Grupi i organizatave të shoqërisë civile, që veprojnë në Prizren kërkojnë debat në Kuvendin e Kosovës për humbjen e jetës së vajzës 3 –vjecare.

Ata ftojnë deputetët nga Prizreni, që të kërkojnë përgjegjësi për tragjedinë e Prizrenit.

“Nga ju kërkojmë që të merrni nismën brenda Kuvendit të Kosovës për të përfshirë në rendin e ditës së seancës së ardhshme parlamentare rastin e tre vjeçares Xheneta Gashi, e cila humbi jetën javën e kaluar në Prizren. Kërkojmë që Kuvendi i Kosovës, konform mandatit që ka, të ftojë qeverinë e Kosovës dhe institucionet tjera në përgjegjësi për këtë tragjedi”, thuhet në komunikatën e këtyre organizatave.

“Ne si organizata të shoqërisë civile kemi publikuar qëndimin tonë dhe po angazhohemi për të kërkuar llogari nga institucionet lokale dhe qendrore për vdekjen e tre vjeçares Xheneta Gashi. Ne i kemi dy kërkesa: dorëheqjen e Kryetarit të Komunës së Prizrenit dhe dy ministrave të qeverisë së Kosovës, atij të kulturës dhe atij të planifikimit hapësinor, si dhe ndjekjen penale të të gjithë përgjegjësve institucional që me mosveprimin e tyre shkaktuan tragjedinë”.

“Ne kërkojmë që rasti i neglizhencës institucionale që prodhoi tragjedinë e javës së kaluar të diskutohet si pikë e veçantë e rendit të ditës në seancën e ardhshme të Kuvendit të Kosovës”.

“Për këtë, ju ftojmë që sa më parë të merrni këtë nismë për debat parlamentar për tragjedinë e Prizrenit”.

Kërkesa u  është drejtuar deputetëve: Anton Çuni, Duda Balje, Emilija Redzepi, Fikrim Damka, Hatim Baxhaku, Kujtim Paçaku, Mufera Sinik, Mytaher Haskuka, Nait Hasani, Nezir Çoçaj, Zafir Berisha./PrizrenPress.com/

Refki Musaj, në prani të gjykatësit dhe prokurorit, ka goditur me grushte kushëririn e tij, Elezin gjatë një seance në të cilën këta dy janë palë të kundërta në proces.

Refkiu kishte ardhur të mërkurën në cilësinë e të akuzuarit për t’u paraqitur para gjykatësit së bashku me Elez Musaj, për një përleshje që kishin pasur në mes vete në gusht të vitit 2014.

Por mosmarrëveshja u përsërit edhe në seancë.

Sipas dëshmitarëve në seancë, deri te rrahja ka ardhur pasi që i pandehuri Refki Musaj, ka kërkuar sqarim nga i pandehurit tjetër Elez Musaj që të tregojë se kush kë e ka goditur në ditën kritike.

Kur Elez Musaj ka thënë se ai kishte qenë viktimë e sulmit, Refki Musaj ka reaguar menjëherë duke e ka goditur me grushte dhe duke i shkaktuat lëndime trupore.

Gjykatësi ka lajmëruar policinë, të cilët e kanë arrestuar në seancë të akuzuarin Refki Musaj, ndërsa emergjenca ia ka dhënë ndihmën e parë të dëmtuarit në gjykatë, ndërsa trajtimin mjekësor e ka vazhduar në emergjencën e Suharekës.

Gjykatësi Qemajl Suka, tha për KALLXO.com se të akuzuarit ishin ftuar në seancë për një rrahje që kishte ndodhur në vitin 2014, por në një moment ka eskaluar situata edhe në seancë.

Sipas tij, krejt ngjarja ka ndodhur në përfundim të seancës fillestare.

Komandanti i Stacioni Policor në Suharekë, Milazim Lumi, tha për KALLXO.com, se një person është arrestuar, për sulm ndaj një personi tjetër, në një seancë gjyqësore në Gjykatën Themelore në Suharekë, ndërsa me urdhër të prokurorit është ndaluar.

“Një person është arrestuar, për sulm ndaj një personi tjetër, i cili është intervistuar dhe me urdhër të prokurorit është ndaluar”, ka thënë komandanti i stacionit policor në Suharekë

Kryeparlamentari i Kosovës Kadri Veseli, ka vizituar familjen Krasniqi në Landovicë.

Ai tha se kjo familje dhe Landovica, gjatë luftës ka dhënë shumë për çlirimin e Kosovës.

