Presidenti i Venezuelës, Nicolas Maduro akuzoi administratën e Presidentit amerikan Donald Trump se po përpiqej që ta vriste.

Por, këtë akuzë të rëndë opozita e Venezuelës nuk e merr për bazë, duke thënë se Maduro i bën shpesh këto akuza për të hequr vëmendjen nga paaftësia e tij.

Rreth 2 milionë venezuelianë janë larguar nga vendi i tyre që nga viti 2015, nga mungesa e mjekësisë, inflacionit në rritje dhe krimeve.

Uashingtoni ka vendosur sanksione ndaj Venezuelës, duke denoncuar Maduron si një diktator i cili ka anuluar të drejtat e njeriut dhe ka sjellë shkatërrimin ekonomik.

Shtëpia e Bardhë akuzoi qeverinë e Maduros të mërkurën për përfshirjen në vdekjen e një politikani të burgosur venezuelian, të cilin autoritetet thonë se vrau veten, por që partitë e opozitës thanë se u vra.

Personi që konsiderohet miliarderi më i ri në Afrikë është rrëmbyer nga persona të armatosur dhe me maska në qytetin Dar es Salaam të Tanzanisë.

Mohammed Dewji u rrëmbye jashtë një palestre ku shkonte për të bërë stërvitjen e mëngjesit.

Tre persona janë arrestuar në lidhje me ngjarjen dhe dy prej rrëmbyesve mendohet se janë shtetas të huaj.

Motivi për rrëmbimin e 43-vjeçarit është ende i paqartë.

Po kush është Mohammed Dewji?

Revista financiare Forbes vlerësoi pasurinë e tij në 1.5 miliard dollarë dhe e konsideroi atë si miliarderi i vetëm i Tanzanisë.

Në një raport të vitit 2017, Forbes tha se Dewji ishte miliarderi më i ri në Afrikë.

Ai premtoi në vitin 2016 se do dhuronte të paktën gjysmën e pasurisë së tij për bamirësi, raportoi Forbes.

Dewji, i njohur si Mo, ktheu biznesin e tij familjar nga një biznes me shitje me shumicë dhe pakicë në një konglomerat pan-afrikan.

Kompania e tij, METL, merret me prodhimin e tekstileve, bluarjen e miellit, prodhimin e pijeve dhe vajrave ushqimore në të paktën gjashtë shtete afrikane.

Pentagoni ka pezulluar përkohësisht operacionet e fluturimit F-35 pas incidentit të 28 shtatorit në Karolinën e Jugut. Përplasja e avionit luftarak ka ndodhur gjatë një fluturimi trajnimi dhe nuk ka shkaktuar viktima. Pezullimi do të lejojë, ndër të tjera, të kryejë inspektime të linjave të karburantit.

Inspektimet duhet të zgjasin “ndërmjet 24 dhe 48 orëve”. Një avion që kushtonte rreth 100 milionë dollarë ishte “i shkatërruar plotësisht” në aksident.

Në 28 shtator ndodhi incidenti i parë i programit të armatimit në SHBA në fillim të viteve 1990, më i shtrenjti në historinë ushtarake amerikane, për një kosto totale të vlerësuar rreth 400 miliardë dollarë për rreth 2.500 pajisje që duhej të prodhoheshin në dekadat e ardhshme.

F-35 luftarak, subjekt i polemikave të nxehta në shumë vende, duke përfshirë dhe Italinë, aktualisht përdoren nga forcat e armatosura të Britanisë së Madhe dhe Izraelit.