Kryetari i i NISMA për Kosoven Fatmir Limaj do të qëndrojë sot në Prizren.

Ai bashkë me deputetin Zafir Berisha, ka planifikuar të vizitojë Shoqërinë Kulturo Artistike “Agimi”.

Takimi do të mbahet në ora 18:30, në lokalet e ShKA “Agimi” në Prizren. /PrizrenPress.com/

Komuna e Malishevës njofton se vaksinimi i kafshëve kundër sëmundjes gungore, më datën 24. 09. 2016 (e shtunë), do të bëhet në fshatin Vermicë, Fshati i Ri dhe Berishë, duke filluar nga ora 08:00 deri në mbrëmje.

“Ju bëjmë thirrje të gjithë fermerëve të fshatrave të lartcekura që gjatë ditës lopët ti mbajnë të mbyllura mos ti lëshojnë në fushë, deri në përfundimin e vaksinimit nga ekipet që do të vizitojnë çdo familje (fermerë)”, apelon kjo Komunë. /PrizrenPress.com/

Aktivistët e Lidhjes Demokratike përkujtohen një ditë, harrohen një vit.

“Në fushatën elektorale të zgjedhjeve të përgjithshme, Isa Mustafa me përcjellës, përkatësisht tani qeveritarë, jo pak vota i kanë marrë nga elektorati edhe në saje të zotimeve se në rast të marrjes së pushtetit do t’i zbulojnë vrasësit e veprimtarëve, kryesisht nga provenienca e LDK-së, dhe të njëjtit konform me ligjin do t’i ndëshkojnë. Ndërkaq, së paku deri tani, ata asgjë prej gjëje nuk kanë ndërmarrë”, tha prof. Riza Smaka, raporton Gazeta Kosova Sot

Edhe pse po bëhet më shumë se një dekadë e gjysmë nga funksionimi i institucioneve të reja të Kosovës, sa nën autoritetin ndërkombëtar të UNMIK-ut e sa në realitetin e krijuar politik dhe institucional me shpalljen e pavarësisë së Kosovës, zbardhja e vrasjeve politike të pasluftës po vazhdon të mbetet një nga njollat më të errëta të historisë së re të shtetit të Kosovës. Viktima të kësaj periudhe kohore janë kryesisht aktivistë të shquar dhe kontribuues të devotshëm të LDK-së në ditët më të vështira, nën okupimin serb, në luftë dhe në ditët e para të çlirimit. Përkujtimi i veprës së tyre ndodh vetëm kur dikush kujtohet të marrë organizimin e përvjetorit të radhës, të shënimit të ditës së vrasjes së ndonjërit nga këto figura. Përfaqësues të këtij subjekti politik, por edhe njohës të fushës së sundimit të ligjit dhe analistë të pavarur, konsiderojnë se LDK-ja po sillet me një lloj hipokrizie të skajshme ndaj gjithë atyre figurave që u vranë gjatë apo pas luftës. LDK-ja, edhe pse ishte para dy mandatesh në pushtet, është edhe tani me më shumë ndikim në koalicionin qeverisës, me më shumë përgjegjësi institucionale, po kujtohet për vrasjet e aktivistëve të saj pas lufte vetëm në përvjetor, sikur ishte dy ditë më parë rasti i përvjetorit të Ahmet Krasniqit e të tjerëve.

Akademitë përkujtimore, cinike dhe mashtruese

Deputeti i LDK-së, Adem Salihaj, këtë lloj hipokrizie e shpjegon me faktin se LDK-ja vazhdon të bashkëqeverisë pikërisht me atë strukturë individësh që dyshohen për lidhje të drejtpërdrejtë me krimin politik të pasluftës, andaj derisa është kështu i ka duart e lidhura për të bërë diçka më shumë, përveç organizimit të përvjetorëve dhe mbajtjes së fjalimeve politike për ish-aktivistët e saj të privuar nga jeta.

“Zbardhja e vrasjeve politike nuk mund të bëhet nga ata që i kanë kryer ato vrasje. Përderisa janë në hierarkinë më të lartë të shtetit vrasësit, është absurde shpresa se do të bëhet zbardhja e tyre. Akademitë përkujtimore për çdo përvjetor dhe “zotimi” si refren i vazhdueshëm se do të zbardhen këto vrasje është vetëm një cinizëm dhe mashtrim i opinionit, në një situatë të mungesës së shpresës dhe besimit në sistemin politik, duke përfshirë edhe sistemin e drejtësisë”, ka theksuar ai.

