Policia e Kosovës përmes raportit 24 orësh ka njoftuar se mëngjesin e djeshëm në pikë kalimin kufitar të Vërmicës, në bazë të një urdhër arresti ndërkombëtar, është arrestuar një mashkull shqiptar shtetas i Shqipërisë .

I dyshuari me vendim të prokurorit është dërguar në mbajtje.

Qendrat e mjekësisë familjare në Prizren për herë të parë janë pajisur më STREP TEST që ndikon në uljen e përshkrimit të barnave për fëmijët e porsalindur e deri në moshën 15 vjeçare.

STREP-TEST është një test i shpejtë dhe orientues që në rast të prezencës së Streptococcus pyogenes, grupi A, detekton pozitivitetin dhe përfitojmë në kohë që të fillohet sa më parë me antibiotik.

“Pas përgatitjeve profesionale dhe atyre teknike, nga sot, në të gjitha qendrat e mjekësisë familjare në komunën e Prizrenit ka filluar shërbimi i ri shëndetësor për fëmijë, analiza e STREP TESTIT.

Analiza e strep testit ofrohet për herë të parë në qendrat e mjekësisë familjare për fëmijët 0-15 vjeç në komunën e Prizrenit dhe në masë të madhe do të ndikojë në uljen e përqindjes së përshkrimit të antibiotikëve dhe në uljen e rezistencës në antibiotikë tek fëmijët, pasi ndihmon në përcaktimin e shkaktarëve të sëmundjeve” thuhet në komunikatën e Komunës.

Dega e Partisë Demokratike të Kosovës(PDK) në Prizren, ka reguar sot lidhur me zgjedhjen e drejtorëve të shkollave.
Sipas këtij subjekti politik, kryetari Mytaher Haskuka me këtë konkurs ka shkrlur premtin e vetë.

Reagimi i plotë i PDK-së
Dega e Partisë Demokratike të Kosovës në Prizren, ka reaguar ndaj zhvillimeve të fundin në arsim në Komunën e Prizrenit, në lidhje me konkursin e ripërsëritur të Drejtorisë Komunale të Arsimit për drejtorë e zëvendës drejtorë të shkollave, si pasojë e pazareve politike të përcjellë që nga fushata parazgjedhore.

Ky veprim është edhe një dështim i radhës i Qeverisë pa identitet, Haskuka, i cili që nga ardhja në krye të Komunës së Prizrenit, nuk ka realizuar asnjë premtim të tij.

Kryetari Haskuka përmes përzgjedhjes së drejtorëve nëpër disa prej shkollave të komunës së Prizrenit, ka shkelur premtimet e veta për gjoja depolitizimin e arsimit, dhe po ashtu ka fyer qytetarët e Prizrenit, personelin arsimor dhe prindërit e nxënësve të shkollave të qytetit. Ai, dhe hisedarët e tij mbajnë përgjegjësi politike dhe qytetare, për vendimet që edhe përmes këtij konkursi ta instrumentalizoj dhe ideoligjizojë shkollën, tempullin e diturisë.

Së pari, u zhvillua konkursi dhe u publikuan të ranguarit në listën e përzgjedhur, por pas shumë shantazheve të partnerëve të koalicionit dhe militantëve të VV-së, ai konkurs u anulua.

Pas përsëritjes të së njëjtit konkurs, ditën e fundit të skadimit të afatit ligjor, u publikua lista e të përzgjedhurve nga komisioni për drejtorë e zv.drejtorë, proces i shantazhuar nga një pjesë e këtij koalicioni të panatyrshëm, i kushtëzuar me votimin e buxhetit të paralajmëruar për vitin 2019.

PDK Dega në Prizren, fton konceptin institucional të LDK-së, si partnerë të Koalicionit qeveritar, të dalë me qëndrim të çartë politik për këtë proces të fundosur në pazarllëqet politike e familjare.

PDK, Dega në Prizren, e shqetësuar me këto zhvillime antiligjore të keq qeverisjes, do t’i ndjek të gjitha rrugët legale për të demaskuar pafuqinë e Mytës, përballë militantëve partiak që udhëheqësit e shkollave i konsiderojnë menaxher të Qendrave të Vendvotimeve.

Njoftojmë opinionin e gjerë se që nga sot do të fillojmë mbledhjen e nënshkrimeve për ta thirrur një seancë të jashtëzakonshme të Kuvendit të Komunës, për ta debatuar këtë temë të rëndësisë së veçantë.

Një qytetar ka raportuar në polici se persona të panjohur kanë depërtuar brenda objektit të postës dhe aty kanë thyer dy kasaforta, si dhe kishin demoluar objektin.

PK-ja njofton se rasti ka ndodhur në Kijevë të Malishevës, dje rreth orës 07:40.

Sipas ankuesit për momentin nuk dihet se çka është vjedhur.