Anëtarët e task forcës komunale të Rahovecit për zhvillimin e aksionit kombëtar ”Ta pastrojmë Kosovën” kanë mbajtur takim për koordinimin dhe zhvillimin e këtij aksioni.

Smajl Latifi, kryetar i Komunës, bëri thirrje për pjesëmarrje sa më të gjerë në këtë aksion, ndërsa Përparim Krasniqi, kryesues i task forcës, njoftoi se aksioni fillon simbolikisht më 15 shtator, ndërsa do të zgjasë deri më 15 dhjetor 2018.

Drejtorët e drejtorive komunale, të cilët edhe janë pjesë e kësaj task force, u zotuan se do të jenë edhe vetë pjesë e këtij aksioni.

Përfshirja e parimeve të zhvillimit të qëndrueshëm brenda komuniteteve në Kosovë është trajtuar në diskutimin publik të mbajtur të mërkurën në sallën e Kuvendit të Komunës së Prizrenit. Debati i organizuar nga Balkan Green Foundation (BGF), që është pjesë e Konsorciumit Kosovar të Shoqërisë Civile për Zhvillim të Qëndrueshëm (KOSID), ka nxjerrë në pah sfidat e pushtetit lokal në raport me këtë çështje, sikurse edhe brengat dhe telashet e ndryshme që kanë qytetarët kundruall pushtetit lokal e qendror.

Drejtori ekzekutiv i BGF-së, Visar Azemi, tha se përfshirja në diskursin publik të kësaj teme mbetet e rëndësisë së veçantë.

Kryetari i Komunës së Prizrenit, Mytaher Haskuka ka pohuar se çështja ambientale është aspekti kyç i zhvillimit të qëndrueshëm.

“Ne si komunë duke i marrë për bazë edhe zhvillimet globale jemi duke punuar për krijimin e një Zyre të Gjelbër, që do të merret me çështjet e ngrohjes globale dhe ndikimit në Prizren, si dhe fushat e ekonomisë ku mund të krijohet punësim me aktivitetet ekonomike që janë në përputhje me ambientin”, ka thënë Haskuka. Si tri sfera të rëndësishme për zhvillim të qëndrueshëm të Komunës së Prizrenit ka veçuar turizmin, bujqësinë dhe arsimin e edukimin

Kasum Hajdari ishte personi i cili kishte nxjerur kamionin me trupat e mbi 100 shqiptarëve të Krushës së Vogël nga Lumi Drin. Pas tërheqjes së kamionit ai kishte vërejtur gjymtyrë të njerëzve dhe rroga të djegura. Kamionin bashkë me eshtrat i kishte dorëzuar në Kryq të Kuq.

Dëshminë e Kasum Hajdarit dhe shumë të tjerëve, Prokuroria i ka marrë parasysh në aktakuzën e saj kundër serbit të dyshuar për krime lufte, Darko Tasiq i cili nesër pritet të dalë para gjykatës.

Në dëshminë e Kasum Hajdarit nga Krusha e Vogël, tregohet në detaje gjithë momenti kur Darko Tasiq bashkë me familjen e tij, i kishin djegur trupat e pajetë të shqiptarëve.

“Kamioni u vozit në lumë por ngeci në një vend ku pjesa e jashtme mbeti mbi ujë. Tasiq u largua dhe u kthye pas pak po përsëri ngeci, nuk mund të shkonte më tutje. Në një moment dëshmitari u afrua më pranë lumit për të pasur pamje më të mirë. Pastaj ai vërjeti këta persona të shpërndajne një lëndë brenda mbulesës së kamionit, dhe pesë minuta më vonë nga kamioni doli flakë. Dëshmitari deklaroi se pas kthimit në fshat pas luftës në shtëpinë e të akuzuarit gjenë pasuri të familjes së tij. Gjithashtu ai gjeti furgonin që ishte në përcjellje të kamionit. Shkoi në Drin dhe ndihmoi për ta tërhequr kamionin nga uji. Pas tërheqjes vërjeti kocka dhe rroba të djegura”, thuhet në aktakuzën e Prokurorisë, të cilën e ka siguruar Gazeta Insajderi.

