Dy persona janë arrestuar në rrugën “Bekim Sylka” në Rahovec, pasi që të njëjtit kanë sulmuar fizikisht një person tjetër duke i shkaktuar lëndime të rënda trupore.
“Janë arrestuar dy meshkuj K/Shqiptar pasi që të njëjtit kanë sulmuar fizikisht një mashkull K/Shqiptar. Viktima ka pësuar lëndime të rënda trupore dhe është dërguar në QKUK”, njofton Policia.
“Të dyshuarit pas intervistës me vendim të prokurorit dërgohen në mbajtje”. /PrizrenPress.com/
Policia e Kosovës ka arrestuar një person në fshatin Zym të Dragashit për vrasje të mbetur në tentativë.
“Është arrestuar një mashkull K/Shqiptar për dyshim lidhur me rastin vrasje ne tentativë”, njofton Policia.
“Me vendim të prokurorit i dyshuari pas intervistës është dërguar në mbajtje”./PrizrenPress.com/
Me ftesë të Gjykatës Kushtetuese të Turqisë, një delegacion i Gjykatës Kushtetuese të Kosovës, i prirë nga kryetari i Gjykatës, Enver Hasani ka udhëtuar për në Ankara.
Kryetari Hasani dhe delegacioni i Gjykatës Kushtetuese të Kosovës janë ftuar për të marrë në simpoziumin ndërkombëtar me temë: “Vlerësimi i aktgjykimeve në parashtresat individuale – sfidat dhe mjetet juridike”, i cili do të mbahet në kryeqytetin turk, më 27 dhe 28 prill 2015.
Simpoziumi organizohet me rastin e kremtimit të përvjetorit të 53-të të themelimit të Gjykatës Kushtetuese të Turqisë.
Gjatë vizitës në Ankara, kryetari Hasani do të takohet edhe me kryetarin e Gjykatës Kushtetuese të Turqisë, Zuhtu Arslan.
Ish-modelja Kelly Bensimon gjithmonë ka treguar guxim në veshjet e saj.
Ajo është fotografuar dje në Nju Jork me nje veshje krejtësisht transparente ku mund të shihje pa vështirësi gjoksin e saj.
46-vjeçarja dukej në një formë shumë të mirë.
Në pazarin e vjetër të Krujës, zejtaria po zëvendësohet me ofertën e lirë kineze, që prodhon në seri suvenire të Skënderbeut, veshje popullore apo filxhanë me portrete të Enver Hoxhës, Berishës dhe Ramës.
Sadete Kurti sapo ka nisur endjen në tezgjah të një qilimi tradicional të zonës- një punë e lodhshme dhe me pak leverdi për klientelën e rrallë të dyqanit të saj në pazarin e vjetër të Krujës. Qilimi tre metra i gjerë dhe katër i gjatë do t’i kushtojë 1 muaj punë dhe është shitur paraprakisht për 20 mijë lekë.
“Vetëm të huajt janë të interesuar për qilimat e mi. Punoj me porosi,” thotë Sadete Kurti për BIRN.
Gruaja rreth të 50-ave e ka mësuar zanatin fare e re, në ndërmarrjen artistike të Krujës bashkë me shumë vajza të zonës. Por në pazarin e Derexhikut, ajo është ndër të pakëtat gra që e ushtron ende artizanatin.
Sadete Kurti thotë se vazhdon të punojë në tezgjah, pasi nuk ka asnjë mundësi tjetër punësimi. “Këtë dyqan e kam marrë me qira sa për të siguruar një rrogë gruaje,” thotë ajo, e kërrusur mbi makinerinë e lartë.
Endja në tezgjah është një zeje në zhdukje në Krujë, edhe pse janë të rralla shtëpitë që nuk kanë një vegël artizanale. Të njëjtin fat kanë pësuar edhe zejet e tjera.
