Një person i dyshuar për shitblerje të drogës, është arrestuar në Prizren.

Policia njofton se pas arrestimit, i dyshuari është liruar me procedurë të rregullt.

“Njësiti për luftimin e trafikimit me narkotikë në Prizren, në mbështetje të njësive të tjera policore dhe me urdhër të gjykatës, ka bastisur shtëpinë e të dyshuarit mashkull K-Shqiptar, pasi që për të njëjtin ekziston dyshimi i bazuar se i njëjti merret me shitblerjen e lëndëve narkotike”, njofton PK.

“Gjatë kontrollit janë gjetur dhe konfiskuar 11.90 gramë substancë e dyshuar narkotike e llojit marihuanë, një peshore digjitale për matjen e narkotikëve, 2.6 gramë substancë e dyshuar narkotike e llojit kokainë si dhe letra dhe qese najloni që shërbejnë për mbështjellje të narkotikëve”.

I dyshuari është arrestuar dhe pas intervistimit është liruar në procedurë të rregullt./PrizrenPress.com/

Dy persona të dyshuar për detyrim të prostitucionit janë arrestuar në Prizren. Arrestimi i tyre është bërë me urdhër të Gjykatës Themelore në Prizren.

“Njësiti i hetimeve në bazë të urdhëresës së lëshuar nga gjykata ka arrestuar dy të dyshuar meshkuj K/Shqiptarë dhe janë konfiskuar si prova materiale: dy telefona , para në vlerë 250 euro dhe një veturë si mjet i kryerjes së veprës penale”, njofton PK.

Të dyshuarit, me vendim të prokurorit, dërgohen në mbajtje 48 orë.

Shef i grupit të kuvendarëve NISMA në Prizren, Skender Susuri vlerëson se Dita e mësuesit po politizoht në Prizren , si dhe në vendet e tjera të Kosovës.

“Se në Kosovë në përgjithësi, rrjedhimisht edhe në Prizren, kemi një politizim të skajshëm të çdo veprimtarie publike-shoqërore, duke përfshirë edhe arsimin si kategori e vacantë shoqërore, kjo është shumë e dukshme dhe për këtë fajësia bije mbi të gjithë, por padyshim më së shumti mbi ata që kanë udhëhequr me jetën publike dhe institucionale në Kosovë dhe bartësit e politikave arsimore, nga viti 2000 e në vazhdim. Por që do të politizohet edhe 7 marsi Dita e mësuesit, kjo është e skajshme, bile e pa etikë, e një gjë të tillë, po e bëjnë partite politike (s’paku disa prej tyre në Prizren) të cilat po organizojnë takime me veteran të arsimit dhe po ndajnë mirënjohje për ta, bile me simbolet e partive politike”, tha Susuri.

Mbi çfarë kritere apo moraliteti këto parti politike i ndajnë veteranët e arsimit, të kësaj apo asaj partie?- pyet ai/

“Veteranët meritojnë respektin e të gjithëve edhe të partive dhe liderëve të tyre politikë, por sigurisht me të tjera forma të mbështetjes dhe falenderimit, jo permes ndarjes së mirënjohjes për kontributin në arsim”.

“Besojë se të gjithë pajtohemi, se autoriteti për ndarjen e mirënjohjeve të tilla janë institucionet shtetërore, në rastin konkret DKA apo institucioni i kryetarit”.

“Përfundimisht një veprim i tillë më shumë i takon së kaluarës moniste, kur partia ishte vetë shteti”./PrizrenPress.com/

Deputeti i Nismës për Kosovën Zafir Berisha ka theksuar se ky version i fuqizimit të FSK-së, është menduar tash e sa kohë. Ai në një deklaratë të dhënë për Gazetën Blic tha se projektligj të cilin sot e ka proceduar në Kuvend Hashim Thaçi, ka qenë i gatshëm tash e sa kohë.

“Ne në komision për punë të Brendshme dhe FSK-në, e kemi diskutuar dhe jo rastësisht ka qene një debat prej disa orëve për ketë variant të cilin Hashimi tash po e inicion. Ky projektligj është i gatshëm tash e vite të tëra si varianti B, për shkak bllokadës së Listës Serbe, dhe për ne pak ka rëndësi kush e inicion dhe rendësi është qe me u bë një hap i madh në këtë drejtim”, tha ai për Gazetën Blic.

Sipas tij, Nisma për Kosovën do ta mbështes fuqizimin e FSK-së.

“Ne si forcë politike jemi të interësuar për të bërë një hap përpara dhe ky hap është pak i vonuar, mëgjithatë siç thotë populli më mirë vonë, sesa kurrë”, tha ai.