Deputeti i zgjedhur i Nismës për Kosovën Zafir Berisha është deklaruar zyrtarisht se do të jetë kandidat për kryetar të Prizrenit.

Berisha ka thënë për lajmi.net, se ndihet i pakonkurrent në këtë komunë duke u bazuar në të dhënat e tij për kandidatët e mundshëm të partive të tjera në Prizren.

“Aktualisht nuk dihet pasi partitë tjera deri në minutën e fundit nuk dihet kush do të jetë. I di disa emra që po lakohen, sipas burimeve të mija të informacionit, por asnjëri nuk është kandidatë që mundet të më sfidojë”, ka thënë Berisha.

Siç tha ai, kësaj radhe Nisma ndihet më komode se herën e kaluara në garë për të parin e Prizrenit.

Ai nuk ka treguar për emrat e konkurrentëve që burimet e tij i kanë “zbuluar”, pasi thotë, se asgjë nuk ka zyrtare nga partitë e tjera.

“Emrat që lakohen nuk i shohë potencial që munden me më sfiduar në zgjedhjet e 22 tetorit kështu që natyrisht tani më duhet të thelloj kontratën me qytetarët që nga tetori të qeverisë me Prizrenin”, ka deklaruar ai .

Tutje kandidati për kryetar të Prizrenit ka thënë, se përgatitje po vazhdojnë dhe e ripërsërit edhe një herë se janë gati për fitore.

“Jemi të përgatitur, 45 kandidatë për asamble i kam gati më 15 i qojmë në parti i analizojmë në Prishtinë dhe jeni të gatshëm si degë e Nismës në Prizren të fitojmë në zgjedhje”, ka thënë ndër tjera Berisha. /Lajmi.net/

Kryetari i Vetëvendosjes në Prizren, Artan Abrashi thotë se kryetari i Komunës, Ramadan Muja, jo që nuk ka pasur kohë të merret me Komunën e Prizrenit, por gjatë këtyre viteve i ka shkaktuar shumë dëme në zhvillimin ekonomik kësaj Komune.

“Gjatë këtyre dy mandateve Ramadan Muja është ballafaquar vetëm nëpër gjykata”, ka thënë Abrashi për Zërin.

“I gjithë funksioni i ti ka qenë prerja e shiritave”.

“Gjatë kësaj kohe personeli i tij është ballafaquar me skandale të ndryshme, ku edhe janë duke u marrë me procese gjyqësore”.

“Kjo ka ndikuar edhe te investitorët, pasi që ka pasur mundësi që Prizreni të ishte qyteti më i zhvilluar ekonomikisht në Kosovë”.

“Mund të cekim se në një objekt që ka filluar të ndërtohet në zhur kemi një punëtor të vdekur dhe mosfunksionalizimin e tij , asfalte që janë shtruar me cilësi të dobët”.

“Vetëm për shpenzimet e drekave kjo qeverisje në vitin 2014 ka harxhuar 112 mijë euro, kurse brenda gjashtë muajve 60 mijë euro”./PrizrenPress.com/

Kryetari i LDK-së në Prizren, Haxhi Avdyli, vlerëson se Qeveria e Ramadan Mujës, ka dështuar në Prizren. Sipas tij, projektet e promovuara në kohë fushate nuk janë realizuar.

“Shumicën e kohës, ky njeri ka qenë nëpër seanca gjyqësor”, thotë Avdyli.

Sipas tij, korrupsioni është duke lulëzuar në Prizren.

“Jo vetëm kryetari, por edhe drejtorët e tij janë me aktakuza dhe kanë qëndruar vazhdimisht neper gjykata”, shkruan Zëri.

Avdyli tregon se gjatë kohës së qeverisjes së Ramadan Mujës, nuk a pasur zhvillim ekonomik.

“Janë larguar edhe investitorët”. /PrizrenPress.com/

Gjykata Themelore e Prizrenit, përmes një komunikate për medie, ka njoftuar se e ka aprovuar kërkesën e Prokurorisë Themelore të Prizrenit, duke i caktuar masën e paraburgimit prej një (1) muaj të pandehurve nga fshati Lubizhdë – Komuna e Prizrenit me iniciale J.R.,  A.R., L.J., B.J., RR.J., shkruan PrizrenPress.

Në komunikatë thuhet se të pandehurit dyshohen për shkelje të Kodit Penal, sepse me datën 06.08.2017, rreth orës 23:30 në fshatin Lubizhdë, Komuna e Prizrenit, pas një mosmarrëveshje në një aheng (dasme) janë përlesh në mes vete duke përdorur forcën dhe mjete të forta, shkaktojnë lëndime të lehta trupore të ndërsjellta.

“Duke pasur parasysh se të njëjtit në vazhdimësi kanë mosmarrëveshje në mes veti dhe në mes dy familjeve për shkak të problemeve të mëhershme, Gjykata iu ka caktuar masën e paraburgimit”, thuhet në  komunikatë.

Me këto veprime të pandehurit e lartcekur dyshohen se kanë kryer veprën penale, lëndim i lehtë trupor nga neni 188 par.1 dhe 2 lidhur me nenin 31 të KPRK-së. /PrizrenPress.com/