Dafina Zeqiri ka treguar gjithmonë performanca të zjarrta në skenat ku ajo ka kënduar.
Kësaj here pjesë e performancës së saj është bërë edhe një fanse me fat e cila ka kërcyer dhe ka kënduar sëbashku me Dafinën me të cilën ka shkëmbyer lëvizje në skenën e clubit të natës.
Dafina me një look ekstravagant, flokë të shkurtra, me një veshje lëkure të zezë është shfaqur si gjithmonë në superformë.
Ish- kryetari i Komunës së Malishevës, dhe tani kryetar i Degës së PDK-së në Malishevë, Isni Kilaj është ai i cili ka nxitur që të digjet libri i Veton Surroit, “Këmbët e Gjarprit”. Kështu kanë bërë burime të Gazetës Blic. Sipas këtyre burimeve, aktin e djegies e ka kryer një asamblist i PDK-së së bashku me veteranë të luftës së Ushtrisë Çlirimtare të Kosovës të nxitur nga Isni Kilaj.
“Në djegien e librit të Veton Surroit pos veteranëve të UCK-së që e përkrahin PDK-në, ka pasur edhe veteranë që e mbështesin Nismën për Kosovën, e cila në zgjedhjet lokale ka fituar në Malishevë. Mirëpo, djegia e librit është nxitur nga Isni Kilaj”, ka thënë ky burim i Gazetës Blic.
Ndryshe, në librin e Veton Surroit “Këmbët e Gjarprit”, në disa raste përmendet edhe Malisheva.
Të hënën një grup i veteranëve të ish-Ushtrisë Çlirimtare të Kosovës (UÇK) nga Komuna e Malishevës, rreth orës 11:00, në parkun e këtij qyteti, e kanë djegur librin e publicistit Veton Surroi, “Këmbët e Gjarprit”.
Bekim Hoti, një veteran i UÇK-së, aktualisht anëtar i Kuvendit Komunal të Malishevës nga radhët e PDK-së, i ka shpjeguar motivet për këtë akt. Duke i dhënë në vazhdimësi mbiemrit Surroi mbaresën “viq” dhe duke e etiketuar atë si antikombëtar e me emra të tjerë fyes, Hoti ka thënë se djegia e librit është më e pakta gjë që mund të bëhet kundër tij.
Muajin e kaluar e njëjta organizatë pati djegur librin edhe në Ferizaj, akt ky që pati ngjallur reagime të shumta dhe qe cilësuar si vandalizëm.
Autori i librit, Veton Surroi, ka reaguar edhe sot duke shkruar në Facebook: “Më 11 gusht në sheshin Adem Jashari të Malishevës një grup personash që e quajnë veten luftëtarë (të OVL UÇK) dogjën librin
“Këmbët e Gjarprit” me arsyetim se është një “” dhe se është I drejtuar”kundër vlerave kombëtare”.
Në korrik , në sheshin Al-Ouruba të qytetit Mosul në Irak , një grup personash që e quajnë veten luftëtarë (të ISIS) dogjën me dhjetëra libra të marra nga biblioteka publike dhe libraritë private me arsyetimin se “ janë libra që thërrasin për jomoralitet dhe ateizëm”. Gazeta Blic
Forumi Transparenca gjatë muajt korrik ka mbajtur dy debate në të cilat janë trajtuar tema e transparencës dhe ai i mërgatës. Përfaqësuesja e Forumit, Elmedina Baxhaku tregon se gjatë muajit korrik, ky forum ka pasur një angazhim sa i përket organizimit dhe zhvillimit të aktiviteteve.
“Gjatë muajit korrik 2014, Forumi Transparenca ka mbajtur dy debate “Ballafaqim” dhe atë më 03.07.2014 debati me temë Transparenca në qeverisjen lokale të Prizrenit”, tregon ajo.
“Tematikat që u trajtuan gjatë debatit ishin: Transparenca dhe llogaridhënia, informimi publik dhe konsultimi si dhe qasja në dokumente publike”.
