Nga Qendra e Lëvizjes ‘Vetëvendosje’ në Prizren, Artan Abarashi është shprehur se Prizreni do të jetë një fushëbetejë e rëndësishme për zgjedhjet që po vijnë.

“Kjo për shkak të madhësisë së Komunës dhe numrit të madh të votuesve. Po ashtu, për dallim nga zgjedhjet e kaluara, PDK-ja është në pozicion defanziv, me qëllim të ruajtjes së primatit. LDK-ja ka humbur besimin e qytetarëve duke e bërë kështu Lëvizjen ‘Vetëvendosje’ subjektin politik kryesor për fitore. Dhe për këtë gjë kemi besim të madh” , shprehet ai.

Kryetari i degës së LDK-së në Prizren, Haxhi Avdyli, është shprehur për gazetën “Kosova Sot” se Prizreni si qytet i dytë, me vetëm 19.000 banorë më pak se Prishtina, ka një numër të madh të votave që mund të ndryshojnë kahun e qeverisjes në Kosovë.

“Tani një parti e ka quajtur Prizrenin Jerusalem, por Jerusalemi sivjet do të bjerë për shkak të modelit të stërkequr të pushtetit, që është aplikuar dhe kahja e historisë do të ndërrojë. Sepse siç thotë fjala popullore zullumi këputet prej së trashi”, pohon ai.

Shton se Prizreni gjithmonë ka qenë një paramasë zgjedhore.

Pa pasur shenja se Qeveria do të bjerë, në Prizren shumë kohë më përpara liderët e të gjitha subjekteve politike vinin e shkonin për të përgatitur me siguri atmosfer- ën elektorale, me qëllim të grumbullimit të votave.

Sado që disa prej tyre në deklarata thoshin se Prizreni është qytet i qytetarisë, secili që vinte e takonte elektoratin e vet politik. Ata që pak kanë shije vrojtimi e hetuan se Kosova do të shkojë në zgjedhje të parakohshme.

Nënkryetari i degës së PDK-së, Nait Hasani, për gazetën “Kosova Sot” pohon se Prizreni ka masa të mëdha politike dhe domosdo se është edhe njëri nga përcaktuesit e fatit zgjedhor në gjithë Kosovën.

“Bile po ky rregull vlen edhe për PDK-në, sepse ne e kemi këtë qytet si bazë orientuese. Tashmë mediat e kanë quajtur një lloj Jerusalemi, pra PDK-ja do të bëjë shumë që këtë qytet ta mbajë të vetin edhe për shumë kohë”, është shprehur ai

Kryetari i Nismës, Fatmir Limaj, ka ftuar të rinjët e Prizrenit, që në zgjedhjet e 11 qershorit të votojnë koalicionin AAK-Nisma.

“Nëse në zgjedhjet e 11 qeshorit qytetarët e votojnë koalicionin AAK-Nisma, fiton Koosova, por edhe dy partit që kanë qeverisur deri më tash, PDK-LDK, ndërkaq, nëse qytetarët i votojnë këto dy parti, atëherë do të humbë Kosova”, tha Limaj në një takim me të rinjët e Prizrenit, shkruan PrizrenPress.

Kryetari i Degës së Nimës në Prizren, Zafir Berisha, ka ftuar të rinjtë që të mobilizohen.

“Lista e kandidatëve për deputetë të Nismës është oferta më e mirë për ndryshime demokratike që duhet të ndodhin nga 11 qershori”, tha Berisha./PrizrenPress.com/

V.  H. i akuzuar për posedim dhe shitje të substancave narkotike, të martën, ka kërkuar kohë nga gjykata që të arrijë marrëveshje për pranimin e fajësisë me Prokurorinë.

Në shqyrtimin fillestar të mbajtur në Gjykatën Themelore në Prizren, i akuzuari, përmes avokatit të tij, Naim Qelaj, ka kërkuar që shqyrtimi fillestar të shtyhet me qëllim që t’u jepet një afat për negocimin e marrëveshjes me organin e akuzës.

Avokati Qela po ashtu ka kërkuar që ndaj të akuzuarit të ndryshohet masa e arrestit shtëpiak, në atë të paraqitjes në stacionin policor.

Prokurori i rastit, ka pranuar që të hyjë në negociata me të akuzuarin dhe mbrojtësin e tij. Ai po ashtu nuk ka kundërshtuar kërkesën për ndryshimin e masës së sigurisë, duke arsyetuar se qëndrimi në arrest shtëpiak do t’i llogaritet brenda dënimit me burgim.

