23.8 C
Prizren
E enjte, 19 Qershor, 2025
type here...
Home Blog Page 5997

Familja shqiptare shuhet në aksident në Toronto

admin
-
0
Familja shqiptare shuhet në aksident në Toronto

Një aksident tejet i rëndë ka ndodhur disa ditë më parë në Toronto, Kanada ku jetojnë edhe shumë shqiptarë. Viktima të aksidentit janë gjyshja, vajza dhe mbesa., përkatësisht, Xhemile Vokshi 55 vjeçe, e bija Valbona Vokshi 35 vjeçe dhe e mitura Isabela Kuçi 5 vjeç.

Në aksidentin e rëndë janë përfshirë disa mjete, pro fatkeqësisht makina ku udhëtonte familja shqiptare u përfshi nga flakët dhe asnjëra prej tyre nuk arritën të shpëtonin. Lajmi për vdekjen e tyre e dha një mike e familjes e cila gjithashtu tha se ka nisur një fushatë për mbledhjen e fondeve në “GoFundMe.com” për të përballuar shpenzimet e funeralit.

Ndërsa vajza tjetër e viktimës, Blerta dhe djali i saj 2- vjeçar ndodheshin në një makinë tjetër e cila gjithashtu u përfshi në aksident, por fatmirësisht shpëtuan.

Valbona e cila drejonte dhe mjetin, kishte emigruar në Kanada prej 15 vitesh, atje kishte krijuar familjen dhe punonte me prindërit në një restorant.

Urdhër-arrest për Princ Valentino Corleonen

admin
-
0
Urdhër-arrest për Princ Valentino Corleonen

Ndonëse ishte ftuar me ftesë të rregullt nga Gjykata në Gjilan, në seancën e sotme nuk është paraqitur as i akuzuari Princ Valentino Corleone as mbrojtësi i tij, Sherif Sherifi.

Për këtë arsye, prokurori Arben Kadriu kërkoi nga kryetari i trupit gjykues, Naser Maliqi, që ndaj të akuzuarit të lëshohet urdhër-arrest për shkak se ai edhe më parë nuk është paraqitur në gjykatë me arsyetimin se gjendet në Itali.

Me aktvendim u aprovua propozimi i prokurorit ngase në rastet kur Corleone nuk është paraqitur në gjykatë nuk ka dëshmuar me prova se vërtetë gjendet jashtë shtetit.

Ndërsa, në seancë ishte prezent i akuzuari tjetër, Gent Qamili, i cili akuzohet se në bashkëveprim me Princ Valentino Corleonen kanë kryer veprat penale “Shkaktim i rrezikut të përgjithshëm” dhe “Mbajta në pronësi, kontroll i paautorizuar i armëve”.

Qamili e Corlone dyshohen se në korrik të vitit 2013, në diskotekën “Stop” në Gjilan, kanë tentuar të shkaktojnë rrezik të madh për jetën e njerëzve, ashtu që pas një marrëveshjeje paraprake, Corleone ia jep një çantë Qamilit, në të cilën gjendej një granatë dore e tipit “A1”.

Me instruksionet e marra paraprakisht nga i akuzuari Corleone, duke i premtuar shpërblim me të holla prej 300 eurove, i akuzuari Genti Qamili merr çantën dhe e vendos në tualetin e diskotekës “Stop” e më pastaj thërret me telefon Policinë e Kosovës dhe e lajmëron se ka bombë në diskotekë dhe largohet.

Sipas aktakuzës, granata e dorës e përdorur nga dy të akuzuarit është gjetur dhe është konfiskuar nga FSK-ja dhe KFOR-i natën e ngjarjes.

KALLXO.com kishte shkruar për rastin e paraburgimit të Corleones. /Kallxo.com/

Kitara e Prince shitet 137 mijë dollarë

admin
-
0
Kitara e Prince shitet 137 mijë dollarë

Një kitarë elektrike që i përkiste Prince dhe një tufe flokësh të David Bowie janë shitur në një ankand në ShBA për një vlerë totale prej 150 mijë dollarësh.

Kitara e quajtur “Reja e Verdhë” u ble për 137 mijë e 500 dollare nga koleksionisti amerikan Jim Irsay. Kitara ishte prodhuar në fund të viteve 1980 nga kompania Nat-Kupii Enterprajzis dhe u përdor nga këngëtari për një numër të madh koncertesh deri në mesin e viteve 90.

