Policia e Kosovës po vazhdon luftën e saj kundër përdorimit të narkotikëve të ndryshëm. Në raportin e saj 24 orësh, Policia raporton se ka në Prizren, rreth orës 23:00 ka konfiskuar fiks 9e13 gram marihuanë.

Në raportin e Policisë, ky aktivitet është cilësuar si posedim i paautorizuar i narkotikëve.

“Raportohet se gjatë kontrollit në trup te i dyshuari mashkull K/Shqiptar është gjetur dhe konfiskuar substancë e dyshuar narkotike e llojit Marihuanë me peshë 9.13 gram”, thuhet në raport.

Me vendim të prokurorit, sipas Policisë, i dyshuari është liruar në procedurë të rregullt.

Jo pa fakte thuhet nga ekspertët e ndryshëm të doktrinës kriminale se nëse krimi ka depërtuar në nivelet më të larta të shtetit, atëherë shtetit i mungojnë mekanizmat e shëndoshë, subjekte të shëndosha që duhet ta luftojnë krimin e organizuar, sepse vetë është i korruptuar si shtet dhe natyrisht shteti nuk e lufton vetveten. Në këtë kontekst flitet për qeveritarët, organet e ndjekjes, prokuroritë, gjykatat, policinë etj.”, shprehet profesori Muhamet Kelmendi P ërderisa individë të caktuar nga organet e gjyqësisë dhe ato të prokurorisë vazhdojnë të flirtojnë me politikën, nuk ka shpresë, por as besim, se do të minimizohet shkalla e lartë e korrupsionit dhe krimit të organizuar në vend, por as që do të kemi ndonjë kthesë pozitive në këtë aspekt.

Praktika e deritanishme ka dëshmuar, ka qenë jo vetëm e lidhur fort me organet e drejtësisë porse shtrirja e saj ka qenë mbi tërë sistemin e drejtësisë, duke e kontrolluar dhe dirigjuar plotë- sisht atë. Por, a pritet të ketë ndonjë ndryshim për të mirë dhe t’u kthehet shpresa qytetarëve, sidomos me udhëheqjen e re të Prokurorisë së Shtetit që ta luftojnë korrupsionin edhe tek njerëzit e lartë të pushtetit, që deri më sot kanë qenë të paprekur sa i përket zbatimit të ligjit e Kushtetutës së vendit, si dhe sa është e nevojshme që edhe në Kosovë të formohet Byroja e Hetimit Kombëtar (BHK), si një sektor dhe departament i veçantë e i pavarur për hetimet që bën?

Deputeti nga Lëvizja “Vetëvendosje”, Rexhep Selimi, në një prononcim për gazetën “Kosova Sot”, thotë se asnjëherë nuk mund të luftohet korrupsioni nga të korruptuarit, e aq më tepër nëse korrupsion ka brenda vetë shtetit. Kësisoj, sipas tij, nëse ky zinxhir dhe ky trekëndësh vazhdon të jetë i korruptuar nuk mund të pritet që i njëjti të bëjë luftën kushtimisht kundër vetvetes, e aq më tepër kur vetë ata nuk janë rastë- sisht të korruptuar.

“Institucionet e Kosovës duhet të lirohen fillimisht nga kapja dhe korrupsioni e pastaj të fillojë lufta kundër tij dhe se krimi dhe korrupsioni në pushtet luftohen vetëm atëherë kur të ndërrojë ky pushtet, pra që të vijë një pushtet i cili ka vullnetin politik dhe dëshirën që ta luftojë korrupsionin”, shprehet Selimi.

Selimi: I korruptuari nuk e dënon veten

Nisur nga kjo, Selimi nënvizon se as që duhet pritur ndonjëherë që i korruptuari ta dënojë vetveten dhe të ndërgjegjësohet. Në këtë kuptim, sipas tij, nuk ka shpresë që i korruptuari ta luftojë korrupsionin e aq më tepër kur atë korrupsion e ka brenda vetvetes. Më tej Selimi, duke përmendur rastin e Shqipërisë, ku atje ka filluar Byroja hetimeve kombëtare, një iniciativë ose nismë që ka ardhur nga një presion i bashkësisë ndërkombëtare si parakusht që Shqipëria të marrë kandidaturën dhe të vazhdojë rrugën e saj drejt BE-së, gjë e cila nënkupton edhe një herë se Shqipëria është shumë më afër BEsë sesa Kosova./kosova sot/

F shati Randobravë shtrihet në magjistralen Priren -Gjakovë në kilometrin e 15-të. Ka mbi 2500 banorë dhe shumica e tyre, për shkak të kushteve të pasluftës, kanë marrë rrugën e kurbetit, por ata që janë këtu punojnë fort për të siguruar kafshatën e gojës. Gjatë luftës së lavdishme të UÇK-së në altarin e lirisë ranë 22 dëshmorë. shkruan sot Gazeta Kosova Sot

Për luftën flet kryetari i fshatit, Hazër Shala, dhe kujton betejën e lavdishme të Qëndresës.

