Drejtopri ekzekutiv i Spitalit të Përgjithshëm në Prizren, Prof. Ass. Dr. Afrim Avdaj, të enjten, ka pritur në takim përfaqësues të Universitetit “Namik Kemal University” me seli në Tekirdag të Turqisë, i udhëhequr nga prorektori, Prof. Dr. M.Insan Soysol, ndërsa shoqërohej edhe nga Prof. Bekim Gashi, nga Universiteti i Prishtinës.

Në takim është biseduar për vendosjen e bashkëpunimit dhe mundësitë e avancimit të Spitalit të Përgjithshëm të Prizrenirt në Qendër Klinike dhe Universitare.

Kuvendari i AAK-së në Suharekë , Besim Kuçi ka dhënë dorëheqje nga ky subjekt politik.

Ai, këtë vendim e ka marrë “si pasojë e botëkuptimeve të mia politike dhe partisë sime të deritanishme”.

Më poshtë mund ta lexoni deklaratën e plotë :

Të nderuar qytetarë të Komunës së Therandës, pas një analize që i kam bërë aktivitetit tim të deritanishëm në Asamblenë Komunale, në KPF dhe ngjarjeve të zhvilluara në to dhe rreth tyre, dhe pas një sërë konsultash të bëra me një pjesë të madhe të votuesve dhe bashkqytetarëve të komunës sonë ,kam arritur në përfundim se më duhet të ndërmarr një hap i cili më jep liri akoma më të madhe dhe më mundëson edhe më shumë aktivitetin tim politik, në mbrojtje të interesave tuaja të ligjshme.

Ky hap është dorëheqja ime nga Asambleja Komunale si dhe nga partia e deritanishme AAK, pjesë e së cilës isha për 15 vite me radhë. Arësyeja e dorëheqjes sime nga partia vjen si pasojë e një procesi të caktuar politik i cili arriti në një stad të atillë me ç’rast në mes botëkuptimeve të mia politike dhe partisë sime të deritanishme u krijua një rrethanë e tillë që zvogëloi tej mase elementet që më mbanin anëtar dhe veprimtar të saj.

Pra sot po e deklaroj neutralitetin tim partiak. Se sa do të zgjasë ky neutralitet varet nga rrethanat politike në Therandë dhe në Kosovë. Por neutraliteti im partiak nuk nënkupton neutralitetin e aktivitetit tim politik, pra të nderuar qytetarë unë do të vazhdoj me ngritjen e zërit në mbrojtje të interesave tuaja të ligjshme, do të vazhdoj aktivitetin tim në shërbim të votuesve të mi, në shërbim të qytetarit dhe në shërbim të sundimit të ligjit.

Të nderuar bashkëpartiakë të deritanishëm të AAK-së dhe të nderuar kolegë asambleistë ju faleminderit për bashkëpunimin e deritanishëm.

Të nderuar qytetarë të Komunës së Therandës dhe ju votues që më keni besuar votën ju faleminderit për bashkëpunimin e vazhdueshëm, dhe me këtë akt dua tu dëshmoj se politikën nuk e shoh vetëm si një mundësi përsonale punësimi por si një mision që kërkon mund dhe sakrifice, me të vetmin qëllim dhënien e kontributit në përmirësimin e jetës dhe zhvillimin e demokracisë në vendin tonë!

Me që jemi në prag të vitit të ri më lejoni t’u uroj Gëzuar 2017, me dëshirën që në vendin tonë të ketë më shumë paqe, punësim, arsimim, demokraci e zhvillim!

Ju Faleminderit!

Kryetari i Prizrenit, Ramadan Muja e ka vlerësuar të suksesshëm vitin 2016-të. Ai në takimin përmbyllës, ka premtuar se do të angazhohet për të përmisuar mirëqenien e qytetarëve.

Muja , si sukses të veçantë ka përmendur ndërtimin e banesave për familjet e dëshmorëve, invalidëve të luftës dhe atyre skamnore.

Ndërkaq, zëdhënësi i Komunës Ymer Berisha tregoi se gjatë këtij viti janë realizuar 300 projekte./PrizrenPress.com/

Viktima mashkull ka raportuar në polici se, një person i panjohur është duke e kanosur-shantazhuar përmes rrjetit social Facebook, duke i dërguar foto të ndryshme, me qëllimin që viktima t’i jap të dyshuarit një shumë prej 20.000 euro.