Para viteve ’90, rreth pesë mijë krutanë ishin të punësuar në ndërmarrjet e zejtarisë në qytet. Ndërsa sot në Krujë, me zor gjen zanatçinj për punimin e bakrit, gurit, drurit apo qeramikës.
Pazari i vjetër i Krujës ose siç thirret nga vendasit, pazari i Derexhikut shtrihet në të dy anët e rrugës së vjetër me kalldrëm, që të çon për në kalanë e Skënderbeut. Dyqanet e njëtrajtshme dhe çatitë me tjegulla të vjetra i japin këtij pazari një hijeshi të veçantë.
Në ditët e sotme kanë mbijetuar rreth 80 dyqane, që shesin antikuare, punime artizanale dhe lloj-lloj xhinglash të prodhimeve në seri.Dokumentet tregojnë se pazari i vjetër është ndërtuar rreth 400 vjet më parë dhe në të kishte 150 dyqane, që nisnin nga hyrja e kalasë e deri tek Hani i Picorrit, aty ku ndodhet Bashkia e Krujës.
Pazari i vjetër rrudhet nga viti në vit, por mbetet ende artieria kryesore e Krujës, që furnizon qytetin me turistë të huaj dhe të ardhura për banorët.
Megjithatë, shumica e objekteve që mbushin dyqanet janë të prodhuara në Kinë.
Mallrat kineze janë shndërruar në shqetësimin kryesor për Sanije Sallakun, e cila për të përballuar konkurrencën, gjysmën e hapësirës së dyqanit të saj e ka mbushur me objekte të tilla.
Në dyqanin e saj gjenden me bollëk suvenire me portretin e Skënderbeut apo të shenjtit Shna Ndou, veshje popullore e deri tek gotat e çajit me fotografi të Enver Hoxhës, Sali Berishës dhe Edi Ramës-të gjitha “Made in China”.
Tregtarët tregojnë se një suvenir i Skënderbeut blihet për 800 lekë në Kinë dhe shitet në pazarin e Derexhikut për 20 euro. Të njëjtin çmim kanë edhe suveniret e shenjtit apo panoramat në qeramikë të Kalasë së Krujës.
Portretet e Enver Hoxhës, Berishës apo Edi Ramës prodhohen për shumë më pak para në Kinë.
Zhdukja e zejtarëve është zëvendësuar me ofertën e lirë kineze, por tregtarët e Krujës thonë se kjo është e vetmja mënyrë për t’i mbijetuar tregut dhe taksave të larta.
Çdo tregtar i pazarit të Krujës paguan 150 mijë lekë taksa në vit.
Kryetari i Shoqatës së Artizanëve, Esat Toga thotë për BIRN se askush nuk ka vëmendjen e duhur për ta ruajtur këtë trashëgimi, me të cilën dikur mbante frymë gjallë dhe krenohej Kruja.
“Para viteve ‘90, treçereku i këtij qyteti jetonte me zanatet, ndërsa sot nuk gjen njeri qoftë edhe për të punuar në qeramikë,” thotë ai.
“Të rinjtë janë të painteresuar, pasi zejtaria nuk vlerësohet. Vëmendja e shtetit është thuajse zero,” shton Toga për BIRN.
Kryetari i Shoqatës së Artizanëve kërkon prej vitesh ndihmë për të krijuar ndërmarrje të vogla zejtarësh, por nuk ka gjetur asnjë mbështetje nga Bashkia.
“Jemi përpjekur që të gjejmë një mënyrë për t’i prodhuar këtu objektet, në mënyrë që tregtarët të mos shkojnë në Kinë. Por nuk kemi gjetur asnjë bashkëpunim,” thotë Toga.
Tregtarët ankohen se Bashkia e Krujës e sheh këtë pazar vetëm si burim taksash, ndërsa mungojnë projektet për të ruajtur këtë trashëgimi si dhe për të mbajtur gjallë artizanatin në qytet.
