Drejtoria komunale e arsimit në Rahovec përkatësisht drejtoresha Vjollca Vuçitërna nuk i zbaton vendimet Ministrisë së Arsimit përkatësishtë të Zyres së Inspektoriatit të Arsimit në Gjakovë, shkruan Gazeta InfoPress.
U bënë një vit e gjysmë që Inspektoriati i Arsimit i regjionit të Gjakovës lëshon dokumente të njëpasnjëshme, nga Rekomandimi deri në Vendim, duke ja kujtuar DKA-së në Rahovec se dikujt i kanë mohuar të drejtën ligjore por këto dokumente DKA-ja nuk i përfill fare. Për ta banalizuar çështjen edhe më shumë, drejtoresha e arsimit zn. Vjollca Vuçitërna, ankesave të punëtores në fjalë, sikundër edhe të punëtorëve tjerë të arsimit, nuk i përgjigjet fare me shkrim kurse përgjigjiet verbale që jep janë tejet fëmijërore.
Pasi shfrytëzova pozitën e anëtarit të Kuvendit Komunal të Rahovecit për të kërkuar qëndrimin zyrtar të DKA-së në raport me problemin në fjalë, përgjigjja e drejtoreshës injoron problemin duke kthyer përgjigjje shumë naive karshi dokumenteve zyrtare. Rrjedha e ngjarjes; – Para një viti e gjysmë, në shkollën fillore “Hamëz Thaqi” në Xërxë, u liruan orët e lëndës së Kimisë. Adelina Kryeziu, mësuese e kësaj shkolle për 11 vjetë, e kualifikuar në fakultetin e Edukimit drejtimi Biologji – Kimi / 240 kredi, e kualifikuar me rreth 600 orë seminarike për mësimdhënie, shembullore në punë, punonte me orë zgjedhore dhe katër orë biologji, në dy shkolla. Drejtoria komunale e arsimit / drejtoresha Vjollca Vuçiterna, në vend se t’ia kalonte lëndën e kimisë Adelina Kryeziut, shpall konkurs të hapur dhe e pranon një punëtore të re, pa përvojë pune, e paliçensuar dhe me notë mesatare më të ulët.
Derisa konkursi ishte i hapur deri me 10 shtator, Adelina, me 3 shtator 2015, i drejtohet me Ankesë DKA-së nga e cila zyre nuk merr përgjigjie asnjëherë. Rezultatet e inspektimit të rastit nga Zyra e Inspektoratit të Arsimit në Gjakovë ishin në favor të Adelinës, gjithsej katër dokumente. Të gjitha këto i injoron drejtoresha Vjollca Vuçitërna, përfshirë edhe Ankesat dhe Kërkesat që i’a drejton Adelina, derisa unë, në cilësinë e anëtarit të Kuvendit Komunal, në seancën e Kuvendit të muajit nëntor i kërkoj përgjigjje me shkrim në raport me Vendimin e Inspektoriatit, në lidhje me rastin në fjalë. Në seancën e dhjetorit drejtoresha ma solli Përgjigjien e cila, përveç defekteve në përgaditje, është përgjigjie mjaftë naive në vetvete dhe e injoron realitetin e paraqitur nga dokumentet e Inspektoriatit.
Vendimi i Zyres së Inspektoriatit të Arsimit në Gjakovë thotë;-“Drejtoria Komunale e Arsimit në Rahovec, për sistemim në vendin e punës si mësimdhënëse e Kimisë të znj. Adelina Kryeziu, të vepron konform legjislacionit në fuqi për sistemim, bazuar në përgaditjen e saj shkollore.”, për të vazhduar;-“Kërkesa e sajë (Adelina Kryeziut) për sistemim në vendin e punës, mësimdhënëse e Kimisë, për 14 orë mësim në javë në SHFMU “Hamëz Thaqi” në Xërxë, është e arsyeshme, sepse këtë të drejtë ja mundëson ligji Nr. 03/L-212 i punës dhe UA 14/2011 (MPMS). Pyetjes time në seancën e Kuvendit, drejtuar drejtoreshës Vjollca Vuçitërna;-“Kërkoj përgjigjje me shkrim se;- Cili është qëndrimi zyrtar i DKA-së për Vendimin e Zyres së Inspektorëve të Arsimit në Gjakovë, me Nr.649/10?”, drejtoresha më ktheu përgjijen siç vijon; “-…supozimi juaj se orët janë marrë padrejtësisht bashkëshortes suaj nuk qëndron, sepse Adelina Kryeziu është pranuar në punë për orët e mësimit zgjedhor në vitin 2004, dhe ka punuar si mësimdhënëse e mësimit zgjedhor ku edhe vazhdon, ndërsa orët të cilat i pretendoni ju, janë orë të kimisë dhe për to është shpallur konkurs konform legjislacionit në fuqi. Paraprakisht, Adelina është dashur të bëjë kërkesë me shkrim në DKA, se është e interesuar për tiu plotësuar norma dhe kjo nuk ka ndodh.
