Sahit F. Osmani
Trim mbas trimi 100 vjet
Çdo kohë nxjerr trimin e vet,
Randobrava zjarr i lirisë,
Nxjerr nji trim luftën m’e nisë!
Del ky trim ky djalë mentar
Mes Prishtinës flamurtar,
M’e marrë vesh o e gjithë bota
Se robni s’duron Kosova!
Trimi ynë kur kidnapohet
Kurrë nuk ulet nuk dor’zohet,
Nëpër krisma në stuhi
Rreze dritë za i ti‘!
I ngujuem nga Anmiku
Për atdhe shpresën s’e fiku,
Kah la gjurmët djal‘ i ri
Çelën lulet për liri!
Si e deshti Kosovën trime
Se ç’iu hodh në përqafime,
Ky luan zemër luani
Trim Kosove Nait Hasani!
