Kryeministri i ri i Kosovës, Ramush Haradinaj, ka thënë se seanca që po mbahet sot nga opozita është e pakuptimtë.
Këtë deklaratë Haradinaj e ka dhënë në hollin e Kuvendit të Kosovës, derisa brenda në sallë po mbahet seanca e jashtëzakonshme e thirrur nga Vetëvendosje! dhe LDK-ja.
“Unë dje kam kërkuar debat që t’i dëgjojë dhe të përballemi, e lëshuan sallën. Kjo që po ndodh sot është e pakuptimtë”, ka theksuar Haradinaj. /Epoka e re/
Kuvendi i Republikës së Kosovës, sot në orën 12:00, do të mblidhet në seancë të jashtëzakonshme, sipas kërkesës së 53 deputetëve nënshkrues.
Kështu vendosi Kryesia e Kuvendit të Republikës së Kosovës, në mbledhjen e sotme të saj, të drejtuar nga kryetari Kadri Veseli.
Kryetari Veseli vlerësoi se kërkesa e parashtruar i plotëson kushtet procedurale.
Në këtë seancë do të debatohet lidhur me “Parimet Programore të Qeverisë së Republikës së Kosovës 2017-2021”, të prezantuar në seancën e 9 shtatorit 2017.
Revolucioni seksual në Evropën Perëndimore e në SHBA ka ndodhur shpejt duke përmysur thuajse të gjitha “normat morale dhe fetare”. Gjithçka e filluar me Frojdin duke vijuar me të tjerë psikolog, studiues e shkrimtarë konkludoi në çeljen e të parës revistë “me pullë të kuqe”, revistës “Playboy” në vitin 1953 në Çikago të SHBA.
Përveç efektit pozitiv të lirisë, revolucioni pati edhe të metat e veta si disafishim i divorceve në vetëm një vit e të tjera.
Por le ta shohim seksin në një tjetër këndvështrim, në atë të fshehtësisë së artistit, sidomos të shkrimtarit.
Cvajgu ka bërë nga viti 1910 deri ën vitin 1946 pafund biografi personazhesh historikë, shkrimtarësh, filozofësh e psikologësh. Po të lexojmë ato të shkrimtarëve, kuptojmë se disa nga më të suksesshmit kanë kaluar një jetë seksuale në shthurje të plotë, duke thyer çdo kufi të moralit të asaj kohe dhe të moralit fetar i cili nuk ndryshon.
Cvajgu, duke u bazuar në studimet e Frojdit, në librin biografik kushtuar këtij të fundit, e quan njeriun kafshë parahistorikë të burgosur prapa hekurave të moralit. Por artisti, bashkuesi i shkronjave për të krijuar fjalë, i fjalëve për të krijuar fjali e i fjalive për të krijuar paragrafe, lidhja mes të cilave duhet të prekte dhe/ose të zgjonte popullin, a mund të ishte një kafshë, për më tepër e burgosur prapa hekurave të moralit?
Kështu, disa shkrimtarë dolën nga kuadroja, për to e neveritshme dhe moslejuese, e moralit. Për këtë arsye, një pjesë e madhe e shkrimtarëve e kanë konsideruar veten ateist deri dhe antikrisht.
Pak kohë më parë, në datëlindjet respektive të secilit, Konica.al ka paraqitur fakte nga jeta e Hygoit, Kafkës dhe Heminguejt. Mjaft të lexojmë ato fakte, pa u përfshirë në studime të thella të jetës së tyre duke lexuar ndonjë nga biografitë e pafundme të bëra për to, mund të kuptojmë mënyrën se si ato shkrimtarë kanë dalë nga nga hekurat e moralit.
Ndër të paktët shkrimtarë të njohur që kanë folur haptazi për jetën e tyre seksuale dhe shfrenimin me të cilin e kalonin është Charles Bukowski. Në librin e tij “Femrat” (në anglisht Women), botuar nga shtëpia botuese “LMG”, ai, pavarësisht frazës klishe para thuajse çdo libri “Ky roman është pjellë e fantazisë.” , shpalos hapur marrëdhëniet e veta me seksin e bukur.
