Komuna e Prizrenit përmes një njoftimi për media e ka quajtur të njëanshëm vendimin e Zyrës Ligjore të Ministrisë së Mjedisit dhe Planifikimit Hapësinor, në lidhje me intervenimin në qendrën tregtare, në ndërtim e sipër, në rrugën Tirana.

Sipas kësaj komune, këto veprime kanë prapa qëllim që të bëhet amnistimi i keqqeverisjes së dhjetë viteve të fundit në Prizren dhe ka kërkuar hetime ndaj \yrës ligjore të Ministrisë së Mjedisit.

“Zyra ligjore e MMPH-së në disa raste të fundit ka vepruar njëanshëm kundrejt vendimeve të Komunës së Prizrenit, duke tentuar të amnistojë keqqeverisjen e shkaktuar në dhjetëvjetëshin e fundit”, thuhet në një pjesë të kumtesës.

Komuna po ashtu ka ftuar organet e rendit që të hetojnë këtë zyrë për ndërhyrje në vendimet e Komunës.

“Disa vendime te njëanshme të Zyrës Ligjore të Ministrisë së Mjedisit dhe Planifikimit Hapësinor, në mbrojtje të palëve që kanë bërë shkelje të ligjit, janë të pazbatueshme dhe e dëmtojnë interesin publik”, thuhet në njoftimin e Komunës së Prizrenit.

“Kjo Zyrë ka intervenuar në disa raste kur Komuna ka tentuar të zbatojë ligjin dhe rendin në sektorin e ndërtimit, duke iu mundësuar palëve që t’i vazhdojnë veprimtaritë në kundërshtim me legjislacionin në fuqi”, thuhet më tej.

“Rasti i fundit ka të bëjë me intervenim në qendrën tregtare, në ndërtim e sipër, në rrugën Tirana, për parregullsitë e së cilës opinioni është informuar në vazhdimësi. Para se të merrej vendimi me rrënim nga ana e inspektoratit, janë shqyrtuar të gjitha mundësitë ligjore dhe është vepruar konform ligjit, ndërsa palës i është ofruar revidimi i lejes për pjesën tjetër të objektit”.

Përkundër se në procesverbal, thuhet në njoftim, pala është deklaruar se do ta rrënojë vetë pjesën e objektit e cila është ndërtuar në hapësirën e paraparë për rrugë komunale, zyrtarët e kësaj ministrie i kanë dërguar një vendim Drejtorisë së Inspektoratit të Komunës, i cili e anulon vendimin ku pala ka pranuar vetë të bëjë rrënimin.

“Që të jetë situata më absurde, ky vendim i zyrtarëve të kësaj ministrie bazohet vetëm në një paragraf të procesverbalit dhe jo të procesverbalit në tërësi. Nxjerrja nga konteksti i një vendimi të zyrtarëve komunalë dhe mos konsultimi i palës tjetër (Komunës, në këtë rast) para se të merret vendimi, është i pazbatueshëm dhe e dëmton interesin publik. Ky vendim është marrë “sa për t’i hedhur hi syve” opinionit, ngase nuk ka bazë ligjore që mundëson mosveprimin e zyrtarëve komunalë te rasti në fjalë”, thuhet në njoftimin e Komunës së Prizrenit që shton se “Zyra ligjore e MMPH-së në disa raste të fundit ka vepruar njëanshëm kundrejt vendimeve të Komunës së Prizrenit, duke tentuar të amnistojë keqqeverisjen e shkaktuar në dhjetëvjetëshin e fundit”.

“Askush nuk dëshiron të përsëritet rasti ku një objekt mbyll një rrugë publike (sikur rasti në transitin e ri), prandaj jemi të vendosur ta zbatojmë rendin dhe ligjin në gjithë territorin tonë, pa përjashtim. Me këtë rast ftojmë organet e rendit që të fillojnë hetimet ndaj Zyrës Ligjore në MMPH për ndërhyrje në vendimet e Komunës, vendime që lënë për të dyshuar se këto janë vendime interesi.