Kryetari i trupit gjykues, Artan Sejrani, ka pranuar kërkesën e të akuzuarit dhe mbrojtësit të tij, duke ia ka ndryshuar masën e sigurisë, ndërsa palëve u ka dhënë afat deri mw 2 qershor 2017, në ora 10:00, për të arritur marrëveshjen për pranimin e fajësisë.

Ndryshe, rasti zhvillohet në bazë të aktakuzës së Prokurorisë Themelore në Prizren, sipas të cilës, i akuzuari  më 31 gusht dhe 1 shtator 2016, ka transportuar substancë narkotike nga Shqipëria në Kosovë.

Sipas aktakuzës, i akuzuari këtë e ka bërë përmes një “bunkeri” të ndërtuar në automjetin e tij “Jaguar”, dhe më pas ia ka ofruar një personit për shitje. Tutje thuhet se policia ka bërë bastisje në shtëpinë e të akuzuarit dhe ka gjetur një sasi të lëndës narkotike të llojit marihuanë, prej rreth 700 gramë.

Prokuroria ka kërkuar konfiskimin e përhershëm të substancës narkotike, automjetit “Jaguar” një revole TT, 40 fishekëve dhe 800 kapsolave ndezëse për eksploziv, shumën e parave prej rreth 23 mijë euro, një “Iphone”, dy “Samsung”, të cilët janë gjetur gjatë bastisjes në shtëpinë e të akuzuarit/betimiperdrejtesi/

Në kuadër të “Javës së Ukshin Hotit”, sot në oborrin e shtëpisë muze të Ukshin Hotit, në fshatin Krushë e Madhe të Komunës së Rahovecit, u mbajt tubim senzibilizuës për zbardhjen e fatit të tij, me moton “Ku është Ukshin Hoti”, “Ai nuk i përket Harresës”.

Selami Hoti, kryetar i këshillit të fshatit Krushë e Madhe në fjalën e tij u shpreh se ju nxënësit duhet të mburreni se shkolla në të cilën ju ndjekeni mësimet mban emrin e Ukshin Hotit, profesorit, ideologut dhe politikanit të përmasave ndërkombëtare e gjithë kombëtare.
I pranishëm në tubimin e organizuar nga kryesia e këshillit të fshatit Krushë e Madhe ishte edhe Idriz Vehapi, Kryetar i Komunës së Rahovecit i cili ndër të tjera ka thënë për 18 vite me radhë, jemi duke u mbledhur këtu që të kërkojmë zbardhjen e fatit të profesorit të Ukshin Hoti i cili u zhduk 18 vite me parë në burgun e dubravës.

Ndërsa në emër të familjes së Ukshin Hotit, foli Etrit Hoti, i cili ka falënderuar të gjithë pjesëmarrësit në tubim duke thënë se shteti ka bërë shumë dhe është duke u bërë shumë për Ukshin Hotin. Ai poashtu ka kërkuar që të jenë pjesë aktive, që filozofia politike e çështjes Shqiptare të jetë busulle për të ardhmen e vendit.

Këshilltarët e Kuvendit të Komunës së Prizrenit, nga radhët e opozitës, por edhe të koalicionit qeverisës, kanë shprehur pakënaqësinë e tyre lidhur me mungesën e ftesave për ceremonitë e përurimit të projekteve të realizuara me buxhetin komunal.

Ata i kanë akuzuar zyrtarët e PDK-së për uzurpim të këtyre projekteve, pasi që konsiderojnë se në këto ngjarje ftohen vetëm militantët e kësaj partie, shkruan sot “Koha Ditore”.

Shkas për këto reagime është bërë përurimi i objektit të ri të shkollës “Zenun Çoçaj” në Gjonaj, në të cilin projekt Komuna e Prizrenit ka investuar afro 1 milionë euro.

“PDK-ja i ka uzurpuar të gjitha projektet në Prizren. Në prerje shiritash sheh vetëm militant të kësaj partie. ‘Ju lumtë’!”, është shprehur në rrjetet sociale Fatmir Kastrati, këshilltar nga radhët e AKK-së, subjekt ky që bashkëqeveris me PDK-në në Prizren.

Ndërsa Haziz Hodaj nga radhët e LDK-së, që është në opozitë, ka pohuar se të premten e kaluar për herë të dytë është përuruar objekti i shkollës në Gjonaj, që është ndërtuar për 5 vjet e që sipas tij ende nuk është përfunduar…