Nëpërmjet personazhit kryesor, Henri Kinaski i cili ka të gjitha tiparet e Bukowskit (lindur në vitin 1920 në Gjermani, jetonte në Los Angjelos, pinte e pinte pafund dhe ishte shkrimtar) ai tregon se si e kishte kaluar periudhën e plakjes së tij fizike si një shkrimtar, deri diku i suksesshëm mes dhjetra femrave.
Në një nga momentet që Henri po krijonte një marrëdhënie të qëndrueshme me një vajzë, “pra gjithçka shkonte si në vaj”, në të vërtetë ishte fatkeqësi sespe “ishin pikërisht këto gjëra që s’e linin një shkrimtar të punonte”.
Prandaj vlen të shktrohet një pyetje: A ka nevojë letërsia apo autori për shfrenimin sekusal?
Kryeministri në detyrë, Isa Mustafa, do t’ia dorëzojë postin e shefit të ekzekutivit Ramush Haradinajt, në ditën e parë të javës që vjen.
Burime të portalit “Koha.net” kanë bërë me dije se Mustafa e Haradinaj do të bëjnë pranim – dorëzimin e detyrës të hënën.
“Të hënën do të bëhet dorëzimi i detyrës te z. Haradinaj. Për orën, mbetet që të konfirmohet, por besojmë se do të jetë aty kah mesdita”, ka thënë për portalin “Koha.net” një burim brenda kabinetit të Mustafës.
Lidhja Demokratike e Kosovës, Lëvizja Vetëvendosje dhe Alternativa kërkojnë mbajtjen e një seance të jashtëzakonshme të Kuvendit të Kosovës për sot në ora 12.00.
Kërkesa është bërë me arsyetim të mungesës së debatit në seancën e 9 shtatorit lidhur me parimet programore të Qeverisë së Kosovës 2017-2021.
Kërkesa me nënshkrimet e deputetëve të këtyre partive i është dërguar kreut të Kuvendit të Kosovës Kadri Veseli dhe Kryesisë së Kuvendit.
Deputeti i partisë, Nisma, Zafir Berisha ka abstenuar gjatë votimit të qeverisë Haradinaj. Zafir Berisha ka thënë se nuk e voton një Qeveri të ndërtuar nga kryehajduti i Kosovës, Hashim Thaçi dhe e kushtëzuar nga Lista Sprksa e AKR-ja.
Deputeti i partisë Nisma, Zafir Berisha pavarësisht që është pjesë e koalicionit PAN, pak minuta para se të fillojë seanca ka njoftuar se nuk do të votojë qeverinë Haradinaj.
Parlamenti i Kosovës ka votuar në orët e mbrëmjes së sotme qeverinë e re të koalicionit PDK-AAK-NISMA-AKR dhe Lista Serbe.Më 62 vota pro është zgjedhur kryeministër i nominuari për këtë post nga koalicionit PANA Ramush Haradinaj.Ndërsa kundër kësaj qeverie në krye me Haradinajn nuk pati asnjë votë, kjo pasi që deputetë nga radhët e VV-së, LDK-së dhe Alternativës e kanë lëshuar sallën e Kuvendit të Kosovës në shenjë proteste, pas refuzimit të kërkesës për debat rreth përbërjes së qeverisë së re, raporton GazetaBlic.com
Këta janë emrat e kabinetit qeveritar të Qeverisë Haradinaj:Kryeministër Ramush HaradinajZëvendëskryeministra:
Enver Hoxhaj
Fatmir Limaj
Behgjet Pacolli
Dalibor Jevtiq
Dardan Berisha
Ministrat:Ministria e Financave: Bedri Hamza
Ministria e Inovacionit dhe Ndërrmarrësisë: Besim Beqaj
Ministria e Drejtësisë : Abelard Tahiri
Ministria e Drejtësisë: Uran Ismajli
Ministria e Integrimeve Evropiane: Dhurata Hoxha
Ministria e Kulturës: Kujtim Gashi
Ministria e Infrastrukturës: Pal Lekaj
Ministra e FSK-së Rrustem Berisha
Ministra e Arsimit: Shyqeri Bytyqi
Ministria e Tregtisë: Bajram Hasani
Ministër i Punës Skender Recica
Ministria e Punëve të Jashtme Behgjet Pacolli
Ministria e Mjedisit Albena Reshitaj
Ministria e Punëve të Brendshme Flamur Sefaj
Ministria e Zhvillimit Ekonomik Valdrin Lluka
Ministria e Diasporës Dardan Gashi
Ministria e Pushtetit Lokal Ivan Todosijeviq
Ministria për Kthim: Dalibor Jevtiq
Ministria e Bujqësisë Nenad Rikalo
Ministria e Administratës Publike Mahir Jagcilar
Ministria e Zhvillimit Rural Rasim Demiri
Deklarimi i deputetit të Nismës për Kosovën, Zafir Berisha se nuk do ta mbështes me votë qeverinë Haradinaj ka bërë bujë të madhe.