“Fokusi i debatit është përfshirë për sa i përket hapjes së takimeve të kryetarit me drejtorët komunal, rëndësisë së përfshirjes së qytetarëve në vendimmarrje, mungesës së materialeve bazë në ueb faqen e komunës, publikimit të procesverbaleve nga kuvendi, raportet të punës së kuvendit, përgjigjet e vonuara ndaj kërkesave të OJQ-ve dhe mediave për qasje në dokumente publike, etj”.
“Debati i dytë për këtë muaj kishte për temë trajtimin e mërgatës. Gjatë debatit u trajtuan çështjet që lidhen me administratën komunale në shërbimet karshi mërgatës, riatdhesimin, sigurimin e pronave të qytetarëve që jetojnë jashtë vendit dhe të ngjashme”.
“Më 14 korrik, është lëshuar një komunikatë për media me titull “Ramadan Muja i vetmi kryetar i mbyllur në Kosovë” komunikatë kjo si ri-kërkesë mbi hapjen e vendimmarrjes në Prizren, e ku pas një jave, gjegjësisht më 22.07.2014 kryetari Muja ka marr vendim mbi hapjen e takimeve të tija me bordin (vetëm mbledhjet e bordit)/PrizrenPress.com/
(E plotësuar) Gjykata themelore e Prishtinës ka caktuar 48 ore arresti për 40 të arrestuarit e djeshëm. Ndërsa vendimi për këta pritet që të merret nesër ose pas nesër.
Kështu u tha pas përfundimit të seancës së parë dëgjimore, ku avokatët e të dyshuarve thonë se të pandehurit janë deklaruar si të pafajshëm e ndërsa 4 ose 5 prej tyre, kanë pranuar që kanë marrë pjesë në ushtrinë çlirimtare të Sirisë, ushtri kjo e cila sipas tyre nuk konsiderohet si ushtri terroriste.
Sipas tyre, të gjitha ndodhitë e djeshme dhe të sotshme janë vetëm spektakël në të cilën nuk u gjet asnjë provë e cila fajëson të pandehurit.
Avokati Besnik Berisha, tha se gjatë seancës u vërtetuan mangësitë e kërkesës.
“Prokuroria më në fund pranoi se nuk ka mundur të siguroj material të mjaftueshëm për të mbështetur pretendimet e tyre për të pandehurit”, ka thënë Berisha, raporton RTK.
KosovaPress, ka parë nga afër se në këto momente të gjithë të pandehurit janë duke u dërguar për në qendrat e paraburgimit.
Sot nuk ka vendim
Sot nuk do të ketë vendim për dyzet të arrestuarit e djeshëm të cilët janë të dyshuar për vepra penale, organizim dhe pjesëmarrje në grup terrorist.
Kështu ka deklaruar, Hamdi Ibrahimi, Kryetar i Gjykatës Themelore, i cili para se të fillonte seanca e parë dëgjimore tha se për shkak të numrit të madh të të dyshuarve, kjo seancë mund të zgjasë deri në orët e vona dhe se për këtë arsye, sot nuk do të ketë vendim.
“Sot nuk ka shans të merret venim, për faktin se numri i personave të pandehur është shumë i madh”.
“Vendimi i Gjykatës është për ta filluar seancën sot, por nuk është obligim i Gjykatës me marrë vendime sot. Është Gjykata ajo që vlerëson. Varësisht prej seancës, varësisht prej asaj çka gjendet në shkresa të lëndës prej provave, vendoset, por nuk vendoset sot. Kështu që, mos pritni vendim sot”.
Ai tha se brenda në seancë do të kenë mundësi të marrin pjesë vetëm disa familjarë, madje siç pohoi ai gazetarët mund të hyjnë brenda por pa mjete të xhirimit dhe se asnjë fotografi e personave të dyshuar sipas tij nuk guxon të dalë nesër.
Se është ndër bukuritë e rralla të Kosovës, kjo nuk do diskutim. Por ky monument natyror është edhe ndër atraksionet turistike më të vizituara në vend. E kjo është Shpella e Gadimës, por që fatkeqësisht për disa kohë ishte e mbyllur për vizitorë si pasojë e uzurpimit nga persona të pa ndërgjegjshëm.
Mbikëqyrësi i kësaj shpelle, Valon Zymeri ka deklaruar për KultPlus se shpella tash e 79 ditë është hapur për vizitorë.
