Ministri i Shëndetësisë, Uran Ismaili, së bashku me anëtarët e ri të bordit drejtues të shërbimit spitalor dhe klinik universitar, menjëherë pas zgjedhjes se tyre, vizitën e parë së bashku e kanë bërë në Spitalin e Përgjithshëm të Prizrenit.

Ministri Ismaili ka thënë se do të rritet buxheti për shëndetësinë, por edhe kërkesa për llogaridhënie do të jetë më e madhe se në të kaluarën.

“Kam kënaqësinë që jam në Spitalin e Prizrenit që u shërben shumë qytetarëve”, ka thënë Ismaili.

“Ne e dimë që shëndetësia nuk është në gjendje siç ju e dëshironi, prandaj kemi vendos që të dalim në teren. Ne do ta rrisim buxhetin, por do të kërkojmë edhe llogaridhënie më të madhe dhe përgjegjësi më të madhe”.

Ndërsa drejtori i Spitalit, Afrim Avdaj, ka thënë se e kanë të qartë se ministria dhe ekipi i ri e kanë marrë seriozisht dhe me përkushtim ndryshimin e gjendjes për të mirë.

“Nuk kemi kohë për të humbur dhe së bashku shpresoj se do të bëjmë shumë për shëndetësinë”, deklaroi Avdaj.

Albin Kurti është i bindur se kandidati i Vetëvendosjes, Mytahar Haskuka do të fitojë garën për kryetar të Prizrenit.

“Ka qenë i hapur dhe i dashur më të gjithë qytetarët, i këtillë Myta do të fitojë, dhe i këtillë Myta do të qeverisë me Komunën e Prizrenit”, tha Kurti.

Kurti këshilloi të gjithë ata që do ta votojnë Mytaherin, që pos tij, qytetarët duhet ta votojnë edhe kandidatët për asamble komunale, që kryetari të bëhet më i fuqishëm në realizimin e 43 pikave të tij qeverisëse

Kandidati për kryetar të Prizrenit, Mytaher Haskuka, ka thënë se në “Lagjen e Trimave” nuk është bërë aq sa do të duhej të bëhej.

“Lagja e Trimave ka dhënë shumë martirë e dëshmorë, përkundër kësaj, pikërisht në këtë lagje nuk është bërë aq sa do të duhej të bëhej. Nuk themi se duhen kompensuar këto gjëra, por e vetmja gjë që ka bërë Komuna në këtë lagje janë kubëzat e shtruara. Sot e kësaj dite lagjja ka probleme me ujë, me kanalizim, me ndriçim. Edhe pse më vije marre ta përsëris vazhdimisht, por në shekullin e 21 të flasim për këto gjëra është e papranueshme dhe absurde. Sepse t’i kesh këto gjëra është e drejtë elementare qytetare”, tha Haskuka.

“Me këto qeverisje, edhe 20 mandate me i pas ata, prapë do t’i kemi këto probleme. Këta, qytetarëve të Komunës sonë, nuk mund t’u japin asgjë, pos krimit dhe korrupsionit dhe shumë skandaleve të tjera. Prizreni do të jetë epiqendra e goditjes përfundimtare e kësaj qeverisjeje. Pas humbjes së Prizrenit, ata nuk do të kenë mundësi të qeverisin as me Kosovën. Aq shumë dëme kanë bërë për kaq vite, sa ndryshimin nuk mund ta bëjë një njeri i vetëm, por atë do ta bëjmë së bashku”, tha mes tjerash ai. /PrizrenPress.com/

Kandidati i PDK-së për kryetar të Prizrenit, Shaqir Totaj, mbrëmë, mori pjesë në tubimin e organizuar nga nëndegët “Vëllezërit Stavileci”, “Lidhja e Prizrenit” dhe “10 Qershori”.

“Kandidati për kryetar komune, Shaqir Totaj, shprehu falënderime për përkrahjen që po merr brenda qytetit, duke u ndjerë i obliguar, që besimin e tyre, më 22 tetor, t’ua kthejë me investime, mirëqeverisje dhe krijim të vendeve të reja të punës. Totaj u zotua se qytetari do të jetë aleat në bashkëqeverisjen e tij, meqë besimi i tyre është garancia e zbatimit të platformës së tij qeverisëse”, thuhet në njoftimin e PDK-së.

“17 prioritetet e Totajt, u vlerësuan nga të pranishmit, meqë prekin shumë sfera me interes për qytetarët. Ata siguruan kandidatin Totaj se nga ky tubim me vete duhet ta merr mesazhin se ai tanimë është kryetari i ardhshëm i Prizrenit, meqë është personi duhur që i nevojitet qytetit”, thuhet më tej aty. /PrizrenPress.com/