Kandidati i LDK-së për kryetar të Prizrenit, Hatim Baxhaku, ka vizituar Klubin Futbollistik ‘Liria’.

Ai,nga afër është njoftuar me aktivitetet, sfidat dhe angazhimin e klubit.

“ Jam i bindur, që me një mbështetje më të madhe, dhe krijimin e kushteve më të favorshme për klubin, do të shënoni sërish suksese të panumërta, dhe do t’bëheni krenaria, jo vetëm e imja, por e gjithë Prizrenit”

“Prandaj, jam këtu që të zotohem se, gjatë mandatit tim do t’keni mbështetje të fuqishme dhe të pa rezervë”
“Personalisht, do të angazhohem që në bashkëpunim me ministrinë përkatëse, këtë stadium ta përfundojmë sa më shpejtë që të jetë e mundur”

“ Njëkohësisht, do t’bëj përpjekje që t’gjej donator, për t’na mbështetur financiarisht që ta ndërtojmë një stadium që do t ‘plotësonte të gjitha kriteret ndërkombëtare”.

“ Duke ju krijuar kushte më të mira për punë, unë jam i sigurt që në të ardhmen e afërt, do t’ju shohim si pjesëmarrës në gara ndërkombëtare”

“Këta të rinj që kanë talent, meritojnë gjithë vëmendjen dhe mbështetjen institucionale, në mënyrë që talentin e tyre ta zhvillojnë tutje”.

Lëvizja Vetëvendosje thotë se në mesditë, tre aktivistë të partisë “Nisma për Kosovën” kanë sulmuar fizikisht aktivistin dhe kandidatin e Lëvizjes Vetëvendosje për Kuvendin Komunal të Malishevës, Muhamet Bytyqi.

Sipas VV-së, nga ky sulm, Muhamet Bytyqit i janë shkaktuar lëndime trupore.

“Ky veprim kriminal dhe i papranueshëm flet edhe për panikun e madh të Nismës për Kosovën para zgjedhjeve të 22 Tetorit. Kjo parti që ka tradhtuar zgjedhësit e saj duke hyrë në koalicion me PDK-në është tashmë e vetëdijshme se e ka rënien të pandalshme. Ndaj, gjendjen e saj të rëndë po e manifeston me veprime të këtilla”, thuhet në njoftimin e VV-së.

VV i dënon ashpër këto veprime dhe fton organet e rendit e drejtësisë që t’i nxjerrin sulmuesit para përgjegjësisë.

“Kurrfarë presioni dhe asnjë lloj sulmi nuk e ndalë rritjen dhe fitoren e Lëvizjes VETËVENDOSJE! në zgjedhjet lokale të 22 tetorit. Përkrahja e madhe popullore për Lëvizjen VETËVENDOSJE! shënon fundin e mendësisë qeverisëse së vjetër e cila e ka degraduar Malishevën dhe tërë vendin. Ky model qeverisës merr fund më 22 Tetor”, theksohet në fund të njoftimit.

M. Q., i cili akuzohet për grabitje, të premten, përmes mbrojtësit të tij, avokatit Visar Ostrozubi, ka kërkuar që aktakuza të hudhet si e pabazë.

Gjatë shqyrtimit të dytë, të mbajtur në Gjykatën Themelore në Prizren, avokati Ostrozubi ka kërkuar që aktakuza ndaj të mbrojturit të tij të hudhet, sepse nga provat që përmban, sipas tij, nuk mund të vërtetohet dyshimi i bazuar mirë se klienti i tij ka kryer veprën penale me të cilën ngarkohet.

Avokati Ostrozubi, po ashtu ka kërkuar që deklarata e klientit të tij, e dhënë në polici, të mos pranohet si provë, sepse ai ka vetëm tre vjet shkollim, ndërsa sipas tij, zyrtarët policorë nuk ia kanë sqaruar të drejtat e tij dhe se i akuzuari pretendon se nuk i ka thënë ato që shkruhen në atë deklaratë.

Prokurori i rastit, Mehdi Sefa, ka kërkuar që të refuzohet kërkesa e mbrojtjes për hedhjen e aktakuzës, sepse e njëjta sipas tij, është e bazuar në prova të pranueshme për gjykatën.

Ai po ashtu ka deklaruar se të akuzuarit i janë lexuar të drejtat gjatë dhënies së deklaratës në polici dhe se në këtë seancë ka marrë pjesë edhe mbrojtësi i tij, avokati Agim Kabashi.

