Në Turku të Finlandës kishte shkuar edhe presidenti Hashim Thaçi për ta parë ndeshjen e parë historike të Përfaqësueses së Kosovës, raporton “Zeri.info”.

Mirëpo, edhe pse presidenti Thaçi u shpreh mjaft i gëzuar për sigurimin e pikës së parë të përfaqësueses kosovare, tifozët ishin ata që pas përfundimit të ndeshjes e bënë për “pesë pare”, presidentin, raporton “Zeri.info”.

Pas daljes nga stadiumi, tifozët i brohoritën Thaçit “Pronto”, e “Vetëvendosje”.

Për më shumë shikojeni videon ekskluzive që ka siguruar “Zeri.info”.

Kosova e ka nisur më të mirën fazën eliminatore për Kupën e Botës ‘Rusia 2018’
Përfaqësuesja e Kosovës bëri debutim historik në kualifikueset e Kupës së Botës “Rusi 2018” në ndeshjen ndaj Finlandës, sfida e parë kjo në Grupin I.

Të përzgjedhurit e Albert Bunjakit, dhuruan paraqitje fantastike ndaj Finlandës në ‘Veritas Stadion’, ku ishin të pranishëm shumë shqiptarë.

Minutat e para të ndeshjes dominoi Kosova, me Berishën që kishte një mundësi të artë dhe Paqaradën që dridhi shtyllën e kundërshtarit.

Menjëherë pas këtyre rasteve dhe dominimit të Kosovës, vendasit shënuan për 1:0. Pas një harkimi nga këndi, më së miri në zonë u gjend Paulus Arajuuri, i cili shënoi për 1:0 në minutën e 18’të.

Me këtë rezultat përfundoi edhe pjesa e parë. Në pjesën e dytë, Kosova filloi sërish ta dominojë ndeshjen, dhe arritën deri të goli në minutën e 59’të. Valon Berisha shënoi nga pika e bardh për rezultatin përfundimtar 1:1, pasi edhe përkundër se kishte shumë minuta deri në fund, rezultati mbeti ai i minutës së 59’të.

Me këtë barazim Kosova merr pikën e parë në Grupin I. /Express/

Janë publikuar formacionet zyrtare të ndeshjes Finlanda – Kosova

Përfaqësuesja e Kosovës bën debutimin historik në kualifikueset e Kupës së Botës “Rusi 2018”. Finlanda dhe Kosova do të përballen në ‘Veritas Stadion’ duke filluar nga ora 20:45.

Finlanda: Hradecky, Raitala, Arajuuri, Moisander, Lam, Uronen, Halsti, Eremenko, Lod, Pohjanpalo, Pukki

Kosova: Ujkani, Perdedaj, Rrahmani, Pnishi, Alushi, Rashica, V. Berisha, Paqarada, Kryeziu, B. Berisha dhe Bunjaku

Kosova po bënë përgatitjet e fundit për të luajtur për herën e parë në kualifikimet e Kupës së Botës. Kjo po ndodhë në historinë e shkurtër si i pavarur e këtij vendi të vockël të Ballkanit, nis një shkrim i Daily Mail.

Se mund të jetë një fillim i veçantë ky, beson edhe futbollisti i ri Bersant Celina.

Celina që kishte lënë Kosovën për Norvegjinë në moshën dy vjeçare, u zhvillua si futbollist nëpër të gjitha grupmoshat e Federatës së Norvegjisë, por që nuk hezitoi aspak që ta përfaqësojë vendlindjen në shansin e parë që iu dha.

Kosova është bërë anëtare e plotë e FIFA-s në fillim të këtij viti, ku dhe do të luajë në kualifikime për Kupën e Botës në kuadër të Grupit I.

Ata kampanjën e tyre e nisin në një ndeshje si mysafirë i Finlandës, në Turku.

“Kjo do të thotë shumë, të jem pjesë e kampanjës së parë të Kosovës drejt Kupës së Botës”, ka thënë 19 vjeçari që tash luan në FC Twente të Holandës.

“Kjo ka peshë për mua ashtu sikur edhe familjen time. Nuk më pritet që të jem pjesë e saj.”

“Do të jetë shumë emocionuese për ne kur himni do të interpretohet për herën e parë. Njerëzit në Kosovë e duan futbollin dhe kjo është shumë e veçantë për ta”, ka thënë Celina.

“Të luash në kualifikimet e Kupës së Botës është e veçantë dhe ata janë të lumtur për këtë.”

“Nëse luajmë mirë atëherë ka gjasë që vende të ndryshme ta njohin shtetin tonë”, ka vazhduar Celina.