Lideri i NISMA-s, Fatmir Limaj, në një konferencë për media, është shprehur se kjo seancë është e paligjshme.
“Sonte janë duke u mbajtur takime të stilit të Zanzi Bari-it”, njofton Klan Kosova.
“Parlamenti është ky që është, institucionet janë këto që janë e salla është ku duhet të jetë”.
“Largimi në mënyrë ilegale, rrethimi dhe mosnjoftimi i deputetëve ne nuk e njohim ndryshe përpos takimit në mes të dy strukturave partiake”
“Me këto veprime qeveria ka rënë”.
Deputeti i AAK-së, Ramush Haradinaj, në një konferencë për media, ka deklaruar se pozita sonte ka treguar se çfarë janë të gatshëm të bëjnë.
“Është një improvizim i bërë prej deputetëve të dy partive. Këta mund të shkojnë edhe në ndonjë kafiteri, por seanca ka përfunduar. Kjo tregon se deri ku mund të shkojnë këto procese”, ka thënë ai.
Kryetari i Lëvizjes Vetëvendosje Visar Ymeri, ka thënë se kjo çka po bën Kuvendi nuk është në asnjë mënyre seancë.
“Kjo nuk është seancë është takim ilegal i këtyre strukturave”, ka thënë Ymeri para gazetarëve.
“Atje ata janë të rrethuar, dhe nuk e kanë njoftuar opozitën për këtë veprim”.
“Në këtë drejtim ne mbajmë përgjegjës kryetarin e Kuvendit që po tenton të bëj kësi lloj kontrabandimi, duke e shndërruar Kuvendin në një Kuvend të PDK-së e LDK-së dhe bëhen se kishe po marrin vendime për vendin”.
(E plotësuar) Ka përfunduar seanca e jashtëzakonshme e pozitës, e mbajtur pa praninë e partive opozitare e cila është mbajtur nën masa të rrepta të sigurisë në një sallë tjetër e jo në atë të seancave.
Arsyeja e zhvendosjes së seancës ka qenë pikërisht moslejimi i vazhdueshëm i opozitës për mbajtjen e seancave.
Në këtë seancë janë miratuar me shumicës votash të gjitha ligjet e parapara në rendin e ditës për seancën e sotme.
Pas përfundimit të seancës, deputetët e pozitës kanë dalë menjëherë nga ndërtesa e Kuvendit.
Situatë e jashtëzakonshme: Seanca vazhdon në byfenë e parlamentit (Foto)
Deputetët e pozitës e kanë improvizuar një sallë në byfenë e Kuvendit për ta mbajtur seancën.
Më shumë se gjysma e deputetëve kanë hyrë tashmë në këtë sallë të improvizuar, ndërkohë që asnjë gazetar apo kamerë nuk është lejuar të depërtojë në atë pjesë.
Shefi i deputetëve të PDK’së, Adem Grabovci ka deklaruar që kjo seancë patjetër do të mbahet./Express
Ish-kryetari i Kuvendit të Kosovës, Jakup Krasniqi ka reaguar përmes një statusi në facebook, për ngjarjet që po zhvillohen në e sontme të Kuvendit.
Ai ka thënë se kjo gjendje nuk mund të shpjegohet me teori të parlamentarizmit, por vetëm me filozofinë e popullit i cili thotë “Mos ia jep budallës shtagën, se ai ta mëshon”.
Sipas Krasniqit, tashmë zgjidhja e këtij problemi është vetëm në duart e qytetarëve të Kosovës.
Ky është postimi i plotë i Krasniqit:
SI SPJEGOHET KJO GJENDJE
Ndoshta kjo gjendje e krijuar sot në Kuvend nuk mund të kuptohet me asnjë teori te parlamentarizmit te krijuar nga teoricienët e demokracisë e të politikës nder shekuj.
Kjo gjerolldi e natës së sotme, mund të shpjegohet vetëm me filozofinë e popullit tonë, i cili thotë: “Mos ia jep budallës shtagën, se ai ta mëshon”! Populli ynë, po shihet se kujt “ia kanë dhënë shtagën”. Ua kanë dhënë shtagën njerëzve që me çdo mjet, donë ta rikthejnë Serbinë në Kosovë përmes “Zajednicës”, por në ketë mision të ri te Kryeministrit dhe vartësve të tij, me këmbëngulësi po i kundërvihet opozita e bashkuar e cila po përpiqet që më çdo kusht ta mbroj sovranitetin e vendit tonë – Republikës së Kosovës.