“Landovica ka dhënë shumë”, tha Veseli.

Vëllezërit, Xhelal e Hajdar Krasniqi nga Landovica, kanë qenë ish- veteranë të luftës së UÇK-së . Ata, ditë më parë kanë ndërruar jetë brenda një jave.

“Dy veteranët dhe bashkëluftëtarët, ishin pjesë e kontributi të luftës. Ne do të mundohemi t’i kujtojmë me pietet”, tha Veseli.

Ai ka premtuar përkrahje për familjen Krasniqi.

Ish -komandant “Çuni”, Osman Qerreti, ka falënderuar kryeparlamentarin Veseli,për vizitën që ia ka bërë familjes Krasnqi.

“Familja Krasniqi njihet si një familje patriotike sepse edhe vetë Miftari ishte i dënuar portikë”, tha ai./PrizrenPress.com/

Drejtori i spitalit të përgjithshëm, dr. sci, Afrim Avdaj, me anëtarë të Këshillit Drejtues, të premten ka pritur në takim një delegacion të mjekëve specialistë të fushave të ndryshme mjekësore dhe infermierë amerikanë. Gjatë qëndrimit disa orësh në spitalin e përgjithshëm” Prim.dr. Daut Mustafa” në Prizren, delegacioni amerikan i udhëhequr nga z. Mike Sorrells dhe në shoqërim të drejtorit të organizatës “Kosovo Hope”, Berat Gegaj, kanë vizituar disa reparte dhe kanë mbajtur ligjërata për mjekë dhe infermierë të spitalit.

Drejtori i përgjithshëm i spitalit të Prizrenit, dr.sci. Afrim Avdaj, ka falënderuar ekipin amerikanë për vizitën në spitalin e Prizrenit dhe ka shprehur gatishmërinë e bashkëpunimit të dy anshëm: “Është nder dhe privilegj vizita e delegacionit të mjekëve dhe infermierëve nga shteti më i veçant që ka bota dhe shteti më mik i Kosovës, pra SHBA. Kjo vizitë është e një rëndësie të veçantë, sepse po vendosim bashkëpunimin e dy anshëm në shëndetësi. Nga kjo vizitë do të shohim mundësitë që mjekët e spitalit të Prizrenit, por edhe më gjërë të shkojnë për trainime dhe specializime në Amerikë, si dhe mundësitë e trajtimit të disa rasteve delikate që nuk mund të kryhen këtu te ne’, – tha drejtori Avdaj.

Në takimin e delegacionit amerikanë me Këshillin Drejtues të spitalit ka marrë pjesë edhe zëvendësministri i Shëndëtësisë, Mevludin Krasniqi. “Kjo vizitë ka për qëllim forcimin e bashkëpunimit të Kosovës me SHBA-të. Nga kjo vizitë delegacioni do të bën identifikimin e nevojave dhe prioriteteve për të ardhmen”, – pohoi zëvendësministri Krasniqi.

Në emër të delegacionit amerikan ka folur Mike Sorrells, drejtues i skuadrës së mjekëve amerikanë: “Në emër të skuadrës ju falënderoj për mikëpritjen shumë të ngrohtë që po na bëhet këtu në Kosovë. Për këtë kemi ndjesi dhe është privilegj që jemi këtu. Është hapi i parë i vendosjes së bashkëpunimit në këtë fushë. Do të jemi të angazhuar për të ndihmuar dhe për të qenë në shërbim të qytetarëve të Kosovës, sepse e duam këtë vend”, – theksoi Sorrells.

Kjo vizitë është mundësuar në kuadër të aktiviteteve të organizatës “Kosovo Hope”. “Me këtë vizitë ne po mundohemi që të ndihmojmë në shëndetësi, sidomos në fushën e edukimit. Synimi ynë është që mjekëve nga Kosova t’u mundësojmë që të shkojnë për trainime dhe marrje të përvoja në SHBA”, – theksoi drejtori i kësaj organizatë për Kosovë, Begaj Gegaj.

Gjatë qëndrimit në spitalin e Prizrenit, delegacioni amerikanë në shoqërim të drejtoreshës mjekësore, dr. Lumnije Hoxha, dhe drejtorit të infermierisë, Shyqri Hasani, ka vizituar disa reparte ku nga afër janë njoftuar me punën, ekzaminimet dhe mjekimin e pacientëve, ndërsa për personelin e spitalit kanë mbajtur ligjërata në disa lëmi shëndetësore./PrizrenPress.com/