Njësia policore në pikë kalimin kufitar në Vërmicë ka ndaluar të dyshuarën femër shqiptare, shtetase e Shqipërisë, e cila ishte duke kaluar kufirin në mënyrë ilegale.
Policia ka bërë me dije se me vendim të prokurorit e dyshuara është depërtuar për në Shqipëri, shkruan PrizrenPress.
Në Priazovski të Ukrainës është hapur një klasë në gjuhën shqipe, pasi që aty jeton një pjesë e komunitetit shqiptar.
Ambasadorja e Shqipërisë në Ukrainë, Shpresa Kureta ka marrë pjesë në përurimin e kësaj klase duke iu dhuruar nxënësve libra për mësimin e gjuhës shqipe.
Për hapjen e kësaj klase ka shkruar edhe presidenti i Kosovës, Hashim Thaçi në rrjetin social Twitter. / KultPlus.com
NISMA për Kosovën, dega në Prizren, ka akuzuar partnerët qeverisës të komunës për mos emërtimin e rrugëve dhe të shesheve nëpër qytet dhe fshatra përreth.
NISMA, përmes një reagimi dërguar mediave, ka thënë se qeveria e PDK-së dhe partnerëve të saj të koalicionit, të infektuar nga sëmundja e tenderomanisë, kanë lënë komunën e Prizrenit pa emërtimin e rrugëve dhe të shesheve.
“Të infektuar nga sëmundja e tenderomanisë, qeveria e PDK-së dhe partnerëve të saj të koalicionit kanë lënë komunën e Prizrenit si të vetmen në Kosovë, pa emërtimin e rrugëve dhe shesheve nëpër qytet dhe fshatra përreth. Derisa edhe qytetet më të vogla në Kosovë e kanë përfunduar vendosjen e tabelave me emra nëpër rrugë dhe sheshe, Prizreni akoma po vazhdon të mbetet peng në këtë drejtim. Krejt kjo si rezultat i ndikimit të njësive parapolitike për dhënien e tenderëve”, thuhet në reagimin e këtij subjekti politik, përcjell PrizrenPress.
“Prizreni sot, si dhe fshatrat e kësaj komune, jo vetëm që ende nuk kanë tabela me emërtime të rrugëve, po ashtu ky qytet po vazhdon me mospasjen edhe të shenjëzimit horizontal”.
“Arsyeja e shtyrjes e më shumë se një viti dhe anulimi i tenderit deri tek përshtatja për njerëzit e lidhur me parapolitikën e partive në pushtet, e bënë qeverisjen Muja dhe koalicionin qeverisës të diagnostikuar nga infektimi tenderoman”.
“Kuvendi Komunal përmes një komisioni në të cilin ka dhënë kontribut edhe Dega e NISMA në Prizren, para një viti ka miratuar vendimin për emërtimin e rrugëve dhe shesheve të qytetit dhe fshatrave, si kriter i kërkuar po ashtu edhe nga Bashkësia ndërkombëtare, por për fat të keq qeveritarët e korruptuar sikur në rastet tjera edhe në këtë rast, më shumë janë të interesuar për xhepat e tyre, sesa për shërbimin e nevojshëm ndaj qytetarëve”. /PrizrenPress.com/
Ministria e Arsimit nuk do t’i shpërndajë më tekstet falas nga klasa e gjashtë deri në të nëntën, por vetëm nga klasa e parë deri në të pestën.
Sipas zyrtarëve të Ministrisë, ky vendim është marrë pasi janë grumbulluar shumë tekste të cilat mund të shfrytëzohen edhe pas përdorimit. Gjithashtu, u tha se shpërndarja e teksteve falas i ka kushtuar shumë Qeverisë së Kosovës, deri në 7 milionë euro në vit.
Shpërndarja e teksteve falas nga klasa e parë deri në të nëntën ka kushtuar shumë, thonë zyrtarë të Ministrisë së Arsimit. Për të kursyer buxhetin dhe për të shfrytëzuar librat e grumbulluar, të cilat mund të përdoren përsëri, është marrë vendimi që të mos shpërndahen falas librat nga klasa e gjashtë deri në të nëntën.
Ushtruesi i detyrës së drejtorit për Zhvillimin e Arsimit Parauniversitar në Ministrinë e Arsimit, Mustafë Kadriu tha për Radio Kosovën se komisioni i formuar për këtë çështje ka konstatuar se tekstet nga klasa e gjashtë deri në të nëntën mund të shfrytëzohen edhe një vit nga gjenerata paraprake. Gjithashtu, kjo është një mundësi për të kursyer buxhetin e Kosovës, tha Kadriu.