Policia ka njoftuar se ngjarja ka ndodhur në Prizren dy ditë më parë, ndërsa lidhur me rastin është njoftuar edhe prokurori.

Njësitet policore janë duke hetuar rastin.

Një person është arrestuar në Vërmicë, pasiqë gjatë kontrollit në veturën të cilën e drejtonte është gjetur dhe konfiskuar një pushkë gjysmë-automatike, dy karikator dhe shtatë fishekë.

Policia e Kosovës ka njoftuar se ngjarja ka ndodhur mbrëmjen e djeshme, dhe me vendim të prokurorit është konfiskuar edhe vetura, ndërsa i dyshuari është dërguar në mbajtje.

Kryetari i Komunës së Malishevës, Ragip Begaj dhe drejtori i Drejtorisë për Shëndetësi dhe Mirëqenie Sociale, Hajdin Berisha, në kuadër të përmbylljes së këtij viti, i kanë pritur punëtorët shëndetësorë, nga Qendra Kryesore Mjekësisë Familjare (QKMF) “Dr.Shpëtim Robaj” në Malishevë, të cilët i kanë falënderuar dhe përgëzuar për punën e tyre humane që janë duke bërë, në shërbim të qytetarëve.

“Unë ju përgëzoi për punën tuaj, sa humane aq edhe të rëndësishme, që jeni duke bërë për qytetarët e Komunës së Malishevës, duke ju ofruar shërbimet dhe profesionalizmin tuaj, në shëndetësi. Puna juaj, jo vetëm humane, por është edhe mbi interesin material. Angazhimi i të gjithë stafit shëndetësor në luftimin e EHKK, pastaj shërbimet tjera, në të gjitha mundësitë që ka QKMF-ja, neve na obligon që ta përkrahim këtë sektor dhe të jemi në shërbimin tuaj. Unë ju përgëzoi për gjithë punën që jeni duke bërë dhe ju dëshiroj suksese në punën e juaj, në shërbim të qytetarëve”, tha mes tjerash, kryetari Begaj.

Ndërsa drejtori komunal për shëndetësi, Hajdin Berisha, pasi i përgëzoi të gjithë për punën dhe angazhimin e tyre, i ndau tri momente me shumë rëndësi gjatë këtij viti: Kontributi në parandalimin dhe trajtimin e EHKK, vizitat sistematike shëndetësore në shkolla dhe ndarja e çmimit për kontribut në shëndetësi për njësinë e emergjencës, pikërisht për parandalimin e EHKK, janë shumë domethënëse dhe me rëndësi në sektorin e shëndetësisë. Drejtori Berisha, e njoftoi stafin e QKMF-së edhe me angazhimin e drejtorisë në hartimin e statutit të QKMF-së, bazuar në ligjet aktuale dhe nevojat e QKMF-së, statut i cili pritet të finalizohet shumë shpejt.

Në emër të stafit të QKMF-së, ushtruesi i detyrës së drejtorit, Milazim Kryeziu, i falënderoi të gjithë punëtorët për punën që po bëjnë, si dhe komunën për përkrahjen e vazhdueshme në plotësimin e nevojave të QKMF-së. Sipas Kryeziut, QKMF e Malishevës i ka shërbimet më të shpejta për qytetarë dhe shërbimet janë profesionale në të gjithë sektorët. Kryeziu, i ka falënderuar të gjithë punëtorët shëndetësorë për punën dhe angazhimin e tyre, si dhe Komunën e Malishevës, për mbështetje, ndërsa tha se “këto shërbime do të vazhdojnë të jenë në nivel edhe më të lartë, gjithmonë në ruajtjen dhe kujdesin e shëndetit të të gjithë banorëve të Komunës së Malishevës”.

Buxheti prej 38 milionë eurove, i ndarë për veteranët për vitin 2017, konsiderohet i pamjaftueshëm për t’i rehatuar ish-guerilët e pensionuar të UÇK-së.

Megjithatë, Qeveria dhe Organizata e Veteranëve janë duke bërë përpjekje për ta arritur një marrëveshje për plotësim-ndryshimin e Ligjit për Veteranët, në mënyrë që kjo çështje të zgjidhet përfundimisht.

Kështu, në bazë të këtyre ndryshimeve pritet të bëhet një kategorizim i veteranëve, si dhe që t’u mundësohet atyre, të cilët janë të punësuar në sektorin privat, të marrin edhe 50 për qind të pensionit të veteranit, shkruan sot Gazeta “Zëri”.

