Në fshatin Dejnë të Komunës së Rahovecit u përkujtuan dëshmorët Arben Bytyqi, Ramiz Krasniqi, Bekim Bytyqi, Qemajl Bytyqi, Xhevdet Krasniqi, Milaim Morina dhe Martirët: Driton Hoti, Sevdije Hoti, Minkadise Bytyqi, Leonora Bytyqi, Shpresa Bytyqi, Gani Morina dhe Muhamet Hoti.

Në shenjë respekti për jetën dhe veprën e të rënëve të fshatit Dejnë, kryetari i Komunës së Rahovecit, Idriz Vehapi me bashkëpunëtorë, familjarë dhe bashkëluftëtarë të dëshmorëve sot kanë bërë homazhe pranë lapidareve dhe kanë vënë buqetë lulesh. /PrizrenPress.com/

Sot është mbajtur mbledhja e rregullt e Këshillit të Drejtorëve, i drejtuar nga Kryetari i Komunës, Ragip Begaj. Në këtë mbledhje në mesin e shumë raporteve të drejtorive, ishte edhe njoftimi i Drejtorisë për Shëndetësi, ku sipas drejtorit Hajdin Berisha, “janë ulur masat e gatishmërisë në raport me ethet hemorragjike krime kongo dhe po përmbyllet një mandat katërvjeçar pa raste të vdekjeve nga EHKK”.

“Është ulur niveli i gatishmërisë në QKMF dhe në emergjencë, në raport me EHKK, pasi sipas raporteve, rastet e thumbimeve nga rriqrat tani janë zero, dhe praktikisht jo një vit, por po e përfundojmë një mandat qeverisës katërvjeçar, pa raste të vdekjeve nga EHKK dhe po përfundojmë një periudhë tri vjeçare pa raste të infektimit me virusin e EHKK. Praktikisht, tash e tri vite, virusi vdekjeprurës i EHKK, nuk është prezent në territorin e Komunës së Malishevës, dhe kjo falë përkushtimit të të gjithë faktorëve dhe punës së palodhshme në luftimin dhe parandalimin e EHKK”, ka thënë në raportin e tij, drejtori Berisha.

Përndryshe, gjatë raportimeve të drejtorive, u tha se jemi në fazën përfundimtare të hartimit të projekt buxhetit të Komunës së Malishevës, për vitin 2018, ndërsa në fushën e investimeve kapitale, u tha se shumica e projekteve kanë hyrë në fazën finale të realizimit të tyre, dhe për këtë shumë prej tyre, kanë kërkuar edhe zhvillimin e procedurës së pranimeve teknike të punimeve. /PrizrenPress.com/

Kandidati i LDK-së për kryetar të Prizrenit, Hatim Baxhaku, përmes Facebookut të tij, ka uruar fillimin e vitit të ri shkollor.

Postimi i tij i plotë në Facebook:

Të dashur nxënës,

Të respektuar mësimdhënës dhe prindër,

Urime për vitin e ri shkollor me dëshirat për shëndet të mirë dhe një vit të mbarë e të suksesshëm në misionin tuaj fisnik dhe të shënjtë. Ju jeni e ardhmja e ndritshme e vendit. Për këte meritoni edhe mbështetjen më të fuqishme të shoqërisë dhe institucioneve shtetërore. Kam shpresën dhe besimin se kjo nuk do të mungoj në të ardhmën e afërt.

Në fshatin Zatriq të Komunës së Rahoveci, në 19 vjetorin e rënies së dëshmorëve Mazllum Kastrati, Xhafer Vehapi dhe Esat Kastrati u mbajt tubim përkujtimor, shkruan PrizrenPress.

Të pranishëm në tubim ishin kryetari i Komunë së Rahovecit Idriz Vehapi me bashkëpunëtorë, familjarë, bashkëluftëtar të dëshmorëve, banor të fshatit Zatriq dhe fshatrave përreth.

Vehapi, në fjalën e tij të mbajtur në tubimim, ka thënë se me 3 shtator të vitit 1998, nga mëngjesi forcat e armikut kishin filluar të granatonin fshatin Zatriq dhe pozicionet e UÇK-së, dhe në orët e mbrëmjes kanë rënë dëshmor Mazllumi, Esati dhe Xhaferi.

“Për neve bashkëluftëtarëve ishte një moment shumë i dhimbshëm, sepse kishim humbur tre shok të luftës, tre bashkëfshatar mirëpo ne sot të cilët jemi gjallë e shohim se vepra dhe gjaku i tyre nuk ka shkuar huq, tani kemi shtetin e Kosovës të cilin duhet së pari ta respektojmë për hire të gjakut të derdhur, për hir të djersës , për hir të lotëve të nënave” ka përfunduar fjalimin e tij Vehapi. /PrizrenPress.com/

Gjysma e akteve të miratuara gjatë 6-mujorit të parë të këtij viti nga kuvendet e komunave të Kosovës, janë diskutabile sa i përket ligjshmërisë së tyre, shkruan sot Koha Ditore.

Nga 974 akte të miratuara nga KK-të e Kosovës gjatë këtyre 6 muajve, Ministria e Administrimit të Pushtetit Lokal (MAPL) 477 prej tyre i ka dërguar në ministritë e linjës për t’u shqyrtuar ligjshmëria e tyre, përderisa 14 akte të tjera të miratuara tashmë i ka vlerësuar si të paligjshme dhe si të tilla nuk mund të zbatohen.

Në tërësi, tashmë janë konfirmuar se komunat, përgjatë 6 muajve, kanë miratuar 39 vendime që përbëjnë shkelje ligjore, e të cilat kryesisht janë vendime për pronat.

Koalicioni PAN vazhdon që javë pas jave të premtojë konstituimin e Kuvendit dhe formimin e Qeverisë derisa vendi po rrumbullakos muajin e tretë pa institucione të reja.