Kryetari i Komunës së Prizrenit, Shaqir Totaj, ka paraqitur sot publikisht raportin gjashtëmujor të punës së ekzekutivit për periudhën 1 janar – 30 qershor 2025.
Takimi u mbajt në sallën e Asamblesë Komunale.
“Në këtë takim të hapur ndava me qytetarët të arriturat tona për gjashtëmujorin e parë të vitit, të cilat janë rezultat i një pune të vazhdueshme dhe të përkushtuar në të gjithë sektorët”, theksoi Totaj, raporton PrizrenPress.
Ai shtoi se raporti i plotë së shpejti do të publikohet në platformat digjitale të Komunës për të qenë i qasshëm për të gjithë qytetarët.
“Ky raportim është pjesë e angazhimit për transparencë, llogaridhënie dhe ndërtim të besimit me qytetarët tanë. Jam i bindur se vetëm përmes komunikimit të drejtpërdrejtë dhe përfshirjes aktive të qytetarëve mund ta rrisim cilësinë e qeverisjes lokale”, tha ai.
Gjatë takimit, qytetarët patën mundësi të paraqesin kërkesa, sugjerime dhe komente, ndërsa kryetari Totaj i ftoi ata që të vazhdojnë të jenë pjesë aktive edhe në dëgjimet buxhetore që organizohen rregullisht.
“Faleminderit për pjesëmarrjen dhe mbështetjen tuaj të vazhdueshme”, përfundoi ai./PrizrenPress.com
Marketing
NISU – Çdo natë për Ulqin me Bashkimi Reisen nga 27 qershori!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/