Një qytetar nga Suhareka, i dyshuar për vrasje në tentativë, dje është dorëzuar në polici. Ai ka dorëzuar edhe një pistoletë me tre fishekë, shkruan PrizrenPress.

Të premtën e kaluar, në rrugën “Xhavit Syla”, i dyshuari kishte qëlluar me armë zjarri viktimën mashkull duke i shkaktuar lëndime trupore.

“Në lidhje me rastin raportohet se me 04.09.2017 është dorëzuar në polici i dyshuari mashkull K/Shqiptar dhe i njëjti ka dorëzuar një pistoletë me tre fishekë. Me vendim të prokurorit i dyshuari është dërguar në mbajtje”, thuhet në raportin e Policisë. /PrizrenPress.com/

Samidin Dauti i Vetëvendosjes, sipas qytetarëve, do të fitojë zgjedhjet lokale të 22 tetorit në komunën e Dragashit.

Në pyetjen e Koha.net se cili prej kandidatëve do të fitojë zgjedhjet për kryetar të Dragashit, nga 200 komente në total, rreth 50 prej tyre e kanë favorizuar kandidatin e VV-së.

LDK-ja me Selim Kryeziun dhe PDK-ja me Shaban Shabanin kanë nga rreth 30 komente favorizuese, ndërsa menjëherë pas tyre janë Nisma me Fatmir Halilin dhe AAK-ja me Selami Saitin.

Në komente kandidati i Vakatit Sherif Aga, është përmendur një herë, ndërsa nuk është përmendur ai i Jedinstvena Goranska Partija.

Ish-kuvendarja e Lëvizjes Vetëvendosje në Prizren, Drita Millaku, kërkon nga organet e drejtësisë që t’i zgjerojnë hetimet për uzurpimimin që kanë ndodhur në këtë qytet.

Ajo, thotë se në mesin e shumë uzurpimeve që kanë ndodhur deri më tash është edhe hapësira e pronës së Hekurudhës.

“Kërkoj nga organet e hetuesisë që të marren edhe me këtë rast”.

Millaku, e cila në zgjedhjet e qershorit është zgjedhur deputete e Kuvendit të Kosovës, tregon se si kuvendare ka parashtruar pyetje rreth uzurpimit të pronës së Hekurudhës.

“Përgjigjeje nuk kam marrë asnjëherë”.

Departamenti për Krime të Rënda në Prokurorinë Themelore në Prizren, ka ngritur aktakuzë ndaj Bujar Hasanit dhe personit me inicialet E.B. për veprat penale të keqpërdorimit të pozitës apo autoritetit zyrtar, si dhe uzurpimit të paligjshëm të pronës së paluajtshme.
Sipas aktakuzës i pandehuri Bujar Hasani nga data 10.09.2016 e deri më tani në Prizren, në cilësinë e personit zyrtar, përkatësisht drejtor i Drejtorisë së Inspekcionit në Komunën e Prizrenit, duke e shfrytëzuar detyrën apo autoritetin zyrtar, me dashje nuk i ka përmbushur detyrat e tij zyrtare të përcaktuara me ligj, me qëllim të përfitimit të dobisë pasurore për vete, duke mos ndërmarrë masat e duhura në pajtim me autorizimet e tij ligjore për largimin e aneks-konstruktit metalik të vendosur si vazhdimësi e lokalit, pronar i së cilës është vet i akuzuari, e cila gjendet në zonën e mbrojtur të qytetit. Me këtë i pandehuri ka uzurpuar në mënyrë të kundërligjshme pronën e paluajtshme të Komunës së Prizrenit në Zonën e Mbrojtur të Qytetit.

Hasani, akuzohet se ka kryer veprat penale: Keqpërdorim i pozitës apo autoritetit zyrtar dhe Uzurpim i paligjshëm i pronës së paluajtshme.

Deputetja Drita Millaku tregon ndërkaq se për këtë rast ka folur në Kuvendin e Prizrenit.

