Kryetari i PDK-së, Kadri Veseli, nuk ka përfillur propozimet e këtij subjekti politik në Prizren. Ai, ka shpallur sot Shaqir Totajn, kandidat për kryetar të Prizrenit.

Totaj, nuk ishte propozuar nga Dega e Partisë. Caktimi i tij është bërë direkt nga Veseli.

“Me vullnetin e qytetarëve të Prizrenit Shaqir Totaj do të jetë kryetar i ardhshëm i Prizrenit”, tha Veseli.

Ai, është shprehur i bindur se Totaj do të fitojë me 22 tetor.

“Me modestinë që e karakterizon këtë qytet dhe me përkushtimin e përbashkët jam i bindur se do të arrijmë fitore me 22 tetor. Fitore që do të jetë fitore e qytetarëve të Prizrenit, fitore për ta shndërruar këtë perlë në vend me të cilin do të jemi krenar”, u shpreh Veseli.

Kryetari i Degës së PDK-së në Prizren, Minir Krasniqi, ndërkaq ditë më parë tha se katër emra janë propozuar për kandidat të Prizrenit.

“Janë tre apo katër emra në garën e ngushtë, janë anëtarë të kryesisë dhe figura të rëndësishme të partisë. Jemi duke biseduar dhe nuk ka asgjë definitive, nuk kemi vendim final”, pati deklaruar Krasniqi,duke mos i zbuluar emrat e tyre.

Burimet e sigurta të “PrizrenPress”, tregojnë se në mesin e emrave të propozuar nga Dega e PDK-së në Prizren, nuk ka qenë kandidati për kryetar të Prizrenit, Shaqir Totaj.

“Jo, nuk ka qenë Shaqir Totaj i propozuar nga Dega e PDK-së në Prizren”, tregon me kusht anonimiteti një zyrtar i lart i partisë në Prishtinë.

Sipas tij, Kadri Veseli ishte përcaktuar më herët për Totajn.

Muajin e kaluar “PrizrenPress”, pati shkruar se Veseli, është përcaktuar për Totajn, që të jetë kandidat për kryetar të Prizrenit.

“Kur është publikuar lajmi muajin e kaluar që Totaj, do të jetë kandidat për kryetar të Prizrenit, Dega nuk ka pas dërguar ende emrat në Prishtinë”, tregon burimi brenda këtij subjekti politik.

Kryesia e PDK-së në Prizren, ishte kundër kandidimit të Shaqir Totajt, për kryetar të Prizrenit. Caktimi i tij, është bërë direkt nga Veseli.

“Kryetari(Veseli) ishte përcaktuar për Totajn, pavarësisht propozimeve të PDK-së në Prizren”.

“ Pavarësisht këtyre zhvillimeve, Kryesia e PDK-së në Prizren, është pajtuar që të mbështesin Totajn në këtë garë”.

Ndërkaq, Shaqir Tota, falënderon strukturën, lidershipin dhe në veçanti kryetarin e PDK-së që morën guximin dhe vizionin që kandidat ta zgjedhin një person që ka qenë jashtë politikës.

”Besoj me një përkrahje të gjerë, Së bashku do të ia dalim. Jam optimist. Jam i vetëdijshëm që do të jetë një sfidë por edhe një mundësi për hapje të perspektivave të reja”, tha Totaj.

Shaqir Totaj, është njëri prej themeluesve të Administratës Tatimore në Prizren, duke u vlerësuar me disa çmime për angazhim në punë. Në vitet 2009-2010 ai ka kryer një specializim në Amerikë me mbështetjen e Ambasadës Amerikane. Po ashtu, nga viti 2011 është Kryetar i Klubit të Basketbollit Bashkimi në Prizren. /PrizrenPress.com/

Kandidati i Nismës për kryetar të Prizrenit, Zafir Berisha thotë se NISMA nuk premton atë që nuk e realizon.

Sipas tij, misioni i Nismës është ndërtimi i shtetit të së drejtës.

Postimi i plotë në Facebook

NISMA është e bindur se beteja politike ushtrohet përmes debatit demokratik, aty ku është fusha e jetësimit dhe e ligjësimit të lirisë sonë, aty ku realizohen idetë tona të çlirimit e të progresit.

