Afër pikës kufitare në Vermicë patrulla policore ka ndaluar shtetasin B.M., të cilit i janë gjetur 10 kg substancë narkotike të llojit marihuanë. I njëjti ka tentuar që policëve t’u japë mito 100 euro.

Policia Kufitare e Kosovës në afërsi të pikës kufitare të Vërmicës mbrëmë rreth mesnatës gjatë patrullimit ka vërejtur një person të dyshuar afër rrethojës së autostradës dhe në afërsi një veturë të ndaluar me targa gjermane.

Sipas një komunikate të Policisë, patrulla policore gjatë kontrollit të personit, të veturës dhe hapësirës përreth gjen një çantë me 20 qese substancë narkotike që dyshohet të jetë e llojit marihuanë.

Pastaj, patrulla kufitare njofton Njësinë e Antidrogës të DRP Prizren, e cila vazhdon me procedura të rastit.

Sasia e substancës narkotike e gjetur është: 10.068 kg.

Gjatë marrjes në pyetje, i dyshuari tenton t’u ofrojë 100 euro mito zyrtarëve policorë.

Policia njofton prokurorin kujdestar të Prokurorisë së Prizrenit për rastin e gjetjes së substancës narkotike dhe për ofrimin e mitos dhe me urdhër të tij i dyshuari B.M., lindur më 1987, shtetas i Kosovës, dërgohet në ndalim policor për 48 orë.

Po ashtu, policia sekuestron si provë materiale: substancën narkotike (10 kg e 068 g.), veturën e të dyshuarit dhe dy kartëmonedha nga 50 euro.

Reshjet e borës të cilat kanë filluar gjatë ditës së mërkurë dhe që janë duke vazhduar edhe gjatë ditës së sotme nuk kanë paraqitur probleme të mëdha për qarkullim nëpër të gjitha rrugët e Komunës së Rahovecit.

Muhamet Behra, drejtor i Drejtorisë së Shërbimeve Publike shprehet se nga informacionet të cilat i ka nga tereni, të gjitha rrugët në Rahovec janë të kalueshme, dhe kompania e cila është përgjegjëse për mirëmbajtjen e rrugëve gjatë sezonit dimëror është në teren me gjithë makinerinë të cilën e posedon dhe në vazhdimësi është duke e bërë pastrimin e borës, bëhet e ditur përmes një komunikate për media.

Behra apelon te të gjithë pjesëmarrësit në komunikacion që të kenë kujdes të shtuar gjatë vozitjes.

Anëtarët e Kuvendit të Komunës së Prizrenit kanë theksuar se Këshilli Komunal i Sigurisë në Bashkësi nuk ka raportuar asnjëherë para organit më të lartë vendimmarrës lokal, shkruan sot Koha Ditore.

Për këtë shkak këshilltarët e subjekteve më të votuara kanë pohuar se nuk janë në dijeni nëse KKSB-ja funksionon apo nëse është takuar ndonjëherë. Sipas legjislacionit, kryesuesi i këtij këshilli, që është kryetari i komunës, duhet që dy herë brenda vitit të njoftojë KK-në për aktivitetet e KKSB-së.

Shqetësimin për mosraportimin për aktivitetet e KKSB-së, në seanca të ndryshme plenare të KK-së e kanë ngritur këshilltarët e LDK-së dhe ata të PDK-së. “KKSB-ja asnjëherë s’i ka raportuar Kuvendit për sigurinë në komunë”, ka thënë Haziz Hodaj i LDK-së, për të shtuar më pas se “hajnat po operojnë lirshëm gjithandej Komunës së Prizrenit, ndërkohë që raste të shpeshta ka edhe në trevën e Hasit”,

Rreth mesdite, hetues të Stacionit Policor “Veriu” në Prizren, gjatë intervistës me një person të dyshuar, kanë kuptuar se i njëjti posedon një armë zjarri të llojit kallashnikov.

Lidhur me rastin është informuar prokurori i shtetit me ç’rast janë marrë pëlqimet nga prokuroria dhe gjykata për bastisje.

Zëdhënësi i Policisë në Prizren Hazir Berisha njofton se gjatë bastisjes është gjetur arma- pushkë automatike- me gjashtë fishekë në karikator e cila është sekuestruar dhe e njëjta së bashku me shkresat e lëndës do t’i kalojë Prokurorisë për proceduar të më tejme.

Ndërkaq Policia e Suharekës e ka sekuestruar një pistoletë të llojit TT M 57ngase i dyshuari në cilësi të krushkut – pasi po martonte nipin – ka shkrehur nëajër 8 (shekë nga pistoleta në fshatin Bukosh e që krismat i kishte dëgjuaredhe një patrullë policore e cila ka reaguar.

I dyshuari është gjetur në fshatinDobërdelan dhe është pyetur për ngjarjen. I njëjti ia ka dorëzuar një pistoletëpolicisë. Në të dy rastet, të dyshuarit janë lënë të lirë ndërsa kallëzimet penaledo të procedohen sipas procedurës së rregullt.

Dy persona kanë sulmuar fizikisht një banor të fshatit Nagavc të Rahovecit. Policia ka arrestuar njërin prej sulmuesve, ndërkaq i dyti është në arrati.

“Është arrestuar i dyshuari pasi që i njëjti së bashku me një person tjetër, i cili gjendet në arrati, kanë sulmuar fizikisht viktimën”, njofton Policia e Kosovës.

Viktima ka pësuar lëndime trupore dhe i është ofruar trajtim mjekësor, ndërsa me vendim të prokurorit i dyshuari është dërguar në mbajtje./PrizrenPress.com/