Tri skuadra kosovare do të dalin në Evropë

“E di shumë mirë se çka kanë ekipet evropiane e çka kemi ne. Ata kanë shumë profesionalizëm dhe kushte të mira, ndërsa ne e kemi cilësinë. Për të arritur rezultate çfarë po kërkojmë, duhet organizim i mirë, shumë punë e mbi të gjiha disiplinë, pasi në Evropë gabimet nuk falen, siç falën këtu”, ka thënë Liridon Leci,shkruan gazeta Kosova Sot.

Të gjithë futbolldashësit kosovarë gjatë verës sytë do t’i kenë nga skuadrat, që do ta përfaqësojnë për herë të parë futbollin tonë në arenën ndërkombëtare, për ta parë kështu nivelin tonë karshi atij evropian. Pa dyshim se kjo mund të sjellë presion te lojtarët, të cilët në rast të paraqitjeve zhgënjyese, mund t’i dëshpërojnë adhuruesit e futbollit dhe sigurisht pastaj edhe entuziazmi mund të vijë duke u shuar. Megjithatë, futbollistët e dy skuadrave, që pritet të dalin në garat evropiane, Feronikeli e Hajvalia, Mentor Zhdrella e Liridon Leci, janë të bindur se do të tregojnë nivel të lartë, dhe se nuk i frikë- son rivaliteti i skuadrave evropiane.

Ish-futbollisti i Kalmar-it të Suedisë, por edhe disa skuadrave në kampionatit shqiptar, Liridon Leci, e di shumë mirë nivelin e ekipeve evropiane, pasi pati rastin të marrë pjesë në kupat ndërkombëtare. Ai, në një bisedë për gazetën “Kosova Sot”, ka thënë se klubet tona nuk kanë pse të frikësohen nga forca e kundërshtarëve, por gjithsesi se duhet shumë punë, që të paraqiten siç po pretendojnë. Njëjtë mendon edhe futbollisti aktualisht më i miri në Kosovë, Mentor Zhdrella, i cili beson se rezultatet nuk do të mungojnë.

Zhdrella: Nuk do të zhgënjejmë

Njëri nga futbollistët më të mirë, që ka nxjerrë Superliga e Kosovës pas luftës, pa dyshim është mesfushori i Feronikelit, Mentor Zhdrella. Ish-lojtari i disa skuadrave kosovare sivjet feston titullin e kampionit me “Niklin”, gjë të cilën e kishte bërë me herët edhe me Hysin. Zhdrella është shumë i lumtur që më në fund edhe klubeve tona do t’u jepet mundësia të luajnë në garat ndërkombëtare derisa është i bindur se prezantimi i tyre do të jetë në nivelin më të lartë. “Nuk u frikësohemi aspak garave ndërkombëtare, edhe pse për ne do të jetë hera e parë që do të luajmë në ato gara. Do të japim gjithçka që të prezantohemi sa më mirë dhe jam i bindur se kjo do të ndodhë, pasi kemi ekip cilësor dhe me përvojë”, ka thënë Zhdrella, i cili e ka të qartë për përgjegjësinë e madhe që kanë këtë herë. “Është e vërtetë që i gjithë opinioni këtë herë do të drejtohet nga ne, por kjo aspak nuk na jep presion dhe nuk frikësohemi se mund t’i zhgënjejmë. Gjithsesi, për rezultate të mira do të varet shumë edhe nga shorti që do ta kemi”, ka përfunduar Mentor Zhdrella.

Leci: Mungojnë kushtet, por jo edhe cilësia

Hajvalia këtë vit ka shënuar suksesin më të madh në histori të klubit. Skuadra prishtinase do të përfundojë si nënkampion i Raiffeisen Superligës dhe, sipas të gjitha gjasave, do ta prezantojë futbollin tonë në garat e Ligës së Evropës. Futbollisti kryesor i kësaj skuadre, Liridon Leci, ka thënë se ekipi po përgatitet për të pasur paraqitje sa më të mira në Evropë. “Vendi i dytë në kampionat është vërtet sukses për ekipin e Hajvalisë, sepse unë nuk mbaj mend që Hajvalia të ketë qenë në nivele të tilla”, ka thënë Leci, sipas të cilit për të pasur rezultate në arenën ndërkombëtare duhet shumë punë.

“Normalisht se duhen investime, duhen lojtarë me kualitete të larta për t’u ballafaquar me ekipet evropiane. Unë mendoj se si Hajvalia, ashtu edhe Feronikeli, që marrin pjesë në Evropë, nuk do t’i dëshpërojnë adhuruesit e futbollit, përkundrazi ne kemi mundësi dhe shanse të mira që të kemi rezultate edhe në Evropë. E di shumë mirë se çka kanë ekipet evropiane dhe çka kemi ne. Ata kanë shumë profesionalizëm dhe kushte shumë të mira, ndërsa sa i përket cilësisë jemi afër tyre, mirëpo thashë edhe më herët që duhet organizim, punë e shumë disiplinë, sepse në Evropë gabimet nuk falen, siç falën këtu”, ka përfunduar Liridon Leci.

Klubi francez, PSG i është shtuar garës për ta blerë sulmuesin e Arsenalit, Alexis Sanchez.

Kiliani duket se në fund të këtij sezoni, do të largohet nga “Emiratës”.

Ai është duke u kërkuar nga Juventusi, por sipas mediave franceze, tashmë në garë për ish-sulmuesin e Barcelonës është futur edhe PSG-ja.

Kampionët e Francës janë duke kërkuar pasardhësin e Zlatan Ibrahimoviçit, i cili ka konfirmuar largimin nga Parisi.
Dhe Sanchez është përfshirë në listën e gjigantit francez.

Pele, i mbiquajtur nga të gjithë si “O Rei” (Mbreti), ka thënë se Lionel Messi është lojtari më i mirë i kohës së tij dhe e ka përkufizuar yllin e Barcelonës si “princi” i futbollit.

Ish-numri 10-të braziliane është i bindur se argjentinasi ka të njëjtën rëndësi që ka pasur edhe ai gjatë karrierës së tij, pavarësisht se beson se “Pleshti” nuk është lojtari më i mirë i të gjitha kohërave i Argjentinës.

“Nëse unë jam mbreti, atëherë Messi ka qenë princi për 15 vitet e fundit”, ka thënë Pele për “La Vanguardia .

“Nuk mund ta quaj mbreti, sepse ka vetëm një mbret. Besoj se Alfredo Di Stefano ka qenë lojtari më i kompletuar argjentinas. Ai ka qenë më i kompletuar se Maradona dhe Messi. Unë jam i kënaqur për faktin se kam luajtur në epokën time, edhe pse është vërtetë se tani gjërat janë më të lehta. Lojtar si Di Stefano nuk janë aq të njohur sepse nuk ka shumë materiale filmike nga paraqitjet e bëra në atë kohë”, ka thënë Pele.