“Shpella e Gadimes ka filluar punën zyrtarisht me 26 maj 2014 që i bie 79 ditë pune deri me sot. Kjo shpellë deri më sot ka pasur 11.500 vizitorë. Ndryshimet e Shpellës nga viti i kaluar janë se vitin e kaluar por edhe vitet e mbas luftës Shpella e Gadimes ka qenë e uzurpuar nga persona të pandërgjegjshëm, ndërsa nga ky vit menaxhohet nga Ministria e Mjedisit dhe e Planifikimit Hapësinor – AMMK dhe se tashmë të gjitha të hyrat shkojnë në buxhetin e Kosovës, kurse në të kaluarën kanë shkuar në dorën e uzurpatorit. Kjo është e mira e gjithë kësaj” tha Zymeri.
Lidhur me çmimet e biletave hyrëse, Valoni tha se për të rritur nga mosha mbi 15 vjeç kushton 2euro. Për fëmijë nga mosha 7 vjeç deri në moshën 15 vjeç 1 euro kurse për grupe të organizuara – studentë, nxënës bileta kushton 0.50 cent. Ndërsa për personat me aftësi të kufizuara dhe fëmijët nën moshën 6 vjeçare hyrja është falas.
“Ndryshimet nga banorët e Gadimes janë mirëpritur pasi që këto para shkojnë në buxhet të Kosovës dhe jo në duar të uzurpatorit, siç ka ndodhur më parë. Investime të reja në Shpellën e Gadimes do të ndodhin shumë shpejt. Jemi në negociata me Ambasadën Franceze, të cilët janë të interesuar që së pari të investojnë në rrjetin elektrik sepse ky rrjet është i vjetër që nga viti 1974 ! Kemi dhe investitorë të interesuar për bashkëpunime”, tregoi Zymeri.
Shpella e Gadimes gjendet në fshatin më të njëjtin emër në afërsi të Lipjanit. Ajo është e gjatë 1500 metra mirëpo për turistët është i mundshëm shikimi i vetëm 1300 metrave të para të shpellës, pasi që për pjesën tjetër të shpellës ende nuk janë të mundshme kalimet. Në Shpellë janë kati i mesëm që është për vizitorë , kati nënujor dhe kati i sipërm. Gjatë verës temperatura në brendi të shpellës është konstante 13 gradë celsius dhe gjatë dimrit 11-13 gradë.
Shpella e Gadimes është zbuluar nga një fshatar me emrin Ahmet Asllani i cili në oborrin e shtëpisë së vet gjatë punimit (thyerjes) së gurëve për ndërtimin e shtëpisë kishte hasur në një gropë të vogël në të cilën ka vërejtur disa pjesë të mermerta dhe ka lajmëruar organet kompetente në Lipjan.
Për datën në të cilën janë futur në aktet zyrtare këto shënime nuk dihet. Personat të interesuar për brendinë e shpellës dhe që si duket kanë provuar të hynë aty, kanë lajmëruar se edhe brendia e saj është po aq e bukur sikurse ajo që shohin turistët dhe ndoshta edhe më e bukur. Në shpellë si duket ka edhe disa dukuri tjera natyrore siç është liqeni madhësia e të cilit mund të jetë 15 deri 25 metra. Në këtë shpellë gjenden kristale të rralla ndërsa çdo centimetër i këtyre kristaleve rritet për 30,000 vjet dhe në bazë të kësaj është llogaritur se shpella është e vjetër rreth 80,000 vjet. Në shpellë gjenden shumë simbole të formuara nga këta kristale mes të cilave veçohen figurat në formë peshku, mjekra e Skënderbeut, gjarpri, Romeo e Zhuljeta etj./KultPlus.com
Një ngasës i veturës godet dy femra këmbësore në Rr. “Rilindja Kombëtare” në Malishevë, duke iu shkaktuar lëndime të rënda trupore. Siç raporton policia, i dyshuari është arrestuar dhe me vendim të prokurorit është dërguar në mbajtje.
“I dyshuari mashkull K/Shqiptar derisa ishte duke drejtuar veturën e tij nga pakujdesia ka goditur dy viktimat femra K/Shqiptare (këmbësore) duke iu shkaktuar lëndime të rënda trupore”.
