Jo veç një herë është përmendur se Kosova e Shqipëria do të shkëmbejnë libra pa tatim. Për herë të fundit këtë e ka bërë ministri i Financave i Shqipërisë, Shkëlqim Cani.
Të mërkurën, nëpër medie shqiptare, është shpërndarë një deklaratë e Canit, i cili ka theksuar që prej kësaj dite librat, revistat dhe periodikët e ndryshëm që transportohen nga Shqipëria në Kosovë do të jenë pa tatim,shkruan Koha Ditore.
Por, kjo punë, ka mbetur në gjysmë, pasi Qeveria e Kosovës nuk e ka kryer punën e saj. Botuesit e librarët kosovarë vazhdojnë të paguajnë 16 për qind TVSh kur importojnë libra, si nga Shqipëria, ashtu edhe nga vendet tjera. Kjo pasi nuk e ka rregulluar ende me letra heqjen e tatimit mbi librin që importohet nga Shqipëria