Në debatin politik, ne i nxjerrim në pah projektet tona të studiuara e të planifikuara, për të jetësuar alternativën tone politike për një qeverisje të mirë e të lirë.
Politika e Nismës nuk premton atë që nuk e realizon dot dhe e bën realitet çdo gjë që ua premton qytetarëve të vet. Fitorja politike e Nismës Socialdemokrate është instrument ynë e jo qëllimi ynë në vete.

Ne s’duam të luftojmë askënd, por jemi të vendosur të kryejmë misionin që NISMA ia ka ve vetes – ndërtimin e Shtetit të se drejtës.

Ne, shqiptaret e Kosovës jemi dëshmi e gjallë e një energjie pozitive dhe aftësie të rrallë për t’u përshtatur me kohën e me hapësirën e re të pas vitit ’99.
E kemi lënë pas të shkuarën e dhimbshme plotë sfida dhe kemi ndryshuar rrënjësisht mënyrën e jetesës sonë në funksion të integrimit në një botë rregullash të reja progresive e solidariteti.

Duke pasur sukses në jo pak raste, kemi arritur të ngremë në këmbë sipërmarrje mbresëlënëse, të nxjerrim në dritë dhunti e realitete të vështira gjeografike, historike, ekonomike, sociale dhe të ngritën në shkallë të ndryshme karrierash të suksesshme nëpër vende të ndryshme në botën demokratike.

Ne besojmë se në Kosovën e lirë, aty ku njeriu ynë do të ketë shpresë dhe besim për të ardhmen e tij të sigurt.

Në atdheun tonë askush nuk guxon të ndjehet i tepërt apo i huaj për shkak të gjinisë, etnisë, fesë, krahinës, apo bindjeve politike a ideologjike.

Atdheu ynë sot më shumë se kurrë duhet të jetë i hapur si ndaj burrave ashtu dhe grave, si ndaj shqiptarëve dhe komuniteteve pakicë.
Kosova sot duhet t’u ofrojë shanse e mundësi të barabarta për të gjithë qytetarët pa përjashtim…
NISMA për Kosovë

I pari i Partisë Demokratike të Kosovës Kadri Veseli, ka prezantuar në selinë e Degës së PDK-së në Prizren, kandidatin për kryetar të PDK-së për këtë qytet.

Veseli qytetin e Prizrenit edhe njëherë e cilësoi të veçantë për PDK-në.

“Dëshiroj ta theksoj faktin se për PDK-në Prizreni ka qenë dhe është kryeqendra politike dhe historike jo vetëm e shqiptarëve anë e kënd botës. Në të njëjtën kohë Prizreni do të jetë epiqendra ku do të ketë zhvillim të hovshëm ekonomik” tha Veseli në fillim të fjalës së tij.

Për PDK-në shtoi ai qyteti i Prizrenit ka qenë dhe është një përkushtim shumë i rëndësishëm.

Duke e falënderuar Ramadan Mujën për qeverisjen në tri mandate ndërsa strukturat për vullnetin që të gjendet një kandidat i fortë dhe premtues, lideri i PDK-së, kandidatin për kryetar e quajti, qytetar të ndershëm profesionist dhe njeri të jashtëzakonshëm

“Me vullnetin e qytetarëve të Prizrenit Shaqir Totaj do të jetë kryetar i ardhshëm i Prizrenit. “Me modestinë që e karakterizon këtë qytet dhe me përkushtimin e përbashkët jam i bindur se do të arrijmë fitore me 22 tetor. Fitore që do të jetë fitore e qytetarëve të Prizrenit, fitore për ta shndërruar këtë perlë në vend me të cilin do të jemi krenar” u shpreh Veseli.

Sipas të parit të PDK-së Prizreni, me Shaqir Totën kryetar, do të jetë qendra kryesore e zhvillimit ekonomik të Kosovës, ndërsa premtoi se shumë shpejt në Prizren do të bartet Ministria e Kulturës.

“Gradualisht do të fillojmë bartjen e institucioneve të Kosovës në Prizren. Ditët na ndajnë kur selia e Ministrisë së Kulturës do të jetë në Prizren” tha Veseli.

Shaqir Tota, në fjalën e tij falënderoi strukturën, lidershipin dhe në veçanti kryetarin e PDK-së që morën guximin dhe vizionin që kandidatë ta zgjedhin një person që ka qenë jashtë politikës.

