Thellohet përçarja e degës së LDK-së në Prizren. Njëri ndër iniciatorët për thirrjen e Kuvendit të Jashtëzakonshëm, Fatmir Mema, bën të ditur se ka bërë një ftesë për takimin e strukturave të LDK-së më 22 mars në Prizren.

Në këtë takim do të sqarohet marrëveshja që është arritur ndërmjet këtij grupi dhe strukturave të larta të LDK-së në qendër. Memaj thotë se ajo marrëveshje ka devijuar, ndërsa takimi i thirrur në mes të nënshkruesve të kërkesës për Kuvend të Jashtëzakonshëm të degës së LDK-së së Prizrenit dhe Haki Rugovës, Anton Çunit e Naser Osmanit të cilët janë ngarkuar nga kryesia qendrore dhe kryetari Isa Mustafa, është i domosdoshëm.

Kësaj thirrje nëpërmjet një komunikate i është kundërvënë zyra për informim e LDK-së, ku i është bërë ftesë anëtarësisë së këtij subjekti që ta bojkotojnë këtë takim, pasi ai është i paligjshëm.

“E sqarojmë opinionin publik, kryetarët e nëndegëve, anëtarët dhe simpatizantët e LDK-së në Prizren, se kjo ftesë është ilegale dhe nuk ka miratimin nga kryetari dhe kryesia e LDK-së, Dega në Prizren”, thuhet në komunikatë.

Përndryshe, në Prizren kjo situatë është krijuar, pas humbjes së zgjedhjeve lokale nga kandidati Eqrem Kryeziu.

Sipas Fatmir Memës, një grup iniciuesish, kanë mbledhur nënshkrimet e 55 delegatëve nga 101 sa ka dega e LDK-së së Prizrenit, që sipas statutit kuvendi mund të thirret me vetëm 1/3-tën e votave. Ndërkaq, nga 45 nëndegë sa ka ky subjekt politik në Prizren, 33 prej tyre kanë kërkuar dorëheqjen e kreut të degës Eqrem Kryeziu. Deri të shtunën ngelet të shihet se a do të mbahet ky takim në mes të pakënaqurve të LDK-së së Prizrenit dhe ekipit të kryesisë qendrore.

Partia Konservatore e Kosovës(PK) kërkon që Ramadan Muja të japë dorëheqje nga posti i kryetarit të Prizrenit.

Kryetari i PK-së, Munir Basha tha se subjekti i tij politik ndan brengën e qytetarëve të Prizrenit për dilentatizmin politik të Ramadan Mujës dhe garniturës së tij politike.

“Partia Konservatore e Kosovës ndan brengën dhe shqetësimet e qytetarëve të Prizrenit dhe të shoqërisë civile për deklarimet e kryetarit të dënuar të Prizrenit për shpërdorimin e detyrës zyrtare, se ai nuk do ofrojë dorëheqjen e tij dhe se do të vazhdojë të mbajë postin e kryetarit të Prizrenit pa marrë parasysh faktin se ai është shpallur fajtor”, tha Basha.

“Në një shoqëri demokratike është e zakonshme që të ofrohet dorëheqja kur ngrihet aktakuza për shpërdorimin e detyrës zyrtare kundër një personit që mban një post të rëndësishëm publik apo udhëheqës edhe para se të shpallet fajtor”.

“Ndërsa në këtë rast është e paimagjinueshme, e pamoralshme dhe e pakuptueshme se si një kryetar i një qyteti që është zgjedhur me votën e lirë, edhe pas shpalljes si fajtor nga gjykata kompetente vazhdon të qëndrojë dhe ta mbaj postin e tij në Prizren”.

“Me këtë dëshmohet se krimi i organizuar ka kapluar të gjitha instancat e qeverisjes lokale në Prizren dhe se udhëheqësit komunal nuk mërziten për ligjshmëri dhe përforcimin e qeverisjes lokale, por vetëm se si të vazhdojnë që qëndrojnë në poste udhëheqëse për tu pasuruar edhe më tej, duke sfiduar edhe gjyqësorin”.

“Kjo tregon që demokracia nuk ka filluar ende të funksionoj në Kosovë pasi që qeveritarët mendojnë se ata janë të paprekshëm edhe nëse shpallen fajtor. Me këtë luajnë me fatin dhe i përqeshin qytetarët e Kosovës, sovranin e vetëm që vendos se kush duhet të udhëheq me fatin e tyre”.

“Partia Konservatore e Kosovës nuk është vetëm për largimin e Ramadan Mujës nga posti i tij, por edhe kundër riciklimit të politikanëve të njëjtë që nuk kanë sjellë asgjë të dobishme për Prizrenin”.
“Partia Konservatore e Kosovës është për ndryshime politike dhe për vendosjen e një qeverisjeje të ndershme demokratike ku ka për synim interesat dhe mirëqenien e qytetarit”.

“Partia Konservatore e Kosovës angazhohet për forcimin e institucioneve shtetërore demokratike, për përforcimin e shtetit ligjor duke i respektuar vendimet e gjyqësorit dhe proceset gjyqësore pa ndërhyrje politike nga jashtë, për një shtet ku secili qytetar ndihet i barabartë me të tjerët, ku ka ndarje të qartë në mes të ekzekutivit, legjislativit dhe gjyqësorit”/PrizrenPress.com/

Nisma Për Kosovën thotë se miratimi i statuteve të komunave veriore është në kundërshtim me Kushtetutën dhe ligjin për komunat.

Sipas kësaj partie, ashtu siç e kanë konstatuar përfaqësuesit e Ministrisë së Pushtetit Lokal të cilët kanë monitoruar këtë proces, se këto statute janë në kundërshtim më ligjin e vetëqeverisjes lokale.

