Dje rreth orës 11:35, Policia e Kosovës ka arrestuar një të dyshuar mashkull nga fshati Vërmicë, komuna e Malishevës.

Kjo pasi i arrestuari dyshohet se me armë zjarri ia ka vrarë qenin ankueses femër, shqiptare, transmeton gazeta Kosova Sot Online.

“Njësitet policore në vendin e ngjarjes kanë gjetur dhe konfiskuar një pushkë gjuetie me pesë fishekë”, thuhet në njoftimin e Policisë së Kosovës.

Në konsultim me prokurorin i dyshuari pas intervistimit është liruar në procedurë të rregullt.

Gjykata Themelore e Prizrenit e ka aprovuar kërkesën e Prokurorisë Themelore të Prizrenit, duke i caktuar masën e paraburgimit prej një muaji të pandehurit nga fshati Reç i Ri – Velipojë, Shqipëri, me iniciale D.Gj.

I pandehuri, sipas Gjykatës, dyshohet për shkelje të Kodit Penal, sepse me datën 18.09.2016, duke e kaluar kufirin ndërshtetëror Shqipëri – Kosovë, në pikën kufitare në fshatin Vërmicë me automjetin “Mercedes”, gjatë kontrollit të automjetit nga Policia Kufitare-Vërmicë, konkretisht në brendësi të motorit ka fshehur një pako me narkotik që dyshohet të jetë i llojit marihuanë në peshë rreth 45.70 gr e cila ka qenë e mbështjell me një pako e gatshme për shitje.

“Me këtë veprim, i pandehuri me iniciale D.Gj. dyshohet se ka kryer veprën penale ‘blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’”, thuhet në njoftimin e Gjykatës Themelore të Prizrenit.

Zyra e Prokurorit Disiplinor përfundoi hetimet ndaj prokurores Ervehe Gashi duke mos gjetur sjellje të pahijshme të kryer prej saj.

Zyra e Prokurorit Disiplinor e njoftoi Zyrën Ligjore të BIRN dhe Internews Kosova se ka përfunduar hetimin disiplinor sipas detyrës zyrtare lidhur me lëndën e prokurores së krimeve të rënda në Prokurorinë Themelore të Prizrenit.

“Hetimi disiplinor ZPD-2015-045, nuk ka rezultuar me gjetjen e sjelljes së pahijshme të kryer nga Ervehe Gashi, prokurore në Prokurorinë Themelore në Prizren,” thuhet në njoftimin drejtuar Zyrës Ligjore të BIRN dhe I/KS nga Zyra e ProkuroritDisiplinor.

Zyra Ligjore e BIRN dhe Internews Kosova, në muajin shkurt 2015 i ishte drejtuar me shkresë zyrtare Zyrës së Prokurorit Disiplinor lidhur me konfliktin e mundshëm të interesit të prokurores Ervehe Gashi, për shkak të përfaqësimit të saj si prokurore në një rast të trasnmetuar në Emisionin “Jeta në Kosovë”.

Në mars të vitit 2016 Zyra e Prokurorit Disiplinor, kishte njoftuar Zyrën Ligjor etë BIRN-it se kishte hapur hetim disiplinor ndaj prokurores së Prokurorisë Themelore në Prizren, Ervehe Gashi.

“ZPD ka hapur një hetim disiplinor kundër znj. Ervehe Gashi, prokurore në Prokurorinë Themelore në Prizren- Departamenti i Krimeve të Rënda,” thuhej në shkresën e ZPD-së.

Pas transmetimit të emisionit “Jeta në Kosovë” në muajin mars 2015, në Gjykatën Themelore të Prizrenit në gjykimin e planifikuar ndaj ish-punëtorit të Pro-Credit Bankës, Abdullah Thaçit, i cili po akuzohej për zbulim të fshehtësisë zyrtare, prokurorja e Ervehe Gashi ishte tërhequr nga ky rast.

Lajmin për KALLXO.com e kishte konfirmuar edhe kryeprokurori Metush Biraj.

“Për shkak të rrethanave të rastit, në kolegj kemi vendosur që rastin ta marrë një prokuror tjetër,” kishte thënë Biraj.

Emisioni “Jeta në Kosovë” për “Largimet nga Puna në ProCredit Bank” ndër të tjera kishte raportuar për konfliktin e mundshëm të interesit për prokuroren e rastit Ervehe Gashi, e cila e ka të punësuar dhëndrin e saj në Zyrën Ligjore të Bankës “ProCredit”.

Si rezultat i këtij fakti, rastin e ish-punëtorit të Bankës “ProCredit” e udhëhoqi një prokuror tjetër.

Ish- punëtori i “ProCreditBank”, Abdullah Thaçi, ishte gjetur fajtor duke u gjobitur me 5 mijë euro nga Gjykata Themelore në Prizren në fund të një procesi gjyqësor gati trevjeçar. /Kallxo.com/

Policia Kufitare e Morinës ndalon një shtetas kosovar, të shpallur në kërkim ndërkombëtar.

Nga shërbimet e Policisë Kufitare Morin, në hyrje u bë ndalimi dhe arrestimi provizor me qëllim ekstradimi, i shtetasit të shpallur në kërkim ndërkombëtar, konkretisht Driton Delijaj, 41 vjeç, lindur dhe banues në Kosovë.

Ndalimi i shtetasit u bë pasi është shpallur në kërkim ndërkombëtar nga Organet e Drejtësisë së Luxembourg, me vendim Nr.9422/15/CD, datë 29.02.2012, për veprat penale të “Vjedhje me dhunë dhe vjedhje me thyerje”dhe ”Vjedhje me armë ose e organizuar me thyerje” parashikuar nga nenet 51, 461 dhe 467 të Kodi Penal të Luxembourg. Maksimumi i dënimit 10 vjet burg. Materialet do ti kalojnë Prokurorisë, për veprime të mëtejshme.