«Të duash nuk është të shikosh njëri-tjetrin; të duash është të shikoni së bashku në të njëjtin drejtim.»
Antoine de Saint Exupery

«Duaj deri sa të të dhëmbë. Në qoftë se të dhëmb, është shenjë e mirë.»
Nëna Shën Terezë

«Dikush nuk ka dashur kurrë: ai ishte ferri i tij. Tjetri ka dashur shumë: ai ishte dënimi i tij.»
Robert Burton

«Burri dhe gruaja kanë lindur për t´u dashuruar, por jo për të jetuar bashkë. Dashnorët e famshëm të historisë, nuk kanë jetuar kurrë bashkë.»
Noel Clarasó

«Magjia e dashurisë së parë qëndron tek ajo se ne nuk dimë se do të ketë fund.»
Disraeli

«Miqësia mund të kthehet në dashuri, por dashuria nuk kthehet kurrë në miqësi.»
Camus

«Më e vështira nuk është puthja e parë, por e fundit.»
Paul Géraldy

«Dashuria e parë nuk është personi që të pëlqeu, nuk është e para as ajo me të cilën u bë çifti yt. Dashuria e parë është personi i parë për të cilin ndjeve gjëra të paimagjinueshme, personi i parë për të cilin bëre gjëra që kurrë nuk kishe menduar se do t’i bëje, është personi që deshe me çmenduri, ai që të bëri të ndieje gjërat më të pastra, është personi që të bëri të lumtur vetëm duke qenë aty, vetëm me një buzëqeshje apo thjesht me praninë e tij, pavarësisht largësisë…

Pikërisht ky person ka qenë dashuria jote e parë, të cilën kurrë nuk ke për ta harruar.

Dikush më ka thënë një herë se po nise të mendosh nëse e do vërtet dikë, atëherë ke pushuar së dashuri një herë e mirë atë.» Filosósapiens

THËNIE NGA POETI I NDALUAR

1. Gratë që buzëqeshin bukur kanë forcën të na bëjnë të ndiejmë se nuk ka asgjë më të rëndësishme se të bëhesh kruspull në buzët e tyre.

2. Gratë kanë mëkatin në lëkurë, ferrin midis shalave dhe një demonë në shpirt e megjithatë për mua janë engjëjt e vërtetë.

3. Një pjesë e imja do të jetë e gjitha me ty, por pjesa tjetër më thotë që nëse do të shpëtosh mbathja sa më larg teje. Puthmë, tani ti e di se kujt i kushtoj kujdes.

Përktheu Bajram Karabolli

Pak e njohur nga shqiptarët, por shumë e njohur kudo në botë, sidomos në Akademitë e mëdha, është dhe Elena Lucrezia Peshkopia.

Elena ishte me origjinë shqiptare. Ajo është gruaja e parë në botë që në vitin 1678 ka arritur të marrë doktoraturën në filozofi. Gjatë shekullit ku jetoi ajo ishte gruaja më e ditur në Europë.

Statuja e Elenës që u gjet në Universitetin e Padovës, një prej universiteteve më të vjetër dhe ndër më të njohurit në Europë, dëshmon për vlerat e arritjeve të jetës së saj. Portreti i saj është gjithashtu edhe në dritaren e qelqit rreth 7 metra të lartë në bibliotekën “Frederick Ferris Thomson” në kolegjin Vassar të Nju Jorkut në SHBA ku Elena është portretizuar duke mbrojtur tezat e saj mbi Aristotelin.

Elena Peshkopia lindi në Venecia në 1646, ajo përfundoi shkollën e shqiptarëve “Santa Maria dhe San Gallo” në Venecia (Scuola di Santa Maria e di San Gallo degli Albanesi)./ KultPlus.com

(Publikuar nga Marin Mema)