Edhe Kadri Muharremi ishte prezentë marsin e vitit 1999, kur familja e Tasiq po plaçkiste nëpër Krushë të Vogël.

Ai në deklaratën e tij tregon për britmat që i kishte dëgjuar në momentin kur po digjej kamioni me trupat e shqiptarëve brenda.

“Dëshmitari ishte 300 metra larg lumit kur e pa për herë të parë kamionin, por u afrua më pranë. Darko Tasiq po e ngiste kamionin për në lumë, por kamioni ngeci. Ata u panë duke hedhur një lloj lënde në kamion dhe po dilte tym. Dëshmitari dëgjoi britma që vinin nga kamioni. Ai i pa njerëzit të shtinin me armnet e tyre. Dëshmitari deklaroi se kamioni u dogj për dy a tre ditë, dhe ai më pas pa trupa në kamion”, shkruhet në aktakuzë.

Në një shkollë me të dyshuarin për krime lufte tashmë, kishte qenë Driton Limani.

Në dëshminë e tij dhënë Prokurorisë ai ka treguar se pas kthimit nga Shqipëria, në vendin ku kishte mbetur kamioni, ai gjente këpucë dhe eshtra.

Nga Prokuroria janë intervistuar edhe dhjetëra dëshmitarë tjerë, të cilët kanë konfirmuar se Darko Tasiq ka qenë pjesëmarrës në vrasjen dhe masakrimin e shqiptarëve në Krushë të Vogël.

Një gjë të tillë e kanë thënë Drita Batusha, Dervish Hajdari, Mark Prekpalaj, Tomë Prekpalaj, Shaban Avdyli, Gani Zylfiu, Milazim Duraku, Ali Emrullahu, që të gjithë dëshmitarë të kësaj ngjarje.

Darko Tasiq u thirr për intervistë nga prokuroria më 13 dhjetor të vitit 2017.

Por ai kishte zgjedhue që të heshtë, duke mos pranuar të flas para prokurorit. /Insajderi.com

Një person i moshës 61 vjeçare është gjetur pa shenja jete sot në qendër të Prizrenit, saktësisht në pjesën e njohur si ‘Marash’.

Rastin në fjalë për Indeksonline e ka konfirmuar edhe zëdhënësi i Policisë për Rajonin e Prizrenit, Hazir Berisha.

“Policia e Prizrenit në orën 15:40 minuta ka pranuar informacionin se një person i moshës 61 vjeçare është gjetur pa shenja jete” ,ka thënë Berisha.

Sipas tij në bazë të informacioneve të para rasti nuk ka të bëjë me ndonjë përdorim dhune apo diçka të ngjashme dhe në bazë të deklaratave të dëshmitareve ky i fundit kishte pasur probleme shëndetësore.

“Në vendin e ngjarjes kanë dalë të gjitha njësitë relevante bashkë me Prokurorin dhe sipas të gjitha informacioneve nuk ka indikacione për përdorim dhune apo diçka të ngjashme. Sipas dëshmitarëve besohet se i njëjti ka pasur probleme shëndetësore. Megjithatë hetuesit do të merren me rastin dhe trupi i pajetë do të shkojë në Institutin e Mjekësisë Ligjore”,ka përfunduar Berisha./Indeksonlin

Një 41 vjeçar nga Prizreni u arrestua nga policia kufitare në Morinë pasi ishte shpallur në kërkim ndërkombëtar nga autoritetet e drejtësisë italiane.

Në pranga përfundoi Astrit Koçi, i dënuar në Itali me 4 vite e 8 muaj burg, për veprat penale “Dhunë në familje”, “Marrëdhënie seksuale me dhunë” dhe “Kanosja”.

Ky shtetas u kap në hyrje të pikës së kalimit kufitar, ku gjatë përpunimit të dokumentacionit rezultoi person në kërkim ndërkombëtar nga Interpol Roma.

Autoritetet gjyqësore të Bellunos Itali, e dënuan atë me mbi 4 vite burg më 24 tetor të vitit 2007.

Materialet i kaluan Prokurorisë së Rrethit Gjyqësor Kukës për veprime të mëtejshme.