Kryeministri i vendit, Isa Mustafa, ka thënë se Qeveria e Kosovës me pajtimin e Fondit Monetar Ndërkombëtar ka vendosur që të ndajë një buxhet prej 50 milionë eurosh për kategoritë e dala nga lufta, 38 milionë prej të cilave janë për veteranët.

Sipas tij, kjo shumë nuk është e mjaftueshme nëse merren për bazë kriteret aktuale të ligjit, megjithatë, sipas tij, kjo shumë mund të shkojë deri në 45 milionë.

“Në qoftë se marrim kriteret e tanishme të ligjit, ky buxhet prej 38 milionëve nuk është i mjaftueshëm që t’i përmbushim nevojat e tyre, sepse çdo ditë po rritet numri i tyre. Tani e disa ditë jemi në biseda me udhëheqësin e Organizatës së Veteranëve për të gjetur një zgjidhje. Është kërkesa e FMN-së që ne mund të ndajmë deri në 0,7 për qind të Bruto Produktit Vendor (GDP) për veteranët që në përmasat e sotme ai do të ishte rreth 45 milionë euro. Pastaj ashtu siç rritet GDP-ja rritet shuma absolute”, ka deklaruar Mustafa, shkruan “Zëri”.

Ai më tej ka bërë të ditur që bëjnë përpjekje këtë kriter ta harmonizojnë me Organizatën e Veteranëve në mënyrë që të mundësohet njëlloj kategorizimi.

“Pastaj shpërndarjen e brendshme ta bëjnë sipas vlerësimeve që i kanë, qoftë në aspektin e kohëzgjatjes, pjesëmarrjes së tyre në luftë, qoftë në atë të fazave të ndryshme të pjesëmarrjes dhe të mundësojmë që ata të kenë të drejtë që të marrin 50 për qind të kësaj shume, në qoftë se janë në marrëdhënie pune në sektorin privat, për të mos i privuar nga e drejta e marrëdhënies së punës”, ka shtuar Mustafa

Një rrugë në Krushë të Madhe, edhe pse e rëndësishme jo vetëm për fshatin, ka mbetur në terr, derisa rrugë tjera të këtushme ka kohë që janë ndriçuar.

Rruga kryesore në Krushë të Madhe që e bën lidhjen e Magjistrales Prizren-Gjakovë me qendrën e fshatit ende nuk ka ndriçim.

Ndriçimi i rrugëve në fshat ka filluar të bëhet disa vite më parë, por jo në rrugën që lidh qytetet e Prizrenit, Gjakovës dhe Rahovecit.

Haziz Krasniqi, zyrtar për informim nga Komuna e Rahovecit tha për KALLXO.com se ky projekt ka filluar në qytetin e Rahovecit për të vazhduar edhe në fshatrat tjera më të mëdha, por sipas tij, kompania e kontraktuar nga komuna nuk mund të punojë njëkohësisht në të gjitha vendet.

“Projekti ka fillue në qytet edhe duhet të vazhdojë edhe nëpër fshatra tjerë. Dhe kompania nuk mundet me ja fillu përnjiherë në krejt vendet,” tha Krasniqi.

Sipas Krasniqit, problemi nuk qëndron te instalimi i ndriçimit, por te mirëmbajtja e tij.

“Problemi nuk është me ndërtu, me i qit ato shtyllat. Mirëmbajtja kushton për komunën, kushton shumë mirëmbajtja,” shpjegoi Krasniqi.

Ndërsa Selami Hoti, kryetari i fshatit Krushë e Madhe tha se mundësitë buxhetore janë faktorë që kufizojnë shumë gjëra.

“Do të mundohemi që në të ardhmen gjërat do të bëhen njëjtë për të gjithë, duke e kuptu që mundësitë buxhetore janë ato që ndalojnë shumë gjëra, por bile së paku të bëhet ajo më me prioritet, e mbase në atë kohë, e kanë konsideru këtë me prioritet,” tha Hoti për KALLXO.com.

Drejtoria e Shërbimeve Publike në Komunën e Rahovecit planifikon që rrugën e rëndësishme jo vetëm për Krushën e Madhe ta ndriçojë në pranverën e vitit që vjen.

Nuk është hera e parë që kjo rrugë është lënë pasdore. Derisa asfaltoheshin rrugët dytësore apo sokaqet në lagjet tjera, “Rruga e Drinit” vazhdonte të kishte gropat të cilat e vështirësonin komunikacionin.

Ky problem është zgjidhur vitin e kalu