I pyetur nga mediet, Bilall Sherifi tha se një nga arsyet pse Berisha nuk e mbështet qeverinë Haradinaj është propozimi i PDK-së qe ministër i Kulturës të jetë Kujtim Gashi.
Por, kjo po del të mos jetë arsyeja.
I kontaktuar nga ‘Indeksonline’, Bilall Sherifi ka thënë se nuk ka pasur informacione të sakta përkitazi me këtë çështje.
“Unë sapo zhvillova një takim me kolegun Berisha dhe mund të konfirmoj qe Kujtim Gashi nuk është arsyeja pse Berisha nuk po e mbështet qeverinë Haradinaj. Sigurisht, ai mund të ketë arsye tjera”, ka thënë Sherifi.
Megjithatë, vet Berisha e ka përmendur Hashim Thaçin si arsye pse nuk qeveria Haradinaj nuk e mbështet propozimin e tij. /Indeksonline/
Kryetari i Partisë Demokratike të Kosovës, Kadri Veseli, ka realizuar premtimin e dhënë në Prizren se Ministria e Kulturës Rinisë dhe Sportit do të zhvendoset në këtë qytet dhe se ajo do të drejtohet nga një Ministër i Prizrenit.
PDK ka vendosur që Ministrinë e Kulturës, Rinisë dhe Sportit do ta udhëheqë Kujtim Gashi, i cili aktualisht mban detyrën e Kryesuesit të Kuvendit Komunal të Prizrenit, por më parë ka udhëhequr Departamentin e Kulturës dhe ka mjaft përvojë në këtë fushë.
Me ftesë të Shtëpisë së Bardhë në Shtetet e Bashkuara të Amerikës, Kujtim Gashi ka kryer trajnime të specializuara për lidership.
Aktualisht është pranë mbrojtjes së masterit në Fakultetin e Edukimit.
Ministri Gashi aktualisht e ushtron detyrën e kryesuesit të Kuvendit Komunal të Prizrenit ndërsa në të kaluarën ka qenë edhe Koordinator i Sektorit të Rinisë në Komunën e Prizrenit.
Ai ka qenë pjesëtar i Trupave Mbrojtëse të Kosovës – Kompania e Ndërlidhjes – Zona II-të, ndërsa po ashtu është themelues i revistës studentore “Ardhmëria” dhe themelues i organizatës studentore “ShAPS”.
Në dalje të qytetit të Prizrenit, në drejtim të burimit të Lumbardhit të Prizrenit është një objekt i veçantë. Është ky hidrocentrali i Prizrenit, objekt muze. Deri në vitin 1973 banorët e Prizrenit janë furnizuar me dritë nga ky hidrocentral.
Përpjekjet për elektrifikim të Prizrenit datojnë nga vitit 1908
Në historinë e elektro energjetikës së Kosovës thuhet se përpjekjet e para për prodhimin e energjisë elektrike në Kosovë janë të vitit 1908, kur janë bërë përpjekje për formimin e një organizate për ndërtimin dhe shfrytëzimin e energjisë elektrike në Prizren, ndërsa pas një viti ka filluar aksioni për ndërtimin e centralit elektrik mbi lumin e qytetit.
Mirëpo, thuhet më tej në këtë histori, luftërat ballkanike dhe lufta e parë botërore e kanë ndërprerë këtë nismë për ndërtimin e hidrocentralit në lumin e qytetit të Prizrenit.
Centralet e para në Kosovë ndërtohen me mjetet e kapitalit të jashtëm apo të brendshëm privat dhe qyteti i parë në Kosovë, që ka pasur fatin të “shijojë” dritën elektrike është Ferizaji.