Koleksionisti Irsay njihet për afeksionin e tij për instrumentet muzikore. Në koleksionin e tij ka objekte që dikur u përkisnin Bob Dylan, John Lennon dhe Jerri Garcia.

Dhjetorin e shkuar bleu baterine e Ringo Star për një vlerë prej 2.1 milionë dollarë. Ndërsa një tufe nga flokët e Bowie, i cili ndërroi jetë në muajin janar, u shit për 18 mijë e 750 dollarë. Floket vinin nga një ish punonjës i muzeut të dyllit Madame Tussauds në Londër, i cili në vitin 1983 i kishte përdorur ato për të rikrijuar modelin e flokëve të ikonës së muzikës.

Malisheva vazhdon të mbetet e sigurt

admin
-
0
Malisheva vazhdon të mbetet e sigurt

Situata e sigurisë së përgjithshme në Komunën e Malishevës, vazhdon të mbetet e mirë, e qetë dhe pa tendencë të prishjes së kësaj situate. Kështu u vlerësua në mbledhjen e tretë të Këshillit Komunal për Siguri në Bashkësi (KKSB), të cilën e udhëhoqi nënkryetari i Komunës së Malishevës, Rexhep Mazreku, i cili edhe i falënderoi të gjithë, për ruajtjen e kësaj situate.

“Bazuar në informacionet zyrtare, situata e sigurisë së përgjithshme në Komunën e Malishevës, është e qetë dhe stabile, si n fushën e krimit, ashtu edhe në atë të etheve hemorragjike dhe të zjarreve”, tha nënkryetari Mazreku.

Edhe komandanti i stacionit policor në Malishevës, kapiteni Halil Morina, e ka konfirmuar se situata është e qetë stabile dhe pa tendencë të prishjes së situatës së përgjithshme të sigurisë.

“Kësaj i shtohet edhe fakti, se ka rënie të dukshme të rasteve kriminale, në vazhdimësi. Në këtë tremujor, ka rënie të rasteve kriminale për dymbëdhjetë për qind, në raport me periudhën e njëjtë të vitit të kaluar”, deklaroi kapiteni Morina.

Kurse drejtori i Drejtorisë për Mbrojtje dhe Shpëtim, Sejdi Paçarizi, duke folur për situatën epidemiologjike, tha se “situata është në kontroll dhe nuk ka asnjë rast të regjistruar me ethe hemorragjike krime kongo”, kurse sa i përket zjarreve, ai tha se ka raste të rralla të zjarreve, kryesisht fushore, por pa ndonjë rrezik për përhapje të zjarreve.

Edhe drejtori i arsimit, Avdi Morina, duke folur për përfundimin e vitit shkollor, tha se situata e sigurisë në shkolla është e mirë, si në objekte, ashtu edhe në procesin mësimor, brenda hapësirave në shkolla, kurse sipas tij, për të rritur edhe më shumë sigurinë, do të ishte mirë, që në të ardhmen të vendosen edhe kamerat e sigurisë. /PrizrenPress.com/

Në Rahovec promovohet krijimtaria poetike e Hysni Gashit

admin
-
0
Në Rahovec promovohet krijimtaria poetike e Hysni Gashit

Në mjediset e bibliotekës komunale “Sulejman Krasniqi” në Rahovec, u bë promovimi i krijimtarisë letrare të poetit Hysni Gashi.

Me këtë rast u lexuan pjesë nga krijimet e Gashit, ku theks të veçantë zunë poezitë që poeti i kishte krijuar gjatë kohës sa ka punuar e jetuar në Rahovec, si dhe poezitë kushtuar njerëzve të vyeshëm të kësaj ane pas largimit të poetit.

Recensione, biografi dhe copëza nga jeta e poetit u shpalosën nga të pranishmit në këtë promovim, ndërsa vetë poeti foli për frymëzimin e vazhdueshëm që Rahoveci i jep atij për të shkruar.

