Një person në Dragash nga pakujdesia ka goditur me veturë dyert e një shtëpie në Dragash.
Sipas raportit të policisë, përveç dëmeve materiale, nuk raportohet për të lënduar.
“Raportohet se drejtuesi mashkull me veturë nga pakujdesia ka goditur dyert e shtëpisë së ankuesit. Përveç dëmeve materiale, nuk raportohet për të lënduar. Rasti është duke u hetuar”, thuhet tutje në raport.
“Janë arrestuar tre të dyshuar meshkuj kosovarë pasi që të njëjtit kanë kanosur dhe sulmuar viktimën femër kosovare. Pas intervistimit, me vendim të prokurorit, dy të dyshuar dërgohen në mbajtje ndërsa një lirohet në procedurë të rregullt”, thuhet tutje në raport.
Një femër kosovare është raportuar e zhdukur në Suharekë.
Sipas njoftimit nga Policia e Kosovës, viktima ka dalë nga shtëpia e saj dhe nuk dihet ende asgjë për vendndodhjen e saj.
Policia ka nisur hetimet për rastin dhe po punon për të sqaruar rrethanat e zhdukjes së saj.
Rezultatet preliminare të KQZ-së për zgjedhjet për Kuvendin e Kosovës tregojnë se KDTP në Mamushë ka një epërsi të votave krahasuar me subjektet tjera politike.
KQZ në platformën e saj ka raportuar se në Mamushë janë numëruar 40% të votave, ku KDTP ka marrë 64.47%, KATP ka marrë 20.32%, dhe LVV ka marrë 6.02%.
Vëzhguesit nga Demokracia në Veprim kanë bërë të ditur se zgjedhjet janë zhvilluar në frymë demokratike pa ndonjë parregullsi të theksuar.
Rezultatet preliminare të KQZ-së për zgjedhjet për Kuvendin e Kosovës tregojnë se Lëvizja Vetëvendosje në Dragash ka një epërsi të votave krahasuar me PDK-në dhe LDK-në.
KQZ në platformën e saj ka raportuar se në Dragash janë numëruar 98.21% të votave, ku LVV ka marrë 26.66%, PDK ka marrë 23.64%, dhe LDK ka marrë 23.27%.
Rezultatet preliminare të KQZ-së për zgjedhjet për Kuvendin e Kosovës tregojnë se Lëvizja Vetëvendosje në Suharekë është partia më e votuar në raport me subjektet tjera politike.
KQZ në platformën e saj ka raportuar se në Suharekë janë numëruar 97.70% të votave, ku LVV ka marrë 34.32%, LDK ka marrë 27.08%, AAK-Nisma ka marrë 18.43% të votave dhe PDK ka marrë 18.15%,
Vëzhguesit nga Demokracia në Veprim kanë bërë të ditur se zgjedhjet janë zhvilluar në frymë demokratike pa ndonjë parregullsi të theksuar.
Dy persona me inicialet F.D dhe F.D janë arrestuar të dielën rreth orës 18:00 për një rast “Kanosje dhe Sulm”, në Prizren.
Lajmin për Telegrafin e ka bërë të ditur zëdhënësi i Policisë së Kosovës për rajonin e Prizrenit, Shaqir Bytyqi.
Tutje siç tha ai të dyshuarit janë ndaluar për 48 orë në ndalim policor.
Siç merr vesh Telegrafi të arrestuar janë babë e bir, kryetar i partisë turke KDTP, Firim Damka dhe i biri i tij Fuat Damka.
Komisioni Qendror i Zgjedhjeve është duke vazhduar me procesin e numërimit të votave për subjektet politike.
Deri më tani janë numëruar 88.04% e votave në gjithë Kosovën, ku e para renditet LVV me 41.29%, e dyta PDK me 21.83%, e treta LDK me 17.75% dhe e katërta renditet koalicioni AAK-Nisma me 7.68%.
KQZ në Prizren ka numëruar 91.10% të votave, ku LVV ka marrë 40.79%, PDK ka 22.85%, LDK ka marrë 10.67% dhe AAK-Nisma ka 4.77% të votave.
Prizreni është nën udhëheqjen e Shaqir Totaj nga PDK.
Në viset malore priten reshje bore me intensitet mesatar. Temperaturat e ulëta do të sjellin ngrica në mëngjes, duke krijuar rrezik për rrugët e lagështa dhe të akullta.
Moti për pesë ditë:
E Hënë – Moti do të jetë me diell dhe vranësira të pakta. Temperaturat minimale do të lëvizin ndërmjet -7°C dhe -4°C, ndërsa maksimalet nga 5°C deri në 7°C . Do të fryjë erë e lehë nga veriu.
E Martë- Mot me diell dhe vranësia te shpërndara. Vranësirat gjatë ditës parashihen të dendësohen duke krijuar kushte për riga shiu dhe reshje bore. Temperaturat minimale do të lëvizin ndërmjet -5°C deri -3°C, ndërsa ato maksimale do të lëvizin nga 3°C deri në 6°C. Do të fryjë erë e lehtë nga drejtimi i jugperëndimit.
E Mërkurë – Mot me diell dhe vranësira të shpërndara. Vranësirat parashihen të dendësohen dhe të krijojnë kushte që vende-vende të ketë riga shiu të përziera me bore. Temperaturat minimale priten të lëvizin ndërmjet -5°C deri -3°C, ndërsa maksimalet e ditës do të lëvizin ndërmjet 3°C deri në 5°C. Do të fryjë erë nga juglindja me shpejtësi 1-4m/s.
E Enjte – Parashikohet mot kryesisht i vranët . Vranësirat parashihen të sjellin riga shiu. Temperaturat minimale do të lëvizin nga -3°C deri -1°C, ndërsa maksimalet do të arrijnë nga 4°C deri në 7°C. Era do të fryjë nga veriperëndimi me shpejtësi 1-5 m/s.
E Premte – Moti do të jetë i vranët dhe me periudha të shkurtra me diell. Vranësirat vende-vende mund te sjellin riga te dobëta shiu. Temperaturat minimale do të lëvizin nga -2°C deri 0°C, ndërsa maksimalet nga 5°C deri në 8°C. Do të fryjë erë e lehtë nga veriperëndimi me shpejtësi 1-5 m/s.
I pari i LDK-së thotë se respektojnë rezultatin e zgjedhjeve edhe pse nuk janë të kënaqur me pritshmëritë.
Kryetari i LDK-së Lumir Abdixhiku në një konferencë për shtyp ka shpallur rezultatet preliminare duke u bazuar në komisionerët e LDK-së.
Abdixhiku thotë se përgjegjësinë për këtë rezultat do ta merr ai.