“Arsyeja e parë është që shteti i Kosovës mund të kursejë ku ka mundësi të kursejë, sepse teksti mund të shfrytëzohet, arsyeja tjetër është që të krijojmë një kulturë të ruajtjeve të teksteve, një kulturë të punës. Diku rreth 4 milionë euro në vit kanë mundësi të ruhen ose të shfrytëzohen për ndonjë formë tjetër.”
Kadriu bëri të ditur se çdo vit janë shpenzuar rreth 7 milionë euro për shpërndarjen e librave falas, ndërsa këtë vit do të shpenzohen 3 milionë e 600 mijë euro për librat nga klasa e parë deri në të pestën. Ai shtoi se tashmë shtëpitë botuese e dinë paraprakisht se sa libra do të prodhojnë për këtë vit.
“Ne kemi thënë se nëse brenda një shkolle të një komune nuk ka tekste të mjaftueshme mund të shkojmë në një shkollë tjetër që ka. Në bazë të analizave që kemi bërë të numrit të nxënësve kemi parë se çdo gjeneratë ka më pak nxënës se gjenerata paraprake. Udhëzimi administrativ e përcakton saktë se kujdestari i klasës, prindi dhe nxënësi janë përgjegjës për t’i kthyer tekstet.”
Kadriu tha se librat mund të plotësohen edhe nga stoqet që janë krijuar në vitet paraprake, të cilat janë të shfrytëzueshme. Ai bëri të ditur se është planifikuar që për vitin 2018/2019, do të nxirren tekstet e reja për klasën e parë, të gjashtë dhe të dhjetë, kështu në mënyrë lineare të plotësohen me të reja duke shfrytëzuar të vjetrat me mundësi të pakta shpenzimi.
Në vitin 1998 në betejë të drejtëpërdrejtë me forcat militare e paramilitare serbe u ndeshën ushtarët e Lirisë së Kosovës. Po bartnin armatim nga Shqipëria për luftën e shenjtë të Kosovës. Në fshatin Buqe të Opojës në mëngjesin e hershëm të 28 korrikut të atij viti, iu dalin në pritë forcat militare e paramilitare serbe. Në këtë ditë para 19 viteve në luftë të drejtpërdrejtë me forcat serbe ranë për të mos vdekur kurrë dëshmorët Beamir Memaj dhe Nexhat Fanaj.
Në përkujtim të 19 vjetorit të rënies u përkujtua edhe dëshmori Ajdin Rramanaj.
Kryetari i Komunës së Prizrenit Ramadan Muja me bashkëpunëtorë, bashkëluftëtarë e familjarë të dëshmorëve, në 19 vjetorin e rënies bënë homazhe dhe vendosën kurora lulesh në varrezat e dëshmorëve në Landovicë.
Kryetari Ramadan Muja, tha me këtë rast se përkujtimi është i mbështjellë me dhembje por më shumë me krenari për veprën e tyre sublime për Lirinë që ne po e gëzojmë sot.
“Me armët e tyre iu kundërvunë okupatorit shekullor në luftën për çlirimin definitiv të vendit nga sundimi i huaj. Ishin pikërisht këta dëshmorë të kombit bashkë me luftëtarë të tjerë që luftuan me përkushtim të madh për çlirimin e vendit. Ne sot po e gëzojmë lirinë në saje të gjakut të dëshmorëve”, tha kryetari Muja.
Adil Memaj familjar i dëshmorit Behamir Memaj, tha se familja ndjehet krenare që ia dha lirisë së Kosovës dhe idealit për bashkim kombëtar njërin nga djemtë më të mirë.
“Behamiri ra heroikisht në ballë të frontit në përballje me forcat serbe në fshatin Buqe, duke u bërë mburojë e shokëve të tij, të cilët së bashku kishin për synim furnizimin me armë të shtabit të Vrrinit, në krye me Komandant Remzi Ademajn” tha Memaj.
Bashkëluftëtari i dëshmorëve Malush Fanaj kërkoi më shumë angazhim nga institucionet sepse shprehu frikën se mund të në zë nëma e dëshmorëve.
“Behamir Memaj ka shku në Shqipëri për armatim me grupin e të rinjëve nga Kosova, ndërsa Nexhat Fanaj ka ardhur nga Zvicra ku ka punuar me gjithë familje. Ka qenë nata e 27 korrikut kur ka filluar beteja me forcat serbe, në të cilën në luftime të drejtëpërdrejta ranë Nexhati e Behamiri” tha Fanaj. Gazetaere.com/
Ish- komandanti i UCK-së, Zafir Berisha, ka përkujtuar dy dëshmorët e kombit, Behamir Memaj dhe Nexhat Fanaj, në 19- vjetorin e reinës.