Pas këtyre veprimeve te krerëve të koalicionit e sidomos ish komunistit Mustafa, këtij vendi këta njerëz nuk kanë vullnet politik t’i ofroj zgjidhje politike te krizës politike e institucionale. Ndërsa këta njerëz pa fije përgjegjësie e kanë kënaqësinë të bisedojnë me qeveritarët serbë të cilët kanë qenë në shërbim të politikës që ka ushtruar krim e gjenocid në Kosovë, ndërsa nuk janë të gatshëm të ulen e të bisedojnë me opozitën shqiptare në Kosovë?!
ZGJIDHJA E KËTIJ PROBLEMI TANI ËSHTË VETËM NË DUART E QYTETARËVE TE KOSOVËS!
Policia e Kosovës ka dalë me versionin e vet të zhvillimit të ngjarjeve sot në dhe përreth Kuvendit.
Komunikata e plotë
Informacion i Policisë së Kosovës lidhur me veprimet policore te Kuvendi i Republikës së Kosovës
Ora: 16: 00
Policia e Kosovës, si institucion i zbatimit të ligjit, lidhur me seancën e Kuvendit të Republikës së Kosovës, si dhe bazuar në vendimin e mëhershëm të kryesisë së Kuvendit të Republikës së Kosovës, ka bërë planifikimet e nevojshme policore, duke ndërmarrë masat e nevojshme ligjore për ofrimin e sigurisë dhe ushtrimin e kontrollit, bazuar në procedurat e parapara ligjore dhe rregulloren e Kuvendit të Republikës së Kosovës.
Ende pa filluar seanca e Kuvendit të Kosovës e cila ishte e paralajmëruar të filloj në ora 16:00, në hapësirën e Kuvendit, në korridor pranë zyrës së Krye parlamentarit, nga një deputet është hedhur një mjet i dyshuar i cili dyshohet se është gaz lotsjellës.
Zyrtarët policor kanë arrit të identifikojnë deputetin që dyshohet për hedhjen e mjetit të dyshuar, dhe menjëherë kanë reaguar duke larguar mjetin e dyshuar nga ambienti i Kuvendit të Kosovës.
Po ashtu, pas hyrjes së deputetëve në sallën e Kuvendit të Kosovës, në momentin e përgatitjes së fillimit të seancës, përsëri nga një deputet është hedhur një mjet i dyshuar i cili po ashtu dyshohet se është gaz lotsjellës.
Ndërsa, sa i përket rrethanave dhe situatës së krijuar në sallën e Kuvendit të RKS-së, ku është hedhur mjeti i dyshuar, Policia e Kosovës në konsultim dhe koordinim me prokurorin kompetent në dy lokacionet do të ndërmarrë të gjitha veprimet e nevojshme ligjore për hetimin dhe verifikimin e mjetit të dyshuar.
Bazuar në kompetencat dhe autorizimet ligjore që ka Policia e Kosovës, janë kryer të gjitha veprimet ligjore të kontrollit, duke përfshirë edhe ndaj të gjitha personaliteteve dhe nuk është hasur në asnjë element apo mjet të dyshuar, mirëpo mbetet të verifikohen të gjitha elementet se si është futur mjeti i dyshuar brenda në Kuvend , sepse mjeti plastik mund të mos jetë detektuar.
Policia e Kosovës është duke ndërmarrë veprimet e saja hetimore drejt zbulimit se si është futur mjeti i dyshuar në sallën e Kuvendit të Kosovës, dhe kohën se kur ka mund të jetë futur ky mjet i dyshuar.
Njëkohësisht gjatë kohës së zhvillimeve brenda në Kuvendin e Kosovës, një grup prej rreth 150-200 personave kanë qëndruar jashtë rrethojave të Kuvendit duke protestuar, ku disa prej tyre kanë hedhur disa mjete piroteknike dhe boca me ngjyrë të përcjella me tym dhe zjarr.
Njësitet relevante policore kanë vepruar duke ndërmarrë masat e nevojshme policore, për parandalimin hedhjeve të tilla dhe për të ofruar siguri pranë objektit të Kuvendit të Republikës së Kosovës.
Më pastaj pas një kohe të qëndrimit para Kuvendit, protestuesit kanë filluar të shpërndahen dhe numri i protestuesve është zvogëluar gradualisht.
ORA 20:00
Ndërsa disa minuta para orës 20:00, në kohën kur pritej të ri-fillonte seanca e Kuvendit të Kosovës e cila ishte shtyrë për këtë kohë, protestuesit sërish janë kthyer para Kuvendit të Kosovës dhe të njëjtit kanë filluar të hedhin mjete të ndryshme drejt objektit të Kuvendit, duke përfshirë mjete piroteknike, fishekzjarre dhe boca me ngjyrë e tym, duke përfshirë edhe boca me zjarr.
