Nisma për Kosovën sot ka mbajtur një mbledhje të kryesisë ku është analizuar procesi zgjedhor i 11 qershorit.

Sipas një komunikate nga kjo parti, aty është bërë e ditur se Nisma për Kosovën ka pasur një rritje të madhe, dhe do të ketë në Kuvend së paku tetë deputetë, transmeton lajmi.net

“Në këto zgjedhje NISMA për Kosovën ka pasur rritje mbi 40% që është një rezultat shumë i mirë i cili ia mundëson që NISMA për Kosovën në Parlamentin e Kosovës të jetë e përfaqësuar me së paku 8 deputet”, thuhet në komunikatën e kësaj partie.

Kryetari i Nismës, Fatmir Limaj në këtë mbledhje ka thënë se po pritet certifikimi i rezultateve, dhe do të formohet qeveria sipas tij me Ramush Haradinajn kryeministër.

“Kryetari Limaj, theksoi se po punohet që sa më shpejte pas certifikimit të rezultateve të formohet qeveria me kryeministër z.Ramush Haradinaj, ku NISMA për Kosovën do të jetë pjesë e kësaj qeverie dhe do të merr përgjegjësitë e veta në ndërtimin e kësaj qeverie dhe bashkëpërgjegjësinë në qeverisje si partner i koalicionit”, bëhet e ditur në njoftimin e Nismës.

Komunikata e plotë:

NISMA mbledh kryesinë, falënderon strukturat e saja për suksesin në zgjedhjet e fundit

NISMA për Kosovën sot ka mbajtur mbledhjen me anëtarët e kryesisë dhe kryetarët e degëve. Kjo mbledhje ishte e para pas zgjedhjeve të 11 Qershorit.

NISMA vlerëson se procesi zgjedhor ka arritur standardet e kërkuara me ligj dhe për këtë uron të qytetarët e Kosovës , institucionet përgjegjëse për organizimin dhe mbarëvajtjen e procesit zgjedhor dhe te të gjithë pjesëmarrësit tjerë që kanë ndikuar direkt ose indirekt që ky proces zgjedhor të përmbush standardet ligjore dhe demokratike dhe gjithashtu presim që edhe kjo fazë e fundit deri në certifikim të rezultateve të përmbyllet në përputhje të plotë me standardet ligjore.

Po ashtu kryesia e NISMA-së analizoi edhe rezultatet zgjedhore te deritanishme. Shumica e qytetarëve të Kosovës e nxori fitues dhe ja dha besimin koalicionit PDK-AAK-NISMA dhe tani kandidati i koalicionit për kryeministër z.Haradinaj e ka edhe besimin qytetar dhe të drejtën kushtetuese për të formuar qeverinë.

Në këtë mbledhje të kryesisë së NISMA-s, në mënyre të veçante u vlerësua rezultati i shkëlqyeshëm i NISMA për Kosovën .

Në këto zgjedhje NISMA për Kosovën ka pasur rritje mbi 40% që është një rezultat shumë i mirë i cili ia mundëson që NISMA për Kosovën në Parlamentin e Kosovës të jetë e përfaqësuar me së paku 8 deputet. .

Kjo rritje e rezultatit të NISMA-s ka kontribuar në fitoren e koalicionit tonë, prandaj kryetari Limaj falënderoj anëtarët e kryesisë kryetarët e degëve, strukturat dhe të gjithë ata qindra e mijëra aktiviste e votues anë e kënd Kosovës dhe në diasporë të cilët nuk kursyen angazhimin e tyre për ti ja sjellë këtë rezultat të mirë NISMA-s.

Po ashtu në këtë mbledhje informoj anëtarët e kryesisë për hapat që po ndërrmirrën menjëherë pas publikimit të rezultateve preliminare për krijimin e qeverisë.

Kryetari Limaj, theksoi se po punohet që sa më shpejte pas certifikimit të rezultateve të formohet qeveria me kryeministër z.Ramush Haradinaj, ku NISMA për Kosovën do të jetë pjesë e kësaj qeverie dhe do të merr përgjegjësitë e veta në ndërtimin e kësaj qeverie dhe bashkëpërgjegjësinë në qeverisje si partner i koalicionit.

Të gjithë anëtarët e kryesisë dhe kryetarët e degëve vlerësuan angazhimin vizionar të kryetarit Limaj dhe i dhanë mbështetje të fuqishme , për të vazhduar në këtë frymë në arritjen e objektivave tona.

Një qytetar i Rahovecit ka raportuar në polici se në oborrin e tij ka gjetur dy mjete të pa shpërthyera të llojit A-4 (granata dore).

Njësiti policor ka siguruar vendin e ngjarjes, ndërsa njësiti për deminim i FSK-së ka tërhequr mjetet e dyshuara, shkruan PrizrenPress.

Policia ka bërë të ditur se në Rahovec është arrestuar një person i gjinisë mashkullore pasi që i njëjti ka dëmtuar dy aparate për  furnizim me derivate në pompën e benzinës, pronë e viktimës, shkruan PrizrenPress.

Me urdhër të prokurorit pas intervistimit i dyshuari dërgohet në mbajtje./PrizrenPress.com/

Komisioni Qendror i Zgjedhjeve ka vendosur t’i rinumëroj 115 kutive të votimit, njofton Klan Kosova.

Shkak për këtë rinumërim është mospërputhje të votave të kandidatëve dhe subjekteve politike, njofton Klan Kosova.

Në mbledhjen e KQZ , koordinatori i Qendrës së Numërimit dhe Rezultateve, Burim Ahmetaj, bëri të ditur se të premten pasdite është përmbyllur procesi i rinumërimit të 30 kutive të votimit.

Nga studimi i rasteve të fletëvotimeve të pavlefshme në vendvotimet e rinumëruara, është gjetur se kanë pasur të bëjnë me gabime në votim.

Në 205 raste është shënjuar më shumë se një subjekt politik, e në 250 të tjera votuesit kanë shënjuar vetëm kandidatët, por jo edhe subjektin politik.

Po ashtu, janë shënuar edhe 62 raste kur fletëvotimi është bërë i pavlefshëm me qëllim  dhe në 1 rast fletëvotimi nuk ka qenë i vulosur.

KQZ tashmë ka nisur t’i bëjë publike rezultatet e kandidatëve të plotësuara në vendvotim.

Në zgjedhjet e 11 qershorit numri i fletëvotimeve ishte shumë i madh. Mbi 52 mijë vota sipas rezultateve preliminare janë shpallur të pavlefshme.

Ndërsa sipas të dhënave të Qendrës së Numërimit dhe Rezultateve nga 518 fletëvotime të pavlefshme në vendet e rinumëruara, del në 205 raste janë votuar më shumë se një parti.

Një numër i madh i qytetarëve kanë votuar vetëm kandidatët për deputetë, pa votuar subjektin politik, 250 raste.

62 raste janë ku fletëvotimi është bërë i pavlefshme më qëllim, ndërsa në një rast fletëvotimi s’ka qenë i vulosur.