“Këto vrasje nuk do të zbardhen asnjëherë derisa në Kosovë nuk qeveris një strukturë politike e pastër dhe e ndershme, derisa në sistemin e drejtësisë nuk punojnë njerëz të pastër e të ndershëm, të cilët nuk janë të vendosur aty përmes aferave “Pronto” dhe nuk i kontrollon vetë mafia e vrasësve’, tha deputeti Salihaj. /Kosova Sot/

Kolonë e gjatë e automjeteve është bërë sot në pikën kufitare Kosovë – Shqipëri, në Morinë.

Veturat në këtë pikë po presin me orë për të hyrë në shtetin e Shqipërisë.

“Ka mbi gjysmë ore qe gati asgjë nuk lëvizë në pikën kufitare në Morinë (pjesa e Shqiperisë). Merrni ato marrëveshje ndërkufitare e hidhni në plehra … #Kosova & #Albania”, ka shkruar agzetari Artan Haraqija në rrjetin social Facebook./GazetaExpress/

Një i akuzuar për vjedhje hyri sot i armatosur me thikë në gjykimin e tij, ndërsa deklaroi se thika i duhej “për t’i kruar dhëmbët”.

Bislim Shala, i akuzuari për vjedhje të rëndë hyri sot me thikë në Gjykatën e Suharekës, pasi nuk u kontrollua nga pjesëtarët e sigurimit.

Thikën te i akuzuari e vërejti gjyqtari Qemajl Suka në fund të procesit gjyqësor.

“Në fund të shqyrtimit kam vërejtur se i akuzuari Bislim Shala me veti kishte një armë të ftohtë, thikë, në xhepin e pasmë, për çka kam lajmëruar policin dhe të njëjtin [të akuzuarin] e kanë shoqëruar në stacion policor,” tha gjyqtari Suka.

I akuzuari Shala u pyet nga gjyqtari se për çfarë i duhej thika që mbante me vete, ndërsa mori përgjigjen “për t’i kruar dhëmbët”.

Në shënimin zyrtar të gjykatësit Qemajl Suka nga kjo seancë thuhet se i akuzuari nuk është kontrolluar fare nga sigurimi.

Komandanti i stacionit policor në Komunën e Suharekës Milazim Lumi tha për kallxo.com se i akuzuari Bislim Shala është shoqëruar në polici, ndërsa thika i është konfiskuar.

“Pas shoqërimit në stacion policor i është konfiskuar arma e ftohtë- thika dhe me urdhër të prokurorit është liruar në procedurë të rregullt, ndërsa ndaj tij do të vazhdojë procedura për veprën penale mbajtja në pronësi, kontroll ose posedim të paautorizuar të armëve,” tha Lumi.

Shala për veprën penale për të cilën ishte ftuar në gjykatë-një vjedhje e rëndë e kryer më 21 janar të vitit 2010, është dënuar me 7 muaj burg.

Ai nuk është i panjohur për Gjykatën Themelore në Prizren-Dega në Suharekë pasi është duke u gjykuar edhe për raste të tjera të vjedhjes

Kuvendari i Lëvizjes Vetëvendosje, Arbër Rexhaj, ka thënë se projektbuxheti për vitin 2017, është hartuar për interesa të PDK-së.

Sipas tij, ky projektbuxhet duhet të hyjë në Librin e Genisit.

“Në këtë projektbuxhet parashihen ndërtime të objekteve të kulturës, kurse në fshatin Zhur, edhe pse ka filluar të ndërtohet dhjetë vite më parë, është i pashfrytëzuar”, tha Rexhaj./PrizrenPress.com/

Është caktuar paraburgim një mujor ndaj të pandehurit nga Komuna e Prizrenit për veprat penale keqpërdorimi seksual i personave nën moshën 16 vjeçare, dhe lëndim i lehtë trupor.

Gjykata Themelore e Prizrenit e ka aprovuar kërkesën e Prokurorisë Themelore të Prizrenit, duke i caktuar masën e paraburgimit prej një (1) muaji të pandehurit nga Komuna e Prizrenit me iniciale A.T.

I pandehuri dyshohet për shkelje të Kodit Penal, sepse nga muaji Maj i vitit 2016, duke keqpërdorur pozitën e ndjeshme të viktimës-të dëmtuarës e cila është vajza e tij e sidomos kur viktima është e moshës nën 15 vjeçare.

Me këtë veprim i pandehuri me iniciale A.T. dyshohet se ka kryer veprën penale keqpërdorimi seksual i personave nën moshën 16 vjeçare, nga neni 235 par.4 nënpar.4.2 dhe 4.8 lidhur me para.1 nënpara.1.1 të KPRK dhe veprës penale lëndimi i lehtë trupor nga neni 188 para. 1 nënpara.1.4 të KPRK.