Organizatorët e çmimit prestigjioz të filmit, Oscar, kanë ftuar një numër rekord të anëtarëve të rinj për të votuar fituesit e vitit të arshshëm, pasi në ceremoninë e këtij viti janë kritikuar për mungesë diversiteti.

Gati 700 njerëz janë ftuar, me fokus te gratë dhe pakicat.

Për të dytin vit me radhë, të gjithë të nominuarit për çmimin këtë vit, kanë qenë të bardhë.

Fakti ka shkatuar debat të paparë për barazinë racore në industrinë e filmit, si dhe ka bërë që disa yje të Hollywood-it të bojkotijnë ceremoninë e ndarjes së çmimeve në muajin shkurt.

Akademia e Arteve Filmike dhe e Shkencave më pas është pajtuar që të rishikojë anëtarët e saj.

Të ftuarit e rinj përfshijnë aktorin me ngjyrë, John Boyega, nga filmi Star Wars dhe aktoren Emma Watson nga Harry Potter.

Backstreet Boys i janë rikthyer përsëri studios muzikore për të sjellë dy projekte të reja. Nick Carter ka zbuluar përmes një postimi në llogarinë e tij të “Instagram”-it se grupi i këngës së famshme “Larger than Life” janë duke bashkëpunuar me “Florida Georgia Line” për të sjellë muzikë të re.

Por më emocionues është fakti se grupi nuk po punon vetëm për këto dy këngë të reja por gjithashtu për një album të ri.

Kanë kaluar 3 vite që nga koha kur Kevin Richardson i është ribashkuar Backstreet Boys për albumin që i riktheu “In a World Like This”.

Seria e paralajmëruar e debateve, organizuar nga Muzeu i Kosovës në bashkëpunim me Departamentin e Etnologjisë dhe Antropologjisë Kulturore të Universitetit të Prishtinës, vijon këtë të enjte.

Në Lapidariumin e Muzeut të Kosovës sot duke filluar nga ora 18:00 do të diskutohet për temën “Përgatitja e ekspozitës”.

Bëhet e ditur se seria e debateve do të ketë tri qëllime kryesore, promovimin e kulturës së debatit për trashëgiminë kulturore të Kosovës, përfshirjen e gjeneratës së re dhe të profesionistëve në hartimin e politikave kulturore në vend dhe forcimin e bashkëpunimit ndërmjet Muzeut të Kosovës dhe institucioneve shkollore dhe akademike në vend.

Debatet do të vazhdojnë nga muaji shtator, për çdo javë, me trajtimin e temave të ndryshme me interes për Muzeun e Kosovës dhe Departamentin e Antropologjisë Kulturore të Universitetit të Prishtinës.

Komisioni shtetëror i Maturës sot do të publikojë rezultatet e provimit të maturës shtetërore.

Në një njoftim për media, thuhet se përveç rezultateve, KShM do të japë edhe informata të përgjithshme rreth procesit të organizimit dhe administrimit të testit.

Konferenca do të mbahet sot duke filluar nga ora 11:00.