar i komisionit për ankesa dhe parashtresa në Kuvendin Komunal.

Si një i ri, Petriti beson që mund të jetë jehona e fuqishme e zërit të të rinjve në Kuvendin Komunal të qytetit të Prizrenit, prandaj edhe është Kandidat për Asamblenë Komunale në qytetin prej nga vjen. Njihet si një personalitet me shoqëri të madhe dhe të shëndoshë./gazetaere/

/Shkrimi është sponsorizuar/ 

Në fshatin Krushë të Madhe të Komunës së Rahovecit, kanë përfunduar punimet në rregullimin e objektit të ri të Zyrës së Gjendjes së Regjistrimit Civile.

Përfundimin e punimeve nga afër i ka parë sot Sali Sallteku, drejtor i Drejtorisë së Administratës së Përgjithshme.

Ai është ndarë i kënaqur me punën që është bërë.

Gjykata në Prizren i ka zgjatur masën e paraburgimit edhe për dy muaj të tjerë Bogdan Mitroviqit i cili u arrestua në Suharekë në fund të gushtit nën dyshimet për krime lufte në Kosovë.

Avokati mbrojtës i Mitrovicës, avokati Dejan A. Vasiq, i tha Radio Kontakt plus se vendimi për vazhdimin paraburgimit nuk pritej duke marrë parasysh deklaratat e dëshmitarëve që janë dëgjuar deri më tani.

“Ne do të përdorim dy muajt e ardhshëm për të dëgjuar disa nga dëshmitarët tanë para gjykatës, pas së cilës pjesëmarrja e Mitroviqit në krimet e dyshuara të luftës do të sqarohet dhe akuzat e rreme të dëshmitarit do të diskreditohen”, tha ai, transmeton Klan Kosova.