“Përmes këtij pazari, duhej të ruhej dhe trashëgohej ajo traditë e vjetër e krutanëve. Për fat të keq, nuk po ndodh kështu,” përfundon Esat Toga./BIRN/
Aktorja Eva Alikaj e cila mbahet mend për rolin e “Elsës” në “Pallati 176”, në një intervistë të dhënë për Panoramën, ka folur për karrierën e saj kinematografike dhe skenat e censuruara në filmat e saj.
Alikaj rrëfen se shpesh ka qenë kundër seknave të puthjeve në filma megjithëse regjizorët ia kanë kërkuar shumë herë.
Madje ajo ka rrezikuar edhe pezullimin për shkak të kokëfortësisë së saj.
“Më thanë që në një film duhet të puthesha me Ndriçim Xhepën i cili në atë kohë ishte edhe partneri im në jetë. Refuzova. Nuk është se kisha komplekse por ashtu e ndjeja”, rrëfen Alikaj.
Duke folur për marrëdhënien me aktorin Ndriçim Xhepa Alikaj ka thënë se ai ka qenë dashuria e jetës së saj dhe megjithëse u ndanë ata realizuan disa filma të tjerë bashkë.
Megjithatë pas kaq shumë vitesh Alikaj mendon se puthjet e censuruara mund t’i kishin bërë edhe më të bukur këta filma.
Prokuroria e Pogradecit përfundon hetimet dhe dërgon për gjykim shtetasin Spartak Tupe, ish-drejtorin e filialit të një banke të nivelit të dytë, i akuzuar për « vjedhje të bankave dhe arkave të kursimit» me pasoja të rënda.
Nga hetimi ka rezultuar se nëpërmjet veprimeve antiligjore ka përvetësuar rreth 600 mijë euro nga llogaritë e mbi 20 klientëve.
I pandehuri është hetuar me masën e sigurisë “arrest në burg” prej muajit tetor 2014 dhe hetimi ka nisur në bazë të materialit kallëzues të bankës në të cilën ushtronte funksionet ky shtetas.
Konkluzionet e prokurorise
Nga studimi dhe analiza e te gjitha provave te grumbulluara rezulton:
Nder llogarite e perfshira ne skemen e aplikuar nga ish – Drejtori i Bankës……..,Dega Pogradec, shtetasi S Tupe, eshte edhe llogaria bankare e klientit B.B.
Ne deklarimet e tij te dates 02.07.2014, shtetasi B.B shpjegon se “ne muajin Nentor 2013 kam çelur nje depozite me afat 12 mujor … per shumen 2.500.000 leke. Depozitimin e kam kryer nepermjet dokumentit “derdhje cash”.
Nepermjet aktit “proçesverbal per sekuestrimin e proves materiale”, te dates 16.05.2014, prane Banka ……jane sekuestruar rregjistrime video te kryera nga sistemi i siguri / mbikeqyrjes qe operon prane “Banka ……”, Dega Pogradec, ku rezulton e rregjistruar paraqitje prane kesaj dege banke e shtetasi B.B. dhe kryerja e veprimeve bankare per te cilat ai deklaron.
Llogaria e klientit eshte debituar ne shumat respektivisht 1’000’000 dhe 685’000 Leke, dhe te dy keto xhirrime jane kryer drejt llogarise se klientit I.P.
Debitimi i llogarise se klientit B.B eshte ndare ne 2 pjese dhe nje gje e tille eshte bere per te evituar nevojen per autorizim nga nje punonjes i dyte ne degen e bankes, pasi shuma maksimale e lejueshme nga sistemi pa nevoje autorizimi per xhirrimet e brendshme eshte 1’000’000 Leke.
Keto veprime jane rregjistruar ne sistemin kompjuterik qe operon “Banka ……”, nga perdoruesi S. Tupe, por nuk permbajne nenshkrimin e klientit.
