Motra e Elvis Pistës, Beatrisa Pista përmes një postimi në rrjetin social “Facebook”, ka shkruar se a do vjen dita se kur do të shoh policinë duke arrestuat vrasësit e Elvis Pistës.

“A do vjen ajo dite kur do ta shoh policinë tone duke arrestuar vrasësit e Elvis Pistës?’, ka shkruar Beatrisa Pista.

Deputeti i Nismës për Kosovën, Zafir Berisha, ka reaguar pas arrestimit të deputetit të Lëvizjes Vetëvendosje, Albin Kurti. Berisha nëpërmjet rrjetit social facebook, ka deklaruar se forma e arrestimit të Kurtit dhe kundërshtarëve që siç shprehet ai “Zajednicës”, tregon fytyrën e vërtet të këtij pushteti.

Berisha ka thënë se përdorimi i aparatit shtetëror për shtypjen e zërit, i cili e kundërshton kthimin e Serbisë në Kosovë nuk do të jetë rezultat.

Më poshtë postimi i plotë i Berishës:

Forma e arrestimit të Albinit dhe kundërshtarëve të ,,Zajednicës,, tregon fytyrën e vërtetë të këtij pushteti, i cili për mbrojtjen e interesave të grupeve parapolitike të bandave që i rrethojnë këta lider të shitur, i ngjanë regjimit diktatorial të Putinit.
Përdorimi i aparatit shtetëror për shtypjen e zërit i cili e kundërshton kthimin e Serbisë në Kosovë s’do të jep rezultat, ashtu sikur nuk kanë dhënë edhe shumë regjime tjera, siç ishte edhe ai i Rrahman Morinës e i Milloshevicit.
Populli është sovrani i këtij vendi, prandaj udhëheqësit që përdorin dhunë dihet si kanë përfunduar, edhe këta maskarenj fundin do ta kenë të tillë. ISA DHE HASHIM na arrestoni të gjithëve, por dijeni mirë se nuk do të lejojmë që Serbin ta ktheni ne Kosovë.

Festa e 28 Nëntorit është shënuar me aktivitete të ndryshme edhe në Prizren. Kryetari i Prizrenit, Ramadan Muja ka vizituar varrezat e dëshmorëve në Landovicë.

“Populli shqiptar me shumë sakrifica ndër shekuj ka pasur në gjirin e vet njerëz të mëdhenj të kombit, të cilët në momentet më të vështira fal mençurisë dhe guximit të tyre si dhe përkrahjes popullore, realizuan aspiratat kombëtare për atë që sot po e gëzojmë të gjithë ne dhe po respektohemi nga e mbarë bota”, tha Muja.

Pjesë e këtij aktiviteti ishin edhe pjesëtarët e Njësisë së Deminimit të FSK-së në Prizren, me ç’rast kapiteni i kësaj njësie, Sejdi Krasniqi, tha se “sot është një ditë e veçantë për të gjithë shqiptarët, të cilët sot me krenari kujtojnë ata që u sakrifikuan për aspiratat popullore”. /TVPZ/

Kryetari i Lëvizjes Vetëvendosjes Visar Ymeri ka deklaruar se sot në ditën më të shenjtë janë mbledhur shqiptarë nga të gjitha trojet shqiptare.
Sipas Ymerit, 28 Nëntori është i Ismail Qemalit, Adem Jasharit dhe Ushtrisë Çlirimtare të Kosovës.

Ymeri tha se pushteti i Isa Mustafës dhe Hashim Thaçit po na copëton sërish.

“Pushtetit po na e sjell Serbinë Kosovës dhe po ia falë territore Malit të Zi”, tha Ymeri.

Por sipas tij opozita janë të vendosur dhe marrin frymë në nëntorin e gjallë ndërsa pushteti sheh ëndrra me nëntorin e vdekur.

“Republika jonë do të jetë republikë për bashkimin e jo e republikës”, tha Ymeri.

Ai u tha protestuesve të mbledhur në sheshin “Zahir Pajaziti” se ju jeni ata që do ta parandalojnë Asociacionin e Komunave Serbe dhe marrëveshjen për Demarkacionin.