Postimi i plotë në Facebook
• Më 28 korrik 1998, duke u kthyer nga Shqipëria, një grup prej 63 luftëtarëve që kishin qenë për armatim, bie në pritë të forcave serbe dhe, në luftimet e ashpra që u zhvilluan atëkohë në fshatin Buçe dhe mbi fshatin Brezne (krahina e Opojës) bien heroikisht dy ushtarët tanë, Beamir Memaj dhe Nexhat Fanaj.
Rënia në krye të detyrës e këtyre dy ushtarëve të zellshëm dhe trima, për ne ishte një humbje e madhe. Humbëm dy ushtarët tanë trima, të cilët çdo herë ishin në krye të detyrës për furnizimin e ushtarëve të UÇK-së me armatim.
Nexhati ishte nga ata mërgimtarë që e kishte lënë Zvicrën dhe kishte ardhur për të luftuar për lirinë e vendit, ndërsa familjen e kishte lënë atje. Kurse, Beamiri ishte nga ata djem të ri zhurjanë, i cili kishte ardhur vullnetar në radhët e UÇK-së. Ai ishte me mision në njësitin për furnizim me armatim. Edhe pas rënies së këtyre dy trimave, lufta dhe furnizimi me armë ka vazhduar.
Në nxjerrjen e ushtarëve nga rrethimi, në fshatin Buçe dhe në malet e fshatit Brezne, iu shkojmë në ndihmë, unë me një pjesë të Kompanisë së fshatit Kushtrim, pasi ishte pozicionim më i afërt i UÇK-së me fushëbetejën.
Në këtë aksion kanë qenë edhe policia ushtarake dhe, është me rëndësi të thuhet se, në Shtabin Lokal (më vonë Brigada 125) ka qenë edhe Ekrem Rexha – komandant Drini, i cili pas ofensivës së 16 korrikut të vitit 1998 ishte vendosur në Shtabin Lokal të UÇK-së në Vërri dhe kishte detyrën e shefit të Operativës së Shtabit, i cili ishte edhe pjesë e operacionit për nxjerrjen e dy kufomave të dëshmorëve në luftimet e Buçes dhe Breznes, si dhe të plagosurve, ku ishte edhe një pjesë e komandës së Shtabit Lokal dhe një pjesë e Batalionit të Parë dhe Dytë, si dhe komplet Policia Ushtarake, e udhëhequr nga Salajdin Berisha dhe Xhevat Berisha, i shoqëruar nga luftëtarë nga Vërmica dhe Zhuri.
Vlenë të theksohet edhe kontributi i madh i banorëve të këtyre dy fshatrave të Opojës (Buçe dhe Brezne), për t’i dalë në ndihmë luftëtarëve të lirisë, në mesin e të cilëve kishte shumë të plagosur në këtë betejë. Lufta për lirinë e Kosovës vazhdoi me shumë beteja të tjera kundër okupatorit serb, deri më 12 qershor 1999, ku përfundimisht iu dha fund sundimit sllav në tokat tona.
Ka një histori përtej çdo gruaje të zhveshur. Një histori të cilën ajo përpiqet ta harrojë teksa i buzëqesh pasqyrës të veshur me një kornizë të verdhë.
Me flokët e kapur pas, reflektimi i saj në pasqyrë duket i bukur. “Nudo para pasqyrës”, është një tablo që Maks Velo e ka pikturuar vitet e fundit. Artisti I njohur për vizatimet, apo skulturat dhe shkrimet vitet e fundit ka një cikël të tërë punësh në nudo. Me sytë e mbyllur një tjetër femër qëndron e shtrirë me duart e vendosura në kokë bri një shtrati të purpurt.
Ngjyrat janë një aromë që Velo i vendos butë, për të mbështjellë trishtimin që mund të fshihet në sytë e mbyllur. Me kokën e kthyer nga një hapësirë e gjelbër, një tjetër nudo kërkon të harrojë diçka. E realizuar në vitin 2013, artisti e ka quajtur “Nudo në plazh”.
E gjelbra rrethon dhe “Nudon në pyll” realizuar në vitin 2014. Prej vitit 2010 e deri tashmë vonë, Velo ka realizuar një cikël nudosh, ku shprehet një përkryerje ngjyrash në lakuriqësi. Duket si një kthim në kohë të arta, për të kuptuar atë çfarë trupi femëror mbart, misterin e botës.
Ajo çfarë i bën ndryshe këto nudo, është portreti. Fytyrat e femrave janë të qarta, dhe nuk kërkojnë të fshehin natyralitetin që shtrihet poshtë vështrimit. Krenare dhe të bukura, ato zbulojnë atë që është po aq e rëndësishme, brëndësinë e tyre.
Për Velon këto tablo janë një udhëtim në botën femërore, për të zbuluar dalngadalë misterin që mbart gruaja. /Shqip/
Asnjë muzikant tjetër nuk i bashkon njerëzit e të gjitha moshave, si dhe të marrë vlerësimet maksimalisht në një spektër të gjerë stilesh muzikore, por David Garret mundet ta bëjë.
