Policia e Kosovës ka njoftuar se sot në Prizren janë therur me thikë dy persona, në raste të veçanta, ndërsa viktimat janë duke u trajtuar në qendrën shëndetësore.

Njoftimi i Policisë:

Sot rreth orës 16:00, në rrugën “Tamil Shala” në Prizren, pas një mosmarrëveshje mes dy të rinjve, njëri nga ta mbetet i therur me thikë disa herë në pjesë të ndryshme të trupit dhe për ketë, viktima është ndalur për trajtim mjekësor ne repartin e kirurgjisë.

Ndërkaq, rreth orës 18:20 minuta, në rrugën “Hysein Rexhiq”  një i dyshuar pas një mosmarrëveshje e ther me thikë viktimën, të cilit i shkakton lëndime të rënda trupore për të cilat po trajtohet në repartin e ortopedisë.

Në të dyja rastet policia ka kryer procedurat e duhura hetimore.

Kandidati i Partisë Demokratike të Kosovës për kryetar të Prizrenit, Shaqir Totaj ka bërë sot prezantimin e programit të tij qeverisës për Prizrenin në një tubim të madh me qytetarë dhe simpatizantë.

Planprogrami i cili u prezantua sot nga Totaj përmban hic më pak se 17 prioritete, si dhe 55 zotime për qeverisje të mirë, të cilat ka premtuar se do t’i përmbushë gjatë mandatit katër vjecar.

Si prioritete kryesore, Totaj ka prezantuar Fondin për Zhvillimin e Qytetit, prej 2 milionë eurove, për përkrahjen e bizneseve të reja dhe idetë më inovativve në fushën e ndërmarrësisë. Prioritet tjetër, do të jetë trashëgimia në funksion të turizmit, më pas arsimi, shëndetësia, etj.

Totaj ka kërkuar mbështetjen e Prizrenasve më 22 tetor, duke u premtuar se është i gatshëm t’ia kthejë Prizrenit të mirat që ia ka dhënë ky qytet gjatë gjithë jetës së tij.

Kandidati i Nismës për kryetar të Prizrenit, Zafir Berisha, fushatën zgjedhore e ka vazhduar në fshatin Malësi e Vrrinit (Lybeqevë).

Ai, edhe në këtë fshat, ka ftuar banorët që të votojnë Nismën me 22 tetor.

“Marrë parasysh sakrificën dhe kontributin tuaj në luftën e fundit, atëherë si mund ta lejojmë nëpërkëmbjen dhe përbuzjen që po iu bëhet nga bandat e parapolitikes së partisë në pushtet”, tha Berisha.

Sipas tij, partitë e tjera nuk e din se ku i bie fshati Lybeqevë.

Kandidatet për Kuvend, Egzon Shabanaj dhe Ibrahim Poniku, ndërkaq kanë thënë se Zafir Berisha është kandidati i vetëm që mund të nxjerrë nga kolapsi Prizrenin. /PrizrenPress.com/

Prokuroria Themelore në Prizren, Departamenti i Përgjithshëm, ka ngritur aktakuzë kundër zyrtarëve S.K., drejtor i Inspeksionit në Komunën e Suharekës dhe V.K. asambleist në Asamblenë Komunale të Prizrenit, raporton Indeksonline.

Sipas aktakuzës, S.K dhe V.K., akuzohen pasi që nuk e kanë bërë deklarimin e pasurisë, të të ardhurave, të dobisë së tjetër pasurore ose të detyrimeve financiare, duke mos i paraqitur brenda afatit për paraqitjen e deklaratës për periudhën e vitit 2016, edhe pse këtë është dashur ta bëjnë deri më datën 31.03.2017, edhe përkundër asaj që të njëjtit kanë qenë të njoftuar – paralajmëruar nga ana e Agjencionit Kundër Korrupsionit.

S.K dhe V.K., Me këto veprime kanë kryer veprën penale mos raportimi ose raportimi i rremë i pasurisë, i të ardhurave, i dhuratave, i dobisë tjetër materiale ose i detyrimeve financiare nga neni 437 paragrafi 1 të KP-së.