Ahmeti dhe Burimi janë fëmijë të familjes Batusha nga Krusha e Vogël e Prizrenit.

Të dytë kanë trashëguar emrat e  gjyshit dhe axhës së tyre të cilët asnjëherë nuk i panë .

Gjyshja e tyre Vezirja thotë se ka qenë e rëndë të ja shpjegoj fëmijëve se përse ata nuk kanë aritur ta njohin as axhën tjetër të tyre Blerimin.

Burri i saj dhe dy djemtë ishin ndër 113 civilët e këtij fshati që ishin marrë nga forcat serbe me 25 dhe 26 Mars të vitit 1999.

Ajo kujton ditën kur fshati ishte rrethuar nga forcat serbe, ajo thotë  se ushtria i kishte nxjerë nga shtëpia duke i ndarë në një anë burrat e në anën tjetër gratë

“Këtu i kanë marrë prej dyerve të shtëpisë së kunatit e deti te dyert e mia, krejt burrat duart pas, dy persona kanë hyrë në shtëpinë time me nga dy automata e në shtëpinë e kunatit kishin hyp përmbi kulm” tha ajo .

Pasi që forcat serbe ja morën bashkëshortin Ahmetin ajo ishte përpjekur t’i shpëtoj tre djemtë e saj, Burimin 17 vjecar, Lirimin 15 dhe Beharin që e kishte veshur si vajzë.

“Këtu i kanë ndalë djemtë mua më tha ndalu me djemë, deshta të them mos m’i mbytni djemtë më mbytni mua por pata frikë mos po bëhet më keq,nga këtu janë ndarë, djemtë thanë hajt se nuk na bëjnë kurgjo,u ndanë ata shkuan naltë ne shkuam teposhtë. Prej asaj dite më nuk dijmë kurgjo “ thotë ajo.

Ajo thotë se duke u larguar janë dëgjuar të shtënat e armëve. Sot ajo dëshpërimin po mundohet ta largojë duke punuar kopështin në shtëpinë e saj. Mallin për familjarët e zhdukur mundohet ta shuajë me fotografi por mbushet mllef e lotë sa herë i sheh ato .

Deri më tash janë gjetur kufomat e 45 civilëve shqiptarë të Krushës së Vogel të pagjetur janë edhe 68 të tjerë në mësin e të cilëve edhe djemtë dhe burri i zonjës Batusha.

Edhe sot nuk është zbardhur fati i 1648 personave të pagjëetur të zhdukur në Kosovë në vitet 1998-1999-2000.

Kjo çështje është parë si politike edhe pse është trajtuar si humanitare.

Bekim Blakaj nga Fondi për të Drejtën Humanitare në Kosovë thotë se për të vazhduar më tutje me raportet Kosovë Serbi duhet të zgjidhet cështja e të pagjeturve

“Mund të ketë në letër një formë pajtimi, por defakto pa u zgjidh problemet që kanë dal si trashëgëmi e luftës në rend të parë cështja e personave të zhdukur mirëpo edhe përgjegjësia penale pra ne jemi të vetëdijshëm që nuk do të dënohen kurrë të gjithë ata që kanë kryer krime por së paku të ketë më shumë gjykime” , tha Blakaj./kallxo.com/

Në një video të dërguar në KALLXO.com nga një qytetarë shihet një veturë e tipit Golf, ngjyrë hiri, e cila është  duke vozitur në kahjen e kundërt të autostradës, gjë e cila është e ndaluar.

Me 2 gusht, KALLXO.com ka raportuar për një aksident  në autostradë, afër fshatit Trudë, ku kanë mbetur  të vdekur dy persona.

Në këtë aksident një veturë kishte hyrë në kahjen e kundër të autostradës dhe ishte aksidentuar me një veturë tjetër.

h