Në koncertet e tij, publiku hipnotizohet nga talenti dhe pasioni që ai përçon në interpretim dhe mënyrën në të cilën ai zbulon gamën e plotë të asaj që është e arrihet në luajtjen e violinës.
Përgjatë turneut të tij vjetor ai realizon rreth 160 koncerte në të gjithë botën.
Numrin më të madh të publikut Garret i ka në vendlindjen e tij në Gjermani, ku pjesëmarrja në një nga koncertet e tij shkon rreth 65,000 persona në stadiume, ose open air koncert e çmimet variojnë nga 300 euro deri në 85 euro për person dhe bileta janë “Sold out”- të shitura, në dy muajt e parë të vitit.
Koncertet e tij më të sukseshme transmetohen në Tv ZDF ekskluzivisht. Më pas renditet Amerika, vendlindja e nënës së tij, ku publiku shkon rreth 45,000 persona në një koncert dhe ku çmimet variojnë nga 230 USD deri ne 70 USD.
Në repertori i tij në koncerte ai përfshin muzikë klasike të ripërpunuar, si dhe pjesë të njohura të muzikës rock, blues të përshtatura për violinë.
Garrett ka sjellë një formë tërësisht të re shoë muzikor midis klasikes dhe modernes që ka tërhequr jashtmase audiencë në koncertet e ndryshme që ai realizon, shkruan Top-channel.
Shumë fansa të tij, si dhe publiku ka vlerësuar përshtatjen dhe risjelljen në violinë të disa prej hiteve më të njohura botërore nga Nirvana, Metallica, Guns ‘N Rosses, Pink Floyd, si dhe tribute e disa prej hiteve të Michael Jackson të realizuar enkas.
David Garret mësimet e para në violinë i mori në moshën 4-vjeçare dhe u regjistrua në konservatorin e Lubeck në moshën 7-vjeçare. Garrett iu dha falë bujarisë së presidentit gjerman në atë kohë Richard Von Weizsacker në moshën 11-vjeçare violina Stradivarius në përdorim.
Garret njihet si një ndër violinistët më të mirë botërorë dhe mban rekordin Guinness si violinisti që luan më shpejt.
Të ardhurat e tij vjetore, përveç koncerteve janë dhe nga imazhi i tij, ku realizon sete fotografike dhe spote komerciale të disa prej kompanive më të njohura botërore.
Gjykata e Apelit e Kosovës e ka aprovuar si të bazuar ankesën e avokatit mbrojtës, kundër një aktgjykimi të Gjykatës Themelore në Prishtinë, të datës 23.12.2016, njoftoi ajo përmes një komunikate për medie.
I akuzuari Hysni Hoxha konform nenit 364 paragrafi 1, të Kodit të Procedurës Penale të Kosovës, është liruar nga akuza se në cilësi të personit zyrtar – kryetarit të Organit Shqyrtues të Prokurimit, ka kryer veprën penale: “Keqpërdorimi i pozitës apo autoritetit zyrtar” nga neni 422 par. 1 i Kodit Penal të Kosovës.
Kolegji profesional prej tre gjyqtarësh i kësaj gjykate, nder të tjera ka gjetur se në rastin konkret nuk është vërtetuar dashja direkte e të akuzuarit Hysni Hoxha, për të kryer veprën penale si element konstituiv i veprës, si dhe nuk është vërtetuar se me veprimin e tij ka përfituar për vete apo tjetrin dobi pasurore, prandaj vendosi ta lirojë atë nga përgjegjësia penale me bindje të thellë se veprimet e tij nuk hyjnë në sferën penale.
Ish-shefja e grupit parlamentar e Nismës, aktualisht anëtare e kryesisë së kësaj partie, Valdete Bajrami, ka bërë me dije se koalicioni PDK-AAK-Nisma më 3 gusht do t’i formojë institucionet e reja.
Në një intervistë dhënë për gazetën “Epoka e re”, Bajrami ka theksuar se në Qeverinë Haradinaj do të ketë individë të cilët tashmë janë të dëshmuar në projekte madhore që kanë bërë për Kosovën dhe për qytetarët e saj.
Ajo ka theksuar se të gjithë ata që ishin skeptikë për PAN-in, përgjigjen do ta marrin më 3 gusht.
Në këtë intervistë Bajrami ka folur edhe për pamundësinë për t’u bërë deputete e legjislaturës së gjashtë. Ajo ka thënë se për këtë kanë ndikuar shumë faktorë.
Bajrami nuk e ka përjashtuar mundësinë të jetë pjesë e Qeverisë së re.