“NISMA për Kosovën shprehet e brengosur për heshtjen e autoriteteve qeveritare.
NISMA për Kosovën kërkon nga Qeveria e Kosovës që në mënyrë urgjente të marrë masa në kthimin e kushtetutshmërisë dhe të ligjshmërisë në këto katër komuna.

Është për tu habitur që Kryeministri apo zyrtarët tjerë nuk kanë dalur ende më një qëndrim të qartë për këto veprime që konfrontohen me interesat e vendit.

NISMA për Kosovën kërkon nga Kryeministri i Qeverisë së Kosovës që të veprojë menjëherë konform obligimeve që ka në funksion të mbrojtjës së kushtetutës dhe ligjeve të vendit”, thuhet në komunikatën e kësaj partie.

Edhe Lëvizja Vetëvendosje! ka përkrahur protestën e organizuar për largimin e Ramadan Mujës nga posti i kryetarit të Prizrenit.
“Ne jemi , si Vetëvendosje, në përkrahje të çdo nisme për largim nga pushteti të Ramdan Mujës, kryetarit tashmë të dënuar për korrupsion”, ka thënë për Express, Arber Rexhaj.

Ai ka thënë se si do ta përkrahin protestën dhe si do të organizohen, ende nuk e kanë vendosur, por plani po diskutohet në forumet e partisë dhe së shpejti do të dalin me një qëndrim zyrtar.

Deri tash këtë protestë e ka përkrahu LDK’ja, Bashkimi Demokrati-subjekti i Zafir Berishës edhe Vetëvendosja.

(E plotësuar)Gjashtë protestuesit e arrestuar në drekë, pas bllokimit nga mëngjesi të derës së kryetarit të Prizrenit, Ramadan Muja janë liruar nga arresti, rreth orës 17:00.
Togeri policor në stacionin “Alfa” Sejad Huskiq ka thënë se tre persona kanë arritur të ikin, ndërsa sjellja e policisë ndaj të arrestuarëve ka qenë konfrom rregullave të parapara dhe nuk është përdorur dhunë. Ai njoftoi se me këtë është lënduar një zyrtar policor.

Policia ka ndërhyrë për të arrestuar rreth orës 13:00, derisa ata qëndronin ulur, ndërsa pas mbajtjes në policia, ata janë dërguar Gjykatën Themelore, Divizioni për Kundërvajtje.

Policia konfirmon arrestimin e gjashtë protestuesve

Policia në Prizren, ka konfirmuar arrestimin e gjashtë protestuesve. Zëdhënësi i PK-së, Hazir Berisha tha se arrestimi i tyre është bërë pasi që ata nuk kanë pranuar të zhbllokojnë rrugën e “Shtëpisë së Bardhë”.

“Rreth orës 13:00, Policia e Prizrenit ka arrestuar 6 protestues të cilët nuk kanë pranuar të zhbllokojnë hyrjen e objektit komunal të cilën e kishin bllokuar qysh në orët e mëngjesit duke kundërshtuar kryetarin e komunës”, tha Berisha./PrizrenPress.com/

“Policia disa herë në vazhdimësi ka kërkuar që protestuesit të respektojnë rendin dhe ligjin edhe pse nuk kishin paralajmëruar protestën, janë lejuar të protestojnë, por jo ta mbyllin hyrjen e objektit komunal, ndërkaq për shkak se protestuesit nuk i kanë respektuar urdhëratë e peronave zyrtarë, është marrë veprim që të njëjtit të arrestohen ndërsa prokurori i shtetit ka urdhëruar që të gjithë të dërgohen në Gjykatën për Kundërvajtje në Prizren sipas procedurës së përshpejtuar”.

Arrestohen protestuesit

Policia e Kosovës ka arrestuar shumicën e protestuesve të grupit të qytetarëve aktivë “Për Prizrenin”, të cilët prej mëngjesit po mbanin të bllokuar hyrjen kryesore të Kuvendit Komunal të Prizrenit, duke kërkuar kështu dorëheqjen e kryetarit të dënuar për shpërdorim të detyrës zyrtare, Ramadan Muja,shkruan Koha.net

Tre pjesëmarrës të grupit të vogël të qytetarëve kanë arritur t’iu ikin nga duart policisë, ndërsa të tjerët janë në mbajtje.

Partia Zafir Berishës, Bashkimi Demokratik është edhe një subjekt më shumë në Prizren që përkrah protestën kundër Ramdan Mujës. “Protesta reagim i arsyeshëm qytetarë”, e cilëson kjo parti këtë protestë me ët cilën kërkohet dorëheqja e Mujës, pas shpalljes fajtorë për korrupsion.

“Bashkimi Demokratik protestën para ndërtesës së komunës e konsideron si një reagim të arsyeshëm qytetarë ndaj shkelësve të ligjit dhe krimit të organizuar”, thuhet në komunikatën e BD-së.

Bashkimi Demokratik si subjekt politik është i interesuar për respektimin e ligjit nga të gjithë zyrtarët, cilët do qofshin ata, “prandaj dënimi i Mujës & Company nga Gjykata është i drejtë, andaj kërkojmë dorëheqjen e tij për të mbrojtur identitetin e institucionit të kryetarit të Komunës”.

“Shkuarja në punë e të dënuarit Ramadan Muja jep një mesazh denigrues për shoqërinë dhe institucionet para miqve ndërkombëtarë, prandaj sa nuk është bërë vonë Muja &Company duhet të reflektojnë me dorëheqje për të krijuar hapësirë në krijimin e institucioneve nga njerëzit e përgjegjshëm dhe që respektojnë ligjin”. /PrizrenPress.com/