“Dy viktimat janë dërguar në QKUK-së për trajtim mjekësor ndërsa i dyshuari është arrestuar dhe me vendim të prokurorit është dërguar në mbajtje”. /PrizrenPress.com/
Gazeta Zëri ka siguruar edhe emrat e xhihadistëve nga Kosova të cilët kanë qenë pjesë e luftës së Sirisë dhe Irakut.
Të arrestuarit për vepra penale të terrorizmit janë:
Leutrim I. Raifi, 23-vjeçar me banim në Fushë Kosovë,
Armir A. Vuniqi, 23-vjeçar me banim në Lipjan,
Shaban R. Dumani, 52-vjeçar, nga fshati Miradi e Ulët e Fushë Kosovës,
Hadi I. Nura, 26-vjeçar, nga lagjja “Dardania” në Prishtinë,
Burim E. Konjuhi, 30-vjeçar, nga Prugovci i Prishtinës,
Kujtim A. Bllaca, 28-vjeçar, nga Ribari i Madh i Lipjanit,
Albert Berisha, 27-vjeçar, nga Prishtina,
Visar I. Kadriu, 29-vjeçar, nga Prishtina,
Egzon J. Latifi, 20-vjeçar, nga Gjilani,
Fatos I. Rexhepi, 36-vjeçar, nga fshati Ramjan i Vitisë,
Hajdin E. Elezi, 43-vjeçar, nga fshati Smirë i Vitisë,
Blerim Z. Syla, 22-vjeçar, nga fshati Debëllde i Vitisë,
Haviz M. Ahmeti, 20-vjeçar, nga Gjilani,
Kenan R. Rushiti, 25-vjeçar, nga Lubizhdi i Vitisë,
Irfan I. Haqifi, 20-vjeçar, nga Gjilani,
Bekim V. Halili, 37-vjeçar, nga Tankosiqi i Ferizajt,
Fitim D. Dema, 27-vjeçar, nga fshati Bob i Kaqanikut,
Zejadin H. Berisha, 30-vjeçar, nga Goranci i Hanit të Elezit,
Agron Lika, 32-vjeçar, nga fshati Strazhë i Kaçanikut,
Emri R. Bushi, 36-vjeçar, nga Hani i Elezit,
Fisnik R. Bushi, 31-vjeçar, nga Ferizaj,
Besim A. Shabani, 32-vjeçar, nga Shkupi por me banim në Ferizaj,
Adil Bushi, 26-vjeçar, nga Hani i Elezit,
Muxhahid Braha, 25-vjeçar, nga Hani i Elezit,
Jetmir Bushi, 24-vjeçar, nga Hani i Elezit,
Ilir Momqillo, 24-vjeçar, nga fshati Sllakovë i Gjilanit,
Samidin M. Halimi, 40-vjeçar, nga Dragashi,
boshnjaku Fikret J. Krco, 32-vjeçar,
Ibrahim Rashiti, 37-vjeçar, nga Opoja e Dragashit,
Mentor Bellaqa, 29-vjeçar, nga Prizreni,
Kujtim V. Bytyqi, 32-vjeçar, nga Shkoza e Malishevës,
Besim U. Lajqi, 35-vjeçar, nga Peja,
Betim R. Ibrahimaj, 26-vjeçar, nga Zhakova e Istogut,
Muhamed A. Hajrizaj, 52-vjeçar, nga Strellci i Deçanit,
Berat F. Këpuska, 26-vjeçar, nga Gjakova,
Arsim R. Istrefi, 36-vjeçar, nga Bajgora e Mitrovicës,
Sadat Kaqiku, 39-vjeçar, nga Shipoli i Mitrovicës,
Vehbi S. Gërgjaliu, 31-vjeçar, nga Studimja e Poshtme e Vushtrrisë,
Jeton A. Hajdini, 39-vjeçar, nga Kqiqi i Madh i Mitrovicës
Skender Syla, 33-vjeçar, nga Mitovica.
Në fshatin Shirokë të Suharekës, raportohet se është arrestuar një mashkull shqiptar, shtetas i Maqedonisë.