Megjithatë DKA-ja ka bërë përpjekje të sistemimit të Adelinës për tia plotësuar normën dhe i është ofruar mundësia ti merr orët e kimisë në Krushe të Madhe (zëvendësim lehone), por verbalisht ajo nuk ka pranuar. Ne si DKA kemi obligim të bëjmë sistemimin e punëtoreve me kërkesa të tyre paraprake, e edhe Adelina do të sistemohet në momentin e parë kur do të jetë e mundur.” Komentimi i përgjigjjes; Drejtoreshë, kunkursi për orët e Kimisë në fjalë është i paligjshëm për faktin se; Së pari, sipas inspektorëve të arsimit, është hapur pa kërkesë zyrtare të drejtorit të shkollës, pa kontaktuar me punëtoren e cila ka pasur nevojë për këto orë. Dy ditë pas hapjes së konkursit ju kemi kontaktuar në zyren tuaj dhe ju kemi sqaruar se konkursi është i paligjshëm ku edhe kemi kërkuar anulimin e konkursit. Me 3 shtator Adelina ju ka drejtuar zyrtarisht një Ankesë me shkrim, ku ka sqaruar se është e kualifikuar për lëndët Biologji-Kimi me 240 kredi, është punëtore e rregullt e kësaj shkolle që nga 1 shtatori 2004, që konkursi është hapur 6 ditë pa skaduar kontrata e fundit derisa Adelina kishte nevojë për këto orë, se Adelina nuk është kontaktuar nga askush për ta marr mendimin se a është e interesuar apo jo, se Adelina qysh në muajin qershor 2015 kishte kërkuar orët nga drejtori Murat Kryeziu i cili i kishte premtuar verbalisht se do t’i jipen orët sapo të lirohen.
Së dyti, është e vërtetë se Adelina është punësuar si punëtore e mësimit zgjedhor në vitin 2004 por që nga ajo kohë ajo nuk e ka shkëputur asnjëherë kontratën e punës, ka përfunduar edhe dy vite studime, ka bërë rreth 600 orë seminare për mësimdhënie dhe ka qenë mësimdhënëse shembullore. Prandaj, ligjërisht, pas një pune të suksesshme 11 vjeçare DKA-ja ka qenë e obliguar t’ia plotësojë normën e punës, sidomos kur orët janë liruar në të njëjtën shkollë ku ajo punon dhe nuk ka pasur konkurencë të brendshme. Së treti, është e vërtetë se Adelinës i keni ofruar 8 orë zavendësim të një lehone por aktualisht ajo është e angazhuar në dy shkolla për vetëm 12 orë. Angazhimi i një nëne në tri shkolla, me nga dy ditë angazhim, është i papërballueshëm. Pse nuk e dërguat Dianën që të zavendësojë në Krushe meqë ajo është e angazhuar vetëm në Xërxë?! Apo ajo është e paprekshme! Së katërti, pse Vendimi i inspektorëve saktëson se ;-“Kërkesa e sajë (Adelina Kryeziut) për sistemim në vendin e punës, mësimdhënëse e Kimisë, për 14 orë mësim në javë në SHFMU “Hamëz Thaqi” në Xërxë, është e arsyeshme, sepse këtë të drejtë ja mundëson ligji Nr. 03/L-212 i punës dhe UA 14/2011 (MPMS)?”.
Nëse kjo kërkesë është ligjore sipas ligjit dhe udhëzimit administrativ të lartëshënuar atëherë si është e mundur që edhe ju të keni të drejtë që këto orë ti shpallni në konkurs dhe t’ia jepni një punëtori tjetër?! E di se, derisa e lexoni këtë pyetje, vetëmevete përshpëritni;-LIGJI ËSHTË SI LLASTIKU O XHAFERO! Për një çështje të caktuar nuk mund të ketë dy të drejta drejtoreshë dhe se ligji nuk është si llastiku. Fatkeqësisht disa zyrtarë si puna juaj ushtrojnë autoritet duke e lakuar ligjin si llastiku por kjo nuk do të thotë se edhe drejtësia qëndron në anën tuaj. Edhepse ligjin e ke bërë llastik, unë do ta vazhdoj betejën time. Prof. Dr. Sali Bytyçi thotë;-“ Edhe nëse e ke të qartë se në fund do ta humbasësh luftën me të keqën, mos u dorëzo! Dëshmoje se nuk erdhe kot në këtë botë!” prandaj mendoj se ja vlenë ta vazhdoj betejën për drejtësinë.
Drejtoreshë e DKA-së zn. Vjollca Vuçitërna. Më vjen keq që po ju drejtohem në këtë mënyrë por kjo është shkelje e pastër ligjore. Ju keni lejuar të nëpërkëmbeni nga përfiterë të ulët siç është Murat Kryeziu&CO të cilët tërë këtë skenar e kanë bërë në llogari të vetes, për të cilin do t’ju sçarojmë po në këtë mënyrë, ditëve në vijim. Duke e parë se me sa vullnet e keni shkelur ligjin dhe normat e tij në këtë rast, kam fituar përshtypjen se ju keni bërë edhe shkelje tjera ligjore! Më vjen keq që i keni zhgënjyer të gjitha ato femra që kërkojnë më shumë hapësirë për femrën në qeverisje derisa ju jeni bërë shembull i keq i qeverisjes lokale të Rahovecit dhe ju keni mbyllur gojën këtyre femrave veçanërisht anëtareve të Kuvendit Komunal. Uroj që ta qoni deri në fund këtë madat që keni dhe pas tij të mos keni nevojë t’i nënshtroheni drejtësisë! Për fund, po ju rikujtoj dy pyetjet që ju parashtrova në Kuvend dhe për të cilat pres përgjigjje në seancën e radhës; ”1.- Nëse në një shkollë lirohen orë mësimore për të cilat ajo shkollë ka punëtor të kualifikuar i cili ka nevojë për to, orët nuk e jepen punëtorit por shpallen në konkurs të hapur dhe i jepen një personi tjetër, a është shkelje ligjore?” dhe “2.-Nëse një punëtor punësohet me konkurs të afatizuar për zavendësim për pushimin e lehonisë 6 deri 9 muaj, pas skadimit të kësaj kontrate, pa konkurs i ofrohet kontratë e rregullt, a është shkelje ligjore?”.
Ky publikim përcillet me të gjitha dokumentet zyrtare që është përcjellur kjo problematikë. /Gazeta InfoPress/
