Italia është shteti më i goditur nga koronavirusi i ri, COVID-19.
Nga raporti i fundit, i publikuar nga ministria e Shëndetësisë në Itali, vetëm sot kanë humbur jëtën 602 persona.
Theksojmë se ky numër është shpresëdhënës, pasi dy ditë më parë numri i viktimave theu cdo rekord me 700 viktima në 24 orë.
Në total numri i viktimave nga koronavirusi në shtetin fqinj ka shkuar në 6078. Ndërkohë të shëruarit e orëve të fundit janë 408.
I ngarkuari për emergjencat civile në Itali, Angelo Borrelli, bëri me dije se numri total i të shëruarve ka arritur në 7432, dhe rastet pozitive në total kanë shkuar 50418.
Prej tyre 26522 ndodhen në izolim shtëpie, 20692 të shtruar dhe 3204 në terapi intensive në gjendje të rëndë. /albeu.com/