Poeti Hysni Gashi, ka jetuar në vitet ’70 në Rahovec prej nga më pas është larguar si i papërshtatshëm për regjimin komunist. Mirëpo, poeti në shenjë respekti për njerëzit e kësaj ane dhe punën e tyre, ia ka kushtuar përmbledhjen me poezi “Balada e Rahavecit”, si dhe shumë poezi që mund të lexohen në përmbledhjet tjera. Deri më tani, në moshën 83 vjeçare, ka botuar këto përmbledhje me poezi: Nuk po u zhbëkan popujt, A do t’i falë atdheu, Kronikë në vargje, Ndodhi në agun e lirisë, Koha jonë e dy Ademave, Ejona, Portreti i babës, Zhgënjimi, Malisheva m’i çeli dyert, si dhe përmbledhjen e fundit botuar këtë vit “Kah po vemi”. Në dorëshkrim i ka edhe tri përmbledhje të gatshme me poezi, që sipas autorit presin të shohin dritën e botimit së shpejti. Botimin e një pjese të krijimtarisë poetike të Gashit e ka mbështetur edhe Komuna e Rahovecit.

Aktivitetin e organizoi Drejtoria për Kulturë, Rini dhe Sport në Rahovec. /PrizrenPress.com/

Kanada vijon betejën me flakët

admin
-
0
Kanada vijon betejën me flakët

Ende nuk janë shuar zjarret në Kaliforni, madje një vatër e re është shfaqur në jug të vendit. Në momentin që zjarrfikësit arritën pas shumë mundimesh të vinin nën kontroll flakët në rajonet qendrore të këtij shteti, u shfaq vatra e re.

Mediat vendase shkruajnë se pavarësisht situatës dhe rrezikut që ajo paraqet, disa banorë në Kern vendosën të riktheheshin në shtëpitë e tyre, vetëm që t’i gjenin të shkrumbuara.

“Fajtori për zhdukjen e atyre çfarë kishin në zotërim është zjarri “Erskine”. 250 struktura janë kthyer në gërmadha për shkak të tij dhe 75 godina janë dëmtuar”, janë shprehur autoritetet kanadeze.

“Erskine” shpërtheu pasditen e së enjtes e u përhap me shpejtësi marramendëse në disa komunitete, i ndihmuar nga erërat e forta në zonë, ku u përhap jashtë çdo kontrolli për dy ditë rresht.

Sipas mediave kanadeze, të paktën 2 persona humbën jetën prej tij ditën e premte. Autoritetet e kontesë Kern paralajmëruan se bilanci i vdekjeve mund të rritet pasi ekipet e emergjencës janë ende duke kërkuar nëpër rrënojat e shtëpive të djegura.

Prokurori i Shtetit: Ne nuk i pastrojmë listat e veteranëve

admin
-
0

Gjatë ditës së djeshme në disa media janë publikuar raporte, në të cilat është pohuar se: “Prokuroria do të bëj pastrimin e listave për veteranët e Ushtrisë Çlirimtare të Kosovës”.

Zyra e Kryeprokurorit të Shtetit, njofton se Prokurori i Shtetit nuk është institucion administrativ që merret me pastrimin e listave të veteranëve.

“Prokurori i Shtetit është institucion i pavarur kompetent dhe përgjegjës vetëm për ndjekjen e personave të dyshuar për kryerjen e veprave penale dhe hetimet do t’i kryej në secilin rast që ka dyshim të bazuar që është kryer një vepër penale dhe plotësohen kushtet e parapara me ligj. Kjo do të thotë se Prokurori i Shtetit nuk merret me procesin, por vetëm me raste individuale, kur ka dyshim të bazuar se është kryer vepër penale”, thuhet në njoftim.

“Edhe për këtë rast Prokuroria ka vepruar në këtë mënyrë, duke filluar të bëjë grumbullimin e informatave të nevojshme për të përcaktuar nëse ka vend për inicimin formal të hetimeve, në lidhje me rastet individuale të keqpërdorimeve eventuale që kanë mundur të ndodhin gjatë hartimit të listave të veteranëve të UÇK-së. Më pas varësisht nga grumbullimi i informatave do të përcaktohet nëse ka fakte për ndjekje penale ndaj personave përgjegjës dhe rrjedhimisht edhe për ngritje të aktakuzës ose jo. Pra, ky hetim është i drejtuar ndaj atyre individëve që kanë kryer keqpërdorime eventuale duke dhënë dëshmi të rrejshme apo duke paraqitur dokumentacion fiktiv të falsifikuar për të përfituar statusin e veteranit të luftës dhe jo për pastrimin e listave për veteranët e Ushtrisë Çlirimtare të Kosovës”, sqaron Zyra e Kryeprokurorit të Shtetit.