Ai ka kanosur një femër dhe një mashkull K/Shqiptar.
I dyshuari pas intervistës me vendim të prokurorit dërgohet në mbajtje. /PrizrenPress.com/
Institucionet e Kosovës kanë hartuar planin për transferimin e 760 serbëve të veriut nga institucionet paralele në institucionet e Kosovës. Këta serbë kanë punuar si pjesë e Mbrojtjes Civile që është strukturë paraushtarake e Serbisë.
Por meqenëse Kosova nuk ka strukturë të ngjashme sigurie, atëherë këta serbë të cilët janë komanduar nga kryetarët e komunave ilegale serbe në veri, do të punësohen si gardianë burgjesh, zjarrfikës, roje të kishave serbe dhe institucione tjera.
Anëtari i delegacionit kosovar në bisedimet me Serbinë, Fisnik Rexhepi, ka treguar për Top Channel se në vjeshtën e këtij viti kur të rifillojnë bisedimet do të finalizohet në Bruksel plani për shkrirjen Mbrojtjes Civile në institucionet legale të Kosovës.
Por sipas tij, pjesëtarët e Mbrojtjes Civile do të verifikohen për të kaluarën e tyre para se të punësohen në institucionet kosovare.
“Fillimisht Qeveria e Serbisë është e obliguar që të nxjerrë venim zyrtar për shpërbërje dhe për ndalim të operimit të tyre në territorin e Republikës së Kosovës. Ekziston një numër prej rreth 760 personave të cilët janë pjesë e Mbrojtjes Civile. Ne i kemi planet tona se sa prej tyre mund t’i absorbojmë, ndërsa për pjesën tjerët të mbetur po i diskutojmë disa modalitete me Bashkimin Evropian dhe me partnerë tjerë ndërkombëtarë”, ka thënë Rexhepi.
Analisti për politikat e sigurisë në Ballkan, Naim Rashiti ka thënë për Top Channel se pjesëtarët e Mbrojtjes Civile të serbëve në veri janë përdorur nga viti 2011 nga kryetarët e komunave paralele serbe për të penguar integrimin e veriut.
Sipas tij, rreth 160 prej atyre serbëve nga një verifikim që u është bërë kanë rezultuar se nuk janë fare në regjistrin civil të Kosovës por vijnë nga “Republika Srpska” e Bosnjes.
“Është struktura më sensitive, çështja më sensitive në raport me shtetin sepse është një strukturë paraushtarake dhe nuk është Mbrojtje Civile. Duhet pasur kujdes mirë me verifikimin e tyre, me të kaluarën e tyre, me pastrimin e listave të tyre, ri-trajnimin e tyre dhe në veçanti që ti kërkohet sa më shumë Beogradit dhe ti bëhet presion që jo vetëm për këtë strukturë por për çdo institucion serb të ndërpritet financimi përmes ndryshimit të legjislacionit në Serbi”, ka vlerësuar ai.
Pavarësisht kostos politike dhe financiare që ka transferimi i këtyre pjesëtarëve të Mbrojtjes Civile serbe në institucionet e Kosovës, Rashiti mendon se Qeveria e Kosovës duhet ta përfundoje përfshirjen e tyre sa më parë për t’i hapur rrugë integrimit sa më të shpejtë të veriut.
Yunzhi Xiao mund të ndihet njeriu më fatlum në botë. Për shkak se ai ka shpëtuar i gjallë edhe pse i është ngul në kokë një thikë nga një lartësi dukshëm e madhe.
Ai ishte duke ecur pranë një ndërtese kur thika rrëshqiti nga ballkoni i katit të tetë dhe ra direkt në kokën e Xiaos.
Xiao tha se kishte ndjerë peshë shumë të rëndë para se kalimtarët ta shihnin se ai kishte gjakderdhje.
“Më ka dhembur shumë”, Xiao tha nga spitali. “Bërtita tepër ‘Koka! Koka ime më dhemb!’ Por nuk e dija se çka ka ndodhur”.
Disa orë pas incidentit, doktorët ishin në gjendje ta largonin thikën nga koka e tij.
Policia ka thënë që thika ka rënë për shkak të frymës.
E, Xiao mund të falënderohet që tash është në gjendje stabile.