”Besoj me një përkrahje të gjerë, Së bashku do të ia dalim. Jam optimist. Jam i vetëëdijshëm që do të jetë një sfidë por edhe një mundësi për hapje të pesrpektivave të reja” tha Totaj.

Ai duke e cituar Çerçilin tha se pushteti më shumë duhet të kuptohet si përgjegjësi e shumë më pak si privilegj.

“Pushteti është shumë më tepër përgjegjësi dhe llogaridhënie e shumë më pak privilegj. Në frymën e kësaj thënie ne do të qeverisim me një kornizë ligjore që domosdoshmërish do të respektohet. Vazhdojmë me fitore të reja. Na pret një pune e madhe”, u shpreh ai./gazetaere.com/

Lëvizja Vetëvendosje ka nominuar Visar Korenicën kandidat për kryetar të komunës së Rahovecit, në zgjedhjet lokale të 22 tetorit.

Korenica me këtë rast tha se që nga paslufta komuna e Rahovecit ka mbetur një nga komunat të lëna pas dore, si pasojë e keqqeverisjes, keqmenaxhimit dhe mos transparencës ndaj qytetarëve të komunës së Rahovecit.

“Ju jeni qytetarët më punëtorë në Kosovë dhe ju meritoni më mirë. Por, ndryshimet e mëdha dhe punët e mëdha bëhen vetëm bashkë dhe #MeZemër. 22 tetori përfaqëson datën e ndryshimit të madh për Rahovecin tonë dhe fillimin e një periudhe të re të ndritur, ku vet ju qytetarët do të udhëhiqni proceset dhe unë do të jem vetëm në shërbimin tuaj, në kontakt të përditshëm”, tha ai.

Ai tha se ka pezulluar të gjitha aktivitetet tjera, përfshirë edhe ato në organizatën Iniciativa Pozitive.

“Vetëm bashkë – të rinjtë, gratë sipërmarrëse, familjet e dëshmorëve dhe martirëve, vreshtarët, pensionistët, mërgimtarët dhe të gjitha shtresat tjera – vetëm bashkë mund ta bëjmë ndryshimin e madh për Rahovecin tonë. Pres që të bashkoheni të gjithë, #MeZemër për ndryshimin e madh, për Rahovecin tonë!”, tha ai. /Telegrafi/

Lidhja Demokratike e Kosovës do të garojë për kryetar të komunës në Prizrenit në zgjedhjet lokale të 22 tetorit, me ish-deputetin Hatim Baxhaku.

Vendimi është marr sot nga kryesia e kësaj partie, ndërsa këtë e ka konfirmuar për lajmi.net, nënkryetari i LDK-së, Lutfi Haziri.

“Sot është vendos për Prishtinë ku do të garojë Arban Abrashi dhe në Prizren, Hatim Baxhaku”, ka thënë Haziri për lajmi.net.

Për Prizren si kandidatë i mundshëm ka qenë edhe Driton Selmanaj.

Zgjedhjet lokale do të mbahen më 22 tetor, ndërsa që sot përfundon afati i dërgimit të listave në KQZ./Lajmi.net/

Një person i gjinisë mashkullore është arrestuar në fshatin Lubizhdë të Malishevës për përdorim të armës, shkruan PrizrenPress.

Policia e Kosovës bën të ditur se i dyshuari kishte shtënë një herë me pistoletë në drejtim të tokës pas një mosmarrëveshje që kishte me dy viktimat, burra shqiptar.

“Pistoleta me 10 fishekë është konfiskuar, ndërsa me urdhër të prokurorit pas intervistimit i dyshuari është liruar dhe rasti shkon në procedurë të rregullt”, thotë PK-ja. /PrizrenPress.com/

Është arrestuar një person në Dobidol të Rahovecit pasi që i njëjti në gjendje të dehur ka shtënë me armë zjarri në drejtim të viktimës mashkull.

Nga raporti i Policisë bëhet e ditur se viktima nuk ka pësuar lëndime trupore, shkruan PrizrenPress.

Në vend të ngjarjes janë gjetur tri gëzhoja, ndërsa në murin e shtëpisë së viktimës vëreheshin tri vrima të shkaktuara nga predhat.

Nga i dyshuari është konfiskuar një pistoletë me 42 fishekë. Me vendim të prokurorit i dyshuari është dërguar në mbajtje. /PrizrenPress.com/