Kurse në rrugën “Agim Ramadani” afër mensës së studenteve disa persona të dyshuar kanë vendosur në rrugë disa goma të automjeteve të cilat kanë tentuar të ju vejnë zjarrin me qëllim të bllokimit të tërësishëm të rrugës, mirëpo është bllokuar vetëm njëra korsi e rrugës.
Protestuesit të cilët kanë qenë para Kuvendit të Kosovës, kanë vazhduar me qëndrimin e tyre duke protestuar dhe në vazhdimësi duke hedhur mjete të ndryshme drejt objektit të Kuvendit të Kosovës, pasi që seanca e Kuvendit ishte shtyrë sërish.
Edhe në këtë rast njësitet relevante policore kanë vepruar duke ndërmarrë masat e nevojshme policore, ku me prezencën e tyre kanë parandaluar bllokimin e rrugës dhe djegien e gomave të cilat ishin të lyera me lëndë djegëse, dhe pas përfundimit të vend shikimit të vendit të ngjarjes nga njësitë policore ato janë larguar dhe qarkullimi i automjeteve ka filluar të lëviz pa pengesa.
Ora 23:30
Me vendim të Kryesisë së Kuvendit të Kosovës, bazuar në Rregulloren e Kuvendit të Kosovës është kërkuar hyrja e personelit të sigurimit në seancën e Kuvendit të Kosovës, të cilët konform autorizimeve ligjore kanë formuar kordon sigurie brenda në seancë.
Gjatë kohës sa seanca kishte filluar, jashtë objektit të Kuvendit protestuesit kishin filluar të shfaqin
dhunë duke hedhur mjete të ndryshme dhe koktej mollotovi drejt objektit të Kuvendit duke rrezikuar jetën e zyrtarëve policor dhe me këtë rast njësitet relevante policore janë detyruar të përdorin gaz lotsjellës për shpërndarje të turmës.
Vlen të potencohet se deri në këtë moment nuk ka ndonjë deputet të arrestuar e as të lënduar.
Policia e Kosovës të gjitha veprimet e mëtutjeshme do ti ndërmarrë konform autorizimeve ligjore, konform vlerësimit të situatës dhe konform vendimit të prokurorit kompetent, thotë raporti nga Policia.
Kryetari i Kuvendit të Kosovës, Kadri Veseli, nëpërmjet një postimi në Facebook ka kërkuar falje për fjalët e thëna sonte në seancën e Kuvendit.
Ai e ka fyer me fjalë banale deputeten Albulena Haxhiu pasi që kjo iu kishte drejtuar me fjalët “Ti je kriminel”. Veseli ia kishte kthyer “Ma hangsh…”.
“Në Seancën plenare të mbajtur sonte, në një moment gjatë përpjekjeve për të qetësuar situatën e krijuar jam shprehur në mënyrë joadekuate, shprehje me të cilën mund të preken nënat dhe motrat tona. Dëshiroj t’ju kërkoj falje atyre nga thellësia e zemrës, duke filluar nga nëna ime, bashkëshortja ime dhe të gjitha nënave dhe motrave të Kosovës sonë”, ka shkruar Veseli në Facebook.
Fatmir Limaj ka deklaruar se kjo fotografi që patëm sot tregon se në cfarë gjendje ka ardh vendi, dhe në cfarë gjendje ka ardh koalicioni qeverisës.
“Këta duhet me kuptu që këtu ka krizë politike, duke e shtyer seancëën e duke e mbajtur atë deri në 24:00 tëe natës.
Këta po mundohen të tregojnë forcën përmes policisë. Por unë iu bëjë apel Policisë, mos bëheni instrument politikë i këtyre njërzve, mos interferoni veprime politike, këtu duhet zgjidhje politke, jo policore” ka deklaruar Limaj.
Për mua kjo Qeveri sonte ka ra, duhet të shkohet në dorëheqje dhe në zgjedhje ka përfunduar Limaj.
Derisa kryetari i Kuvendit, Kadri Veseli po tentonte të udhëhiqte seancën e Kuvendit, përkatësisht në momentin që dha një pauzë, një deputete, me gjasë e opozitës i është drejtuar atij me “kriminel…”.
Si përgjigje, kryekuvendari Veseli ia ka kthyer asaj: “Ma hanksh…”.
Se për çfarë e kishte fjalën Veseli nuk mund të kuptohej sepse në atë moment edhe është ndalë mikrofonin.
“Largohu nga ai vend, së bashku me horrat e tu”, i ka thënë Ramush Haradinaj, Kadri Veselit.