Ramush Haradinaj në fjalimin e tij në manifestimin e opozitës, e ka cituar poetin e madh Ali Podrimja “Kosova është gjaku im që nuk falet”.
Kryetari i Aleancës për Ardhmërinë e Kosovës, Ramush Haradinaj ka deklaruar se pushteti i ka detyruar të dalin në rrugë sepse po dëshiron të bëjë zot shpie Serbinë në Kosovë.

“Pushteti na ka detyruar të dalim në rrugë sepse po dëshiron të bëjë zot shpie Serbinë në Kosovë. Kosovën e kemi çliruar së bashku ne me aleatët, Kosova është e të gjithë komuniteteve që jetojnë në Kosovë por nuk është e Serbisë”, ka thënë ai.

Fjalimi i Ramush Haradinajt

Shqiptarë kudo ku jemi, urime Dita e Flamurit. Dita e Pavarësisë dhe e Lirisë. Shqiptar e krenar, trim e bujar, i dijshëm e i vyeshëm. Mik, liridashës dhe i respektuar.

Me 28 Nëntor, nëpër shekuj i kemi thirrë vetëdijes sonë për fatin tonë si komb. Përjetësisht mirënjohje sakrificës së bashkëkombasve tanë për liri.

“Kosova është gjaku im që nuk falet” – ka thënë Ali Podrimja.

Ne jemi evropianë dhe e nderojmë mikun e përjetshëm- Amerikën.

Pse Kosova sot është “e përulur dhe e turpnume”, “e lodhur dhe ekonomikisht e dërmuar”. Një Kosovë me kaq shumë potenicale.

Pushteti na ka nxjerr në rrugë, se po don me e ba Serbinë zot’ Shpije n’Kosovë. Na ka detyru me përdor gaz, se po don me i falë tokë Malit t’ Zi. Ne i themi Jo, se Kosova asht’ Njo e s’bahet dy.

Pushteti po na burgosë e po na i thyen dyert veç me u pajtu me marrëveshjet e tij. Ne i themi Jo. S’kemi as tokë me falë e as nuk e kemi n’mend me e lanë Serbinë me u kthy.

Kosovën e kemi çliru bashk me ju e me aleatët. Bashk do ta mbrojmë.

Kosova është e qytetarëve të saj, e të gjithëve, edhe e serbëve të Kosovës, por jo e Serbisë. Ju kemi thirrë sot, për një shtet unitar e jo për një Kosovë copa-copa.

Jemi bashku sot kundër t’ligut e t’keqit. Ju themi atyre mos e rrezikoni shtetin me këto marrëveshje.

Kur e kemi nisë luftën, na kanë pas thanë se e kemi gabim. Por më vonë krejt bota demokratike ka qenë në anën tonë. Bashkë do të jemi prap.

Të dashur bashkëqytetarë,

Sot, këtu jemi për shtet.

Sot u themi Jo marrëveshjeve. Marrëveshjet nuk kalojnë!

Kryetari i Nismës për Kosovën, Fatmir Limaj iu ka drejtuar mijëra të pranishmëve në manifestimin e opozitës së bashkuar, duke thënë se kërkesat e opozitës janë që të anulohen marrëveshjet dhe nëse nuk anulohen, atëherë janë edhe dy kërkesa tjera të dërgohen në referendum ose të shkojmë në zgjedhje të reja
“Bashkimi ynë nuk është drejtuar kundër askujt por është në mbrojtje të interesave të vendit tonë. Bashkimi ynë ka një objektivë mbrojtjen e territorit dhe pavarësisë së Kosovës”, ka thënë ai.

Limaj ftojë qeverisë që të dëgjojë zërin e qytetarëve të Kosovës.

“Po i tregojmë atyre që kanë pas dilema dhe mendojnë se Kosova është në gjumë por jo nuk është në gjumë. Isë dhe Hashim asnjëherë nuk mund ta ndani popullin e Kosovës me këto dy marrëveshje. Dëgjoni zërin e qytetarëve sepse ju e dini se ata që nuk dëgjojnë zërin e qytetarëve se si përfundojnë”, ka thënë ai.