Në vitin 1922 në këtë qytet, në një mulli të një hoxhe identiteti i të cilit, nuk dihet, instalohet një gjenerator, i cili ditën shërbente për nevoja të mullirit kurse natën për ndriçimin e lokaleve të rëndësishme, tregut dhe rreth 60 amvisnive të këtij qyteti.
Më 1927 në Prishtinë ndërtohet një termocentral me avull, me fuqi 60 kVA e më vonë 400kVA. Në të njëjtin vit ndërtohet hidrocentrali mbi lumin Ibër për ndriçimin e Mitrovicës, i cili, pas 12 vitesh më 1939 pushon së punuari.
Në vitin 1928 në lokalet e një mulliri në Pejë, montohet gjeneratori që njëkohësisht ndriçon edhe disa rrugë kryesore të qyteit.
Ndërsa në Prizren drita e parë vjen në vititn 1929, njëzet e një vjet pas nismës së parë për ndërtimin e hidrocentralit mbi lumin e qytetit, nga i cili do të bëhet elektrifikimi e qytetit..
Në këtë vit ndërtohet hidrocentrali që sot është objekt muze nën mbrojtjen e shtetit. Hidrocentrali në fillim ishte me fuqi 160kVA, ndërsa pas tetë vjetësh montohet gjeneratori i dytë dhe kapaciteti elektrik zmadhohet në 320kVA.
Ky hidrocentral në atë kohë ka qenë më rentabil dhe teknikisht më i pasuri në Kosovë. Sipas dëshmitarëve të kohës, nga hidrocentrali i parë i Prizrenit kanë mundur ta marrin dritën vetëm familjet e pasura prizrenase.
Në vitin 1931 në Prizren kanë funksionuar tri trafo që kanë prodhuar 220 000 k£h. Nga historia e elektrifikimit të qytetit të Prizrenit është interesant të përmendet e dhëna se me elektrifikimin e Prizrenit, qyteti e fiton edhe kinoaparaturën e parë, më të cilën kanë mundur të shihen filma dokumentar dhe artistik në sallën e kinemasë së qytetit.
Në ato vite prodhimi i energjisë elektrike te afaristët e Prizrenit zgjoi interesim për rritje të kapacitetit të hidrocentralit me qëllim të zhvillimit të veprimtarive ekonomike dhe të zhvillimit të veprimtarive të tjera në bazë të shfrytëzimit të energjisë.
Tregtarët prizrenas mendojnë për hekurudhën e parë elektrike në Ballkan
Në historikun e elektrifikimit të Prizrenit thuhet se personalitetet autoritative nga radhët e tregtarëve të pasur prizrenas formuan këshillin nismëtarë që kishte për detyrë ta vlerësojnë mundësinë për ndërtimin e hekurudhës elektrike në rrugën Prizren- Ferizaj- Shkup.
Ky këshill në të cilin ishin Haxhi Rrustem Shporta, Shani Llausha etj e filloi punën seriozisht, madje mblodhi edhe kapitalin fillestar, i cili nuk ishte i vogël, por pushteti i atëhershëm nuk ishte i interesuar që të zhvillohej Kosova e lëre më për zhvillimin e Prizrenit, prandaj idea për ndërtimin e hekurudhës së parë elektrike në Ballkan ra në harresë.
Me zhvillimin në këtë fushë të Kosovës, hidrocentrali mbi lumin e qytetit të Prizrenit e ndërprenë prodhimin e energjisë elektrike më 1 nëntor të vitit 1973 për shkak të kapacitetit të vogël dhe vjetrimit të stabilimenteve, përkatësisht zgjerimit të qytetit.
Me rastin e 50 vjetorit të themelimit të këtij hidrocentrali me 8 nëntor të vitit 1979 nga Enti për Mbrojtjen e përmendoreve kulturore të Prizrenit ky objekt shpallet objekt muze i elektroekonomisë së Kosovës.
Në këtë objekt muze gjenden: stabilimentetet e hidrocentralit, materiali arkivor mbi nismën dhe përfundimin e objektit, grafikonet dhe fotografitë e objekteve të elektroekonimisë së Kosovës, veglat dhe materialet instaluese prej ditëve të para të elektrifikimit të Prizrenit, trafoja e vjetër nga Ferizaji, pjesët e hidrocentraleve të vogla nga anë të ndryshme të Kosovës, pjesë të centralit me gaz të Gjilanit etj. /Gazetaere.com/