Nepermjet ketyre dy veprimeve eshte realizuar rikthimi i vlerave te pervetesuar me pare nga llogaria e klientit I.P. Shuma prej 1’685’000 Leke, e pervetesuar nga klienti B.B eshte ricikluar brenda skemes per te mbuluar gjurmet, dhe per te fshehur pervetesimin e meparshem ndaj klientit I.P
Referuar dokumentacionit te levizjeve te llogarise rezulton se nepermjet veprimit bankar “xhirrim i brendshem”, te dates 13.12.2013, llogaria e klientit B.B eshte debituar per shumen 95’000 Leke, shume e cila ka kaluar ne favor te llogarise qe i perket klientes M.O.
Ky veprim eshte kryer dhe rregjistruar ne sistem nga perdoruesi S Tupe, por mandati i veprimit nuk eshte printuar. Nepermjet ktij veprimi eshte realizuar rikthimi i vlerave te pervetesuar me pare nga llogaria e klientes M.O. Shuma prej 95’000 Leke, e pervetesuar nga klientja B.B eshte ricikluar brenda skemes per te mbuluar gjurmet, dhe per te fshehur pervetesimin e meparshem ndaj klientes Mimoza Osmani.
Prane “Banka ……”, Dega Pogradec, me cilesine e proves materiale eshte sekuestruar edhe dokumenti “mandat i veprimit bankar “xhirrim i brendshem””, date 13.12.2013. Nepermjet ketij veprimi llogaria e klientit B.B eshte debituar ne shumen 400’000 Leke, shume e cila ka kaluar ne favor te llogarise qe i perket klientit E.T. Ky veprim eshte rregjistruar ne sistemin kompjuterik qe operon “Banka ……”, nga perdoruesi S. Tupe, por nuk permban nenshkrimin e klientit.
Referuar dokumentacionit te levizjeve te llogarise te klientit B.B rezulton se nepermjet veprimit bankar “xhirrim i brendshem”, date 17.12.2013, llogaria e shtetasit B.B eshte debituar per shumen 72’000 Leke, shume e cila ka kaluar ne favor te llogarise te klientit E.T.
Ne lidhje me kete veprim bankar shtetesi B.B shpjegon se shtetasin E.T “nuk e njoh dhe rrjedhimisht nuk kam asnje lloj marrdhenie”, duke theksuar se “pasi e studjoj me qetesi mandatin e veprimit bankar “xhirrim i brendshem”, date 17.12.2013, konfirmoj se nenshkrimi nen emrin tim tek ky dokument nuk eshte lene nga ana ime”.
Nepermjet aktit “vendim per caktimin e ekspertit”, te dates 10.07.2014, eshte urdheruar kryerja e Ekspertimit Grafik Krahasues te dokumentit “mandat i veprimit bankar “xhirrim i brendshem””, date 17.12.2013. Referuar aktit te ekspertimit grafik nr.8020, date 25.07.2014, rezulton se “nenshkrimi ne emer te B.B”, vendosur nen rekuiziten “nenshkrimi i klientit”, ne dokumentin objekt “xhirrim i brendshem”, me date 17.12.2013, nuk eshte nenshkrimi i B.B …”. Pra provohet se nenshkrimi i klientit eshte i fallsifikuar.
Ne sistemin kompjuterik qe operon “Banka ……”, veprimi bankar “xhirrim i brendshem”, date 17.12.2013, eshte kryer dhe rregjistruar nga perdoruesi S. Tupe.
Referuar dokumentacionit te levizjeve te llogarise te klientit B.B, rezulton se nepermjet veprimit bankar “xhirrim i brendshem”, te dates 26.12.2013, llogaria e klientit B.B eshte debituar per shumen 240’000 Leke, shume e cila ka kaluar ne favor te llogarise te klientit E.T. Ky veprim eshte kryer dhe rregjistruar ne sistem nga perdoruesi S Tupe, por mandati i veprimit nuk eshte printuar.