Kryetari i trupit gjykues, Skender Çoçaj, ka njoftuar palët se rreth vendimit të tij, do të njoftohen me shkrim, ndërsa shqyrtimin kryesor e ka caktuar për 30 tetor 2017, ora 09:00.

Ndryshe, M.Q, akuzohet nga Prokuroria Themelore në Prizren, se më 1 shkurt 2017, rreth orës 4 të mëngjesit, duke përdorur forcën dhe kanosjen, ka hyrë në shtëpinë e të dëmtuarës H. T., të cilës ia ka marrë shumën e parave prej 6 mijë eurosh.

Sipas aktakuzës, i akuzuari së bashku me një person tjetër të mitur, kanë thyer xhamin e shtëpisë, ia kanë mbyllur gojën të dëmtuarës dhe të njëjtës, përveç parave, ia kanë marrë stolitë nga floriri dhe dy telefona mobilë, më pas janë larguar me shpejtësi nga vendi i ngjarjes.

Kandidati i PDK-së për kryetar të Prizrenit, Shaqir Totaj, së bashku me liderin e PDK-së, z.Kadri Veseli, i shoqëruar nga Ministri i Kulturës, Rinisë dhe Sportit, z.Kujtim Gashi, sonte qëndruan në bastionin politik të PDK-së, Atmaxhën, ku u pritën nga një numër shumë i madh i përkrahësve.

Totaj nga aty morri mesazhin e qartë që, Atmaxha, do të jetë përkrah tij në sfidën e zgjedhjeve të 22 tetorit, meqë ka një arsye më tepër për t’i qënduar besnik vizionit të PDK-së dhe liderit të saj, Kadri Veseli, sepse nga ky lokalitet vjen edhe ministri i ri Kulturës, Kujtim Gashi.

Në këtë takim, kryetari i ardhshëm i Prizrenit, z.Shaqir Totaj, prezantoi platformën e Forcës së Ndryshimit për Prizrenin, e cila do të ketë në listën e prioriteteve, subvencionimin e bujqësisë dume u siguruar prodhuesve treg të sigurt për ti shitur prodhimet. Njëherësh ai premtoi mundësi më të mëdha për zhvillimin e bizneseve të reja përmes Fondit për Zhillim prej 2 milionë euro.

Lideri i PDK-së, Veseli, ftoi që Atmaxha të votojë si në zgjedhjet e kaluara, duke i sjellur PDK-së fitoren plebishitare në zgjedhjet e 22 tetorit dhe kryetarin e ardhshëm të komunës së Prizrenit, Shaqir Totaj.

Kandidati Nismës për kryetar të Prizrenit, Zafir Berisha,fushatën zgjedhore e ka vazhduar në fshatin Piranë të Anadrinisë.
Ai tha se programi i Nismës për Anadrininë, është i begatë, duke specifikuar investimet që do të bëhen në këtë pjesë.

“Mirëpo, ajo çka mbetet shqetësuese për ne si drejtues të ardhshëm të Komunës, është krijimi i një klime investive, në mënyrë që të krijojmë vende të reja pune, për të gjithë këta të rinj e të reja, e në veçanti për ata që tashmë kanë edhe kualifikimet e nevojshme për punësim”, tha Berisha.

“Kjo pra mbetet në fokus të programit tonë për mandatin e ardhshëm katërvjeçar dhe në të njëjtën kohë do të instalohet edhe fryma socialdemokrate e NISMA për Kosovën”.

“Pa dyshim se përveç punësimit, në agjendën tonë për fshatin Piranë dhe Anadrininë në përgjithësi do të ketë projekte të shumta, projekte këto që janë të realizueshme, me ardhjen tonë ne qeverisjen komunale”.

Berisha ka kërkuar që të votohen edhe kandidatët për Kuvend të Nismës, sic janë Ditjona Tarjani,dhe Zenel Elshani.

Në Prizren, konkretisht në rrugën “Nëna Terezë”, është arrestuar një person, pasi që gjatë kontrollit tek i njëjti është gjetur dhe konfiskuar substancë e dyshuar narkotike e llojit marihuanë, shkruan PrizrenPress.

“Me urdhër të prokurorit pas intervistimit i dyshuari lirohet në procedurë të rregullt”, njofton Policia. /PrizrenPress.com/