Komuna e Suharekës nuk do të shkojë në balotazh për të zgjedhur kryetarin e saj.
Kjo sipas rezultateve të Komisionit Qendror të Zgjedhjeve që kandidatin e Aleancës për Ardhmërinë e Kosovës, Bali Muharremajn e nxorën fitues me 52.2 përqind të votave, njofton Klan Kosova.
I dyti u rendit Ardian Shala nga LDK më 29.5 përqind, i pasuar nga Salih Zyba i VV-së me 9.42 përqind e Murtez Zekolli i PDK-së me 8.8 përqind të votave.
Kryetari Muharremaj tha për Klan Kosova se do të punojë shumë për të kthyer në vullnet këtë besim që i është dhënë.
Por kandidati i LDK-së, po thotë se pa zyrtarizimin e rezultateve, fitorja e Muharremajt mund të jetë në pikëpyetje.