Nepermjet veprimeve bankare “xhirrim i brendshem”, date 13.12.2013; dhe atij te dates 26.12.2013, provohet se ish – Drejtori i “Banka ……”, Dega Pogradec, shtetasi S. Tupe, ka realizuar pervetesimin e shumave respektive 400’000, 72’000 dhe 240’000 Leke nga llogaria e klientit B.B ne perfitim te klientit E.T.
Me të njëjtën skemë, rezulton provuar se ish-drejtori i Banka….ka vepruar edhe me llogaritë bankare të rreth 20 personave të tjerë
Nderkohe, po shqyrtohen edhe të tjera, për të cilat po vijohet me grumbullimin e provave.
Nga analiza e provave te grumbulluara edhe per keto episode provohet se nga ana e ish – Drejtorit te “Banka ……”, Dega Pogradec, shtetasi Spartak Tupe, jane kryer veprime te kundraligjshme, sikurse parashtrohet edhe ne kallzimin e bankës./Oranews/
Jeta e aktores legjendare Marilyn Monroe është e mbushur plot me mistere që edhe sot nuk janë zbardhur plotësisht.
Por një fotograf ka zbuluar disa foto të aktores e cila shfaqet gjysëm nudo për kopertinën e një reviste.
Asnjë prej fotove nuk u publikua pasi Monroe nuk dëshironte që të shfaqeshin në publik ato foto dhe u vendosi një kryq sipër.
Por fotogari Bern Stern ka vendosur të hapë një ekspozitë me këto foto.
Ato do të jenë të hapura për publikun deri në 20 qershor në Nju Jork.
Këngëtarja Adelina Tahiri ka ardhur sot shumë seksi në klipin “Bone sikur ndasem” bashkë me grupin Etnon
Adelina Tahiri ka ardhur shumë “hot” në klipin “Bone sikur ndasem”.
Këngatarja paraqitet gjysmëlakuriqe derisa kënga ku ajo këndon refrenin “Bone sikur ndasem”, po merr gjithnjë e më shumë komente pozitive nëpër adhurues të shumtë të grupit Etnon por edhe të Adelina Tahirit.
Klinika e Onkologjisë Mjekësore, e njohur në opinion si Instituti i Onkologjisë, tregon se rastet e reja me kancer janë të njëjta sikur në tremujoret e para të dy viteve të kaluara.
Në një komunikatë për media, ky Institut thotë se për tre muajt e parë të këtij viti Onkologjia ka ofruar 21.752 shërbime shëndetësore dhe se ka pranuar 190 raste të reja me kancer.
“190 raste të reja që janë lajmëruar në këtë institucion shëndetësor, prej tyre janë 52 tumore të gjirit, 35 tumore të sistemit respirator, 32 tumore të traktit gastroendestinal, 39 tumore të traktit urogjenital dhe tumoret gjinekologjike, 32 tumore të sistemeve te tjera… Gjatë kësaj periudhe, janë ofruar 18.985 shërbime të kimioterapisë, kurse ka pasur 3667 seanca të radioterapisë”, thuhet në këtë komunikatë.
Në komunikatë theksohet se shërbimi i kimioterapisë në fillim të vitit është karakterizuar me mungesa të mëdha të citostatikëve, por se përmirësimi ka filluar në fillimin e muajit shkurt. Në muajin prill ky furnizim mbulon mbi 85-90 për qind të nevojave të pacientëve, krahasuar me buxhetin që ka në dispozicion ky shërbim.
Onkologjia sqaron po ashtu në këtë komunikatë se nuk ka listë të pritjes për kimioterapi, përderisa për radioterapi ekziston lista e planifikimit të rasteve.
“Pas paraqitjes së rastit, pacienti më së largu fillon rrezatimet pas tre jave që është sukses edhe për vendet me shëndetësi më të zhvilluar”, thuhet më tutje në komunikatë.