Prokurori i Shtetit pret që Qeveria dhe Komisioni Qeveritar për njohjen dhe verifikimin e statusit të veteranëve, invalidëve, pjesëtarëve dhe të internuarve të UÇK-së, të bashkëpunojnë me Prokurorin e Shtetit, duke ofruar informatat dhe provat që kanë për kryerjen e ndonjë vepre penale gjatë këtij procesi. /PrizrenPress.com/

ISIS kërcënon Amerikën

admin
-
0
ISIS kërcënon Amerikën

I ashtu quajturi Shteti Islamik, ka publikuar një video të re ku i kërcënon dy qytete të Amerikës, San Francisco’n dhe Las Vegas.

Imazhet në video, shfaqin dy ura atë Golden Gate dhe Las Vegas Strip, përderisa xhihadistët i kanë thurur lëvdata sulmuesit Omar Mateen, i cili vrau 49 persona në një klub nate në Orlando gjatë këtij muaji.

Besohet se videoja është realizuar nga militantët në Mosul dhe Irak, ndërsa videoja përmbante edhe pamje që ishin filmuar në rrugët e këtyre dy qyteteve.

Nexhat Çoçaj: Do të vazhdoj të jem drejtor, s’ka fakte që kam bërë keqpërdorime

admin
-
0
Nexhat Çoçaj: Do të vazhdoj të jem drejtor, s’ka fakte që kam bërë keqpërdorime

Drejtori komunal i Arsimit në Prizren, Nexhat Çoçaj edhe pse është shpallur fajtor nga Gjykata Themelore në Prizren për keqpërdorim të detyrës vazhdon ta mbajë postin e kreut të arsimit në këtë komunë.

Çoçaj në një prononcim për Gazetën Fjala e ka cilësuar vendimin e gjykatës të ngutshëm duke thënë se pafajësinë e tij do ta shpallë Gjykata e Apelit.

Ai thotë se do të vazhdojë të jetë drejtor drejtorisë së Arsimit në këtë komunë.

“Kjo punë do të vërtetohet në Gjykatën e Apelit. Këtë besim e mbështesë në faktin se manifestimi është mbajtur dhe asnjëherë nuk janë keqpërdorur të hollat, gjë të cilën e dëshmojnë rreth 10 mijë nxënës që kanë marrë pjesë në manifestim”, ka thënë Çoçaj për Gazetën Fjala.

Ndërkohë që Gjykata Themelore ka shpallur fajtor drejtorin komunal të Arsimit në Prizren si dhe dy mësimdhënës të tjerë për keqpërdorim të mjeteve financiare të dedikuara për manifestimin kushtuar dëshmorit të luftës së UÇK-së, “Java e Remzi Ademajt” për 5 vjet rresht./GazetaFjala/

Në Prizren nis festivali “Diaspora në kornizë të portreteve”

admin
-
0

Shoqata e strip artistëve “xhennetcomics” hap konkursin për festivalin e 13-të radhës, i cili do të mbahet në Prizren duke filluar nga sot e deri më 31 korrik, me temë “Diaspora në kornizë të portreteve”.

Në një njoftim për media, bëhet e ditur se në këtë festival janë të ftuar të gjithë artistë që kanë përvojë në vizatim të portreteve si nga Kosova ashtu edhe nga vendet tjera, ku portreti më i mirë i vizatuar do të shpërblehet me plaketën “Ura e gurit” dhe me diplomë.

“Edicioni i 13-të dedikohet posaçërisht për bashkatdhetarët tanë si dhe vizitorëve të qytetit piktoresk Prizrenin, ku pos ekspozitës do të demonstrohet edhe vizatimi i portreteve nga artistët botërorë. Ky edicion vjen pas suksesit të festivalit të vitit të kaluar ku për 4 ditë janë vizatuar 260 portrete dhe me po aq interesim të madh të kërkuesve për realizimin e portreteve”, thuhet në njoftim.

Përveç kësaj, synim i këtij edicioni është të krijojë dhe zhvillojë këtë lojë të artit përmes bashkëpunimit me organizata të tjera botërore.

“Si pjesë e festivalit do të do të jenë prezent edhe drejtori i Organizatës të karikaturistëve botërore “DonChickoute” nga Gjermania zotëri Erdogan Karayel, si dhe do të shfaqet ekspozita botërore “Quo Vadis Europe” me rreth 60 punime”, thuhet më tej në njoftim. /PrizrenPress.com/

1...5 9965 9975 998...8 740Page 5 997 of 8 740

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne