Kandidati i Lëvizjes Vetëvendosje për kryeministër, Albin Kurti, ka thënë se pushteti në Kosovë ka ndarë e përçarë popullin kurse i ka bashkuar të korruptuarit e kriminelët.

“Ne do t’ia shërojmë plagët popullit, që ia kanë shkaktuar qeveritë njëra pas tjetrës. Për këtë gjë kemi edhe vullnet edhe program, edhe guxim edhe dije. Qeveria e VETËVENDOSJE!-s, me zemër e mendje, do t’i bashkojë qytetarët”, ka shkruar Kurti në Facebook.

Postimi i plotë i tij në Facebook:

Ata që pushtetin e kanë qëllim vetjak dhe ne që e kemi mjet politik

Fitorja në politikën kosovare është keqkuptuar duke u degraduar në fitore elektorale. Lëvizja nuk duhet (vetëm) ta marrë pushtetin, por (njëkohësisht) ta zëvendësojë atë me një lloj të ri të pushtetit. Dhe, është pikërisht VETËVENDOSJE! dhe vetëm ajo që don ta marrë pushtetin. Partitë tjera në Kosovë nuk duan ta marrin pushtetin. Ato duan të jenë pushteti. Vetëm Lëvizja jonë don ta marrë pushtetin siç merret një mjet, për të realizuar pra qëllimet politike që derivojnë nga koncepti ynë. Ndërsa të tjerët nuk duan ta marrin pushtetin sepse nuk e shohin atë si mjet; ata duan të jenë pushteti, sepse pushteti për ta është vetëm qëllim dhe i vetmi qëllim.

Por cilat janë synimet tona, për ç’arsye duam ne ta marrim pushtetin? Arsyet janë të shumta, e njërën prej tyre e keni të gjithë me vete, të nderuar lexues. Ajo është kuleta juaj. Kuleta e njerëzve të Kosovës së varfëruar është bërë si qepa: kur e hap të detyron të qash.

Si u bë e mundur që kuletat e njerëzve të thjeshtë janë zbrazur, ndërsa kontot e pushtetarëve, privatizuesve e haraçxhinjve janë stërfryrë me miliona e miliarda?

Kjo ka ndodhur sepse këta pushtetarë të partive të vjetra e kanë dashur buxhetin dhe i kanë përdorur qytetarët. Ndërsa ne kudo që do të qeverisim, udhëhiqemi nga parimet tona: ne qytetarët i duam, ndërsa buxhetin e përdorim.

Pushteti në Kosovë ka ndarë e përçarë popullin kurse i ka bashkuar të korruptuarit e kriminelët. Ne do t’ia shërojmë plagët popullit, që ia kanë shkaktuar qeveritë njëra pas tjetrës. Për këtë gjë kemi edhe vullnet edhe program, edhe guxim edhe dije. Qeveria e VETËVENDOSJE!-s, me zemër e mendje, do t’i bashkojë qytetarët.

Gënjeshtrat kanë ardhur dhe ende vijnë prej lart. E vërteta vjen prej poshtë, prej popullit, siç erdhi në 11 qershor.

Dhe kjo e vërtetë bën të mundur që ne të marrim pushtetin e ta transformojmë atë, të vijë zhvillimi e drejtësia. Për ata që sollën prapambetje dhe padrejtësi, fitorja jonë sjell mundësinë që të shfryhen duke ofenduar, deri sa t’iu vijë thirrja prej gjykatave

Deputeti i AAK-së Rasim Selmanaj është shprehur i vendosur se koalicioni PAN i ka votat e mjaftueshme për ta bërë Qeverinë, ndonëse nuk ka bërë të ditur se sa vota i ka gjithsej. Ai me këtë rast ka thënë se ekziston mundësia që Qeveria të votohet në seancën e 3 gushtit ose një ditë pas saj, transmeton zeri.info.

“Ekziston mundësia, por të shohim si do të zhvillohet situata më 3 gusht. Nëse jo më 3 gusht, atëherë një ditë më vonë gjithsesi”, ka deklaruar ai.

Selmanaj më tutje ka folur edhe për një qeveri të gjerë, me ç’rast ka thënë se PAN-it ende beson se do t’i bashkohet LDK-ja, transmeton zeri.info.

“Por ne ende po besojmë që të na bashkohet edhe LDK-ja. Ne jemi të hapur dhe mendoj se bashkimi i LDK-së, i LAA-së në një qeveri me Haradinajn do të ishte bukur i natyrshëm”, ka shtuar ai.

Por analisti politik Dimal Basha ka vlerësuar se kandidati për kryeministër nga PAN-i, Ramush Haradinaj, nuk e ka përkrahjen e mjaftueshme për ta bërë Qeverinë.

“Nuk besoj se z. Haradinaj e ka përkrahjen e deputetëve të mjaftueshëm për ta marrë aprovimin në Kuvend, për shkak të qëndrimeve kundërshtuese nga i gjithë spektri politik”, ka thënë ai./Zeri/

Ndonëse ende nuk është qartësuar shumica parlamentare, seanca konstituive e legjislaturës së gjashtë do të mbahet këtë të enjte, në të cilën pritet të zgjedhen kryetari, kryesia dhe nënkryetarët e Kuvendit.

Këshilli Drejtues i PDK-së tashmë zyrtarisht ka nominuar liderin e vet, Kadri Veselin, kandidat për kryetar të Kuvendit.

Zyrtarët e koalicionit PDK-AAK-Nisma kanë paralajmëruar se më 3 gusht mund të votohet edhe Qeveria Haradinaj, shkruan “Epoka e re”.

Mjekët amerikanë që kryejnë kontroll në Kosovë, po bëjnë një punë shumë të mirë dhe që po u ndihmojnë qytetarëve që kanë nevojë për trajtim shëndetësor.

Mazllum Belegu kryetar i ‘Gift of life Kosova’, tha se vitn tjeter do të kontrollohen të gjithë fëmijët që kanë pasur rast për shërim nga ky projekt. Sipas tij nuk ka qenë punë e lehët që do të zgjidhen fëmijët për të kontrolluar dhe të dërgohen për shërbim.

“Deri më tani kanë shkuar 93 raste që kanë shkuar për shërim”, tha ai sot në emisionin e mëngjesit “Mirëmëngjesi Kosovë’ në Radio Televizionin e Kosovës (RTK).

Ai bëri me dije se të gjithë këta në vitin e ardhshme do të kontrollohen dhe se asnjë prej tyre nuk kanë ankesa.

Kurse Albana Krasniqi drejtoresh e ‘Gift of life Internacional’, tregoi se si ka filluar me këtë projekt për shërim. Ajo është përgjegjëse për rritjen e fondeve për fëmijët e Kosovës.

“Në fillim ka qenë pak vështirë, por me kalimin e kohës dhe ardhjen e fëmijëve për tu shëruar në Nju Jork, u rrit vetëdija e komuniteti për këtë ide’, tha ajo sot në emisionin e mëngjesit “Mirëmëngjesi Kosovë’ në Radio Televizionin e Kosovës (RTK).

Krasniqi tha se nuk do të ndalen për të ndihmuar fëmijët kosovar, pasi që ata janë ardhmëria e vendit. “Amerikanët vullnetarizmin e kanë gjak”, tha ai.