“Tani bëhen 17-vjetori i Betejës së lavdishme të Qëndresës, ku ranë 22 dëshmorë të lirisë, që ishin dhe do të mbeten bebëza syri, për ditët që po gëzojmë. Jemi në këtë vend për të përgëzuar bazamentin e lapidarit, që do t’i përkushtohet 22 Dëshmorëve të Kombit, emrin e të cilëve e mban shkolla jonë”, tha Shala, duke shtuar se në Qëndresë lindën edhe celulat e para të UÇKsë në krye me Nait Hasanin.

Edhe me helikopterë për të thyer rezistencën “Gjaku i 22 dëshmorëve në Qëndresë ishte vetë fryma e lirisë, para 17 vjetëve, kur këtu buçima e këtyre trimave u bë vetë liria kësaj toke dhe u bë tmerri i forcave okupatore. Si çdo luftë, edhe kjo e fundit pati betejat dhe dëshmorët e vet. Njëra nga këto beteja është edhe beteja e Qëndresës, e cila bëri kthesë historike dhe i dha kuptim të ri luftës sonë çlirimtare. Këtu njësitet e UÇK-së sulmohen edhe nga helikopteri edhe nga vendqëndrimi i forcave në Landovicë, por këtu ishte lufta e madhe e lirisë. Këta djem ishin më të vendosur se kurrë, të respektonin ata që kishin në krahë dhe në ballë emblemën e Ushtrisë Çlirimtare të Kosovës”, tha Haziri.

Kurse për masakrat e asaj dite flet Samedin Hoxha.

“Unë u detyrova të ik me familjen për në Nagavc dhe u detyruam të jemi të strehuar, derisa baba im mbeti në shtëpi. Pikërisht sot 17 vjet më parë, forcat policore kishin hyrë dhe e kishin marrë babanë tim dhe e kanë dërguar në “përroin e keq” dhe aty pas torturave e kanë masakruar. Kur e kemi gjetur s’ka pasur asnjë pjesë të fytyrës që nuk e kishte të prerë me thikë. Masakrimi i babës edhe sot më kujtohet”, thotë Samedini, duke shtuar se babai i tij atë kohë ishte 73 vjeç dhe me shikim dhe dëgjim të dobësuar. Po atë ditë në fshat ishin masakruar 19 banorë të tjerë të fshatit.

Banorët thonë se e meritojnë ambulancën Tani banorët pas kaq vitesh jetojnë me kujtimet për ato ditë të vështira, por krenare, derisa po përballen me problemet e përditshme jetësore. Ata thonë se fshatit i mungon një ambulancë, që është nevojë imediate. Kjo çështje është ngritur më herët edhe nga kuvendarja Sehare Maliqi. Fshati është fshat agrar dhe ka mbi 2500 banorë. Banorët thonë se e meritojnë ta kenë një ambulancë, pasi ka plot fshatra që kanë më pak banorë e kanë ambulanca. Nga ana tjetër, zyrtarët komunalë thonë se nuk ka gjasa për një ambulancë të re. Drejtori i Shëndetësisë, Zyber Rizanaj, tha se në bazë të projekteve për ndërtimin ambulancave nuk e lejon ligji, por meqë atje ka shumë banorë, do të shohin edhe një mundësi shtesë.

Personi i cili mbet i vrarë sot në fshatin Xërxë të Rahovecit, mësohet se është 50-vjeçari Nuredin Kastrati.

Kastrati ishte pronar i kompanisë së autobusëve “Mendit”, raporton Indeksonline.

Policia e Kosovës dyshon se vrasja është kryer nga shtetasi T.Z, pronar i kompanisë “Jupa”, i cili po ashtu merret transport udhëtarësh.

Të dhënat e para të Policisë rajonale të Rahovecit bëjnë të ditur se Nuredin Kastrati ishte nga një fshat i Rahovecit dhe jetonte në Prizren.

Ende nuk dihen motivet e kësaj vrasje, por policia ka deklaruar se në këtë rast kanë qenë të përfshirë dy vetura të cilat e kanë përcjell njëra-tjetrën.

Në fshatin Xërxë në Komunën e Rahovecit, është vrarë pronari i kompanisë së autobusëve “Mendi”, Nuredin Kastrati. I dyshuari për vrasjen e tij, T.Z, është arrestuar nga Policia e Kosovës.

Gazeta Express ka marrë konfirmimin nga Policia dhe ka siguruar video dhe foto ekskluzive.

Komandanti i Stacionit të Policisë në Rahovec, Osman Ismajli, ka thënë se i dyshuari ndodhet në stationin policor.