“Besoj që këto raste janë shembulli më i mirë se me çfarë personash është udhëhequr deri më tani komuna jonë”,shprehet Millaku.

Ajo, beson se shumë shpejt do të ngritët aktakuzë edhe për rastin e Hekurudhës./PrizrenPress.com/

Departamenti për Krime të Rënda në Prokurorinë Themelore në Prizren, ka ngritur aktakuzë ndaj Bujar Hasanit dhe personit me inicialet E.B. për veprat penale të keqpërdorimit të pozitës apo autoritetit zyrtar, si dhe uzurpimit të paligjshëm të pronës së paluajtshme.

Sipas aktakuzës i pandehuri Bujar Hasani nga data 10.09.2016 e deri më tani në Prizren, në cilësinë e personit zyrtar, përkatësisht drejtor i Drejtorisë së Inspekcionit në Komunën e Prizrenit, duke e shfrytëzuar detyrën apo autoritetin zyrtar, me dashje nuk i ka përmbushur detyrat e tij zyrtare të përcaktuara me ligj, me qëllim të përfitimit të dobisë pasurore për vete, duke mos ndërmarrë masat e duhura në pajtim me autorizimet e tij ligjore për largimin e aneks-konstruktit metalik të vendosur si vazhdimësi e lokalit, pronar i së cilës është vet i akuzuari, e cila gjendet në zonën e mbrojtur të qytetit. Me këtë i pandehuri ka uzurpuar në mënyrë të kundërligjshme pronën e paluajtshme të Komunës së Prizrenit në Zonën e Mbrojtur të Qytetit.

Hasani, akuzohet se ka kryer veprat penale: Keqpërdorim i pozitës apo autoritetit zyrtar dhe Uzurpim i paligjshëm i pronës së paluajtshme.

Gazeta JnK, në një hulumtim të bërë më 7 prill 2017, raportoi se drejtori i Inspekcionit Bujar Hasani, nuk ka vepruar ndaj lokalit të tij, e as ndaj lokaleve tjera që ndodhen në këtë zonë të mbrojtur me ligj.

Lokali “Fellas” gjendet në zonën e parë të Qendrës Historike të Prizrenit, e cila është e mbrojtur me ligj të veçantë për këtë qendër. Para këtij lokalit, në vitin 2015, është ndërtuar një konstruksion metalik dhe është mbuluar sipërfaqja publike.

Pesë muaj më parë, Gazeta JnK raportoi se vendosja e këtij konstruksioni metalik është në kundërshtim me ligjin për Qendrën Historike të Prizrenit.

Lidhur me këtë hulumtim, zyra ligjore e BIRN i’ u pat drejtuar me shkrese zyrtare Prokurorisë së Prizrenit lidhur me këtë hulumtim të bërë.

Ndërkaq, sipas aktakuzës së prokurorisë i akuzuari E.B. në cilësinë e personit zyrtar, përkatësisht inspektor i ndërtimit në Komunën e Prizrenit, i caktuar me përgjegjësi në zonën e mbrojtur, duke shfrytëzuar detyrën apo autoritetin zyrtar, me dashje nuk i ka përmbushur detyrat e tij zyrtare të përcaktuara me ligj, me qëllim të përfitimit të dobisë pasurore për tjetrin, në këtë rast për të akuzuarin Bujar Hasani, të cilin e ka epror, duke mos ndërmarrë masat e duhura të inspektimit në pajtim me autorizimet e tij, për inicimin e procedurës për largimin e aneks-konstruktit metalik, të vendosur si vazhdimësi e lokalit, e cila gjendet ne zonën e mbrojtur të qytetit.

Me këtë veprim i pandehuri E.B. ka kryer veprën penale: Keqpërdorim i pozitës apo autoritetit zyrtar.

Prokurori i çështjes nga Prokuroria Themelor e Prizrenit, i ka propozuar gjykatës kompetente që të pandehurit t’i shpallë fajtorë për veprat e kryera penale dhe t’i dënojë sipas ligjit.