Një motoçiklist nga Suhareka është lënduar rëndë pasi ka goditur një traktor, shkruan PrizrenPess.
Siç njoftoi Policia e Kosovës, dje në orën 15:00 në rrugën “Xhavit Bajraktari”, i dyshuari përderisa ishte duke lëvizur me motoçikletë nga pakujdesia, ka goditur një traktor që drejtohej nga viktima mashkull.
Si pasojë e aksidentit i dyshuari ka pësuar lëndime trupore dhe i njëjti është dërguar për tretman mjekësor në QKUK- në Prishtinë. /PrizrenPress.com/
Në Universitetin “Ukshin Hoti” në Prizren këtë javë kanë qëndruar dy profesor nga Universiteti i Innsbruck në kuadër të programit ERASMUS +. Ata kanë mbajtur ligjërata të vlefshme për studentët e drejtimeve të ndryshme të UPZ-së. Prof. Dr. Forg Meier dhe Prof. Dr. Roland Werzilek, mbajtën ligjërata për studentët e Fakultetit të Filologjisë, drejtimi i Gjermanishtes, për studentët e Fakultetit të Edukimit, të Juridikut dhe të Ekonomikut.
Ardhjen e këtyre profesorëve nga ky universitet prestigjioz evropian e ka organizuar Prof. Ass. Dr. Kimete Canaj dhe Prof. Dr. Izer Maksuti, të dy këta profesor në Universitetin “Ukshin Hoti” në Prizren.
Profesorët Werzilek dhe Meier me këtë rast theksuan se janë ndier mjaftë mirë në Prizren për këto ditë sa kanë qëndruar dhe se janë impresionuar me stafin e përgatitur që ka drejtimi i gjermanishtes në kuadër të UPZ-së, si dhe me interesimin e madh të studentëve për të mësuar dhe nivelin shumë të mirë të njohurive të gjuhës gjermane dhe angleze. Ata thanë se kanë pasur një debat mjaft të frytshëm me personelin akademik të drejtimit të gjermanishtes dhe se kanë diskutuar për mënyrën e avancimit të këtij programe në të ardhmen. Ata shtuan se janë të gatshëm të mbështesin UPZ-në në shumë aspekte me qëllim që të zhvillohet ky universitet.
Barcelona është e gatshme të bëjë ofertë për transferimin e mbrojtësit të Arsenal, Hector Bellerin.
Spanjolli, që u largua nga skuadra katalunase më 2011, shihet si zëvendësues për Dani Alves.
Transferimin e tij e bën potencialisht të realizueshëm largimi i Arsene Ëenger nga Emirates Stadium gjatë verës.
Në fillim u mendua se ishte në pyetje vetëm një ftohje dhe pezmatim i fytit, pasi kështu i thoshin edhe mjekët, por më vonë Asdren Krasniqi nga fshati Damjan i Gjakovës u diagnostikua me leukemi dhe tash i duhen rreth 160 mijë euro për shërim jashtë vendit, para këto që familja e Asdrenit nuk i ka
Jo rastësisht thuhet se shëndeti është pasuria më e madhe e njeriut. Dihet shumë mirë se një person i sëmurë në familje ka ndikim të drejtpërdrejtë në gjendjen e anëtarëve të tjerë të asaj familjeje, posaçërisht në raste kur ata nuk janë në gjendje t’i ndihmojnë të sëmurit. Këtë, në lëkurën e vet, drejtpërdrejt e ka përjetuar familja e Agim Krasniqit nga lagja e Shehut në fshatin Damjan të komunës së Gjakovës. Deri para disa muajsh, Agimi, bashkëshortja e tij dhe 5 fëmijët e tyre përbënin një familje të lumtur. Pavarësisht se edhe ata, sikurse edhe shumë familje të tjera kosovare, nuk ishin të kursyer nga problemet e natyrës financiare, ato arrinin t’i përballonin me optimizëm dhe shpresë se do të bëhet më mirë. Ai disponim i mirë në këtë familje tash mungon, lumturia e tyre disi ka tretur! Në fakt mungon tash e më shumë se dy muaj, prejse anëtarit më të vogël të kësaj familjeje, Asdrenit dyvjeçar, iu është keqësua seriozisht gjendja shëndetësore. Tash, të gjithë anëtarët e kësaj familjeje, por edhe farefisi i ngushtë nuk bëjnë “verë me gojë”.
U tret lumturia e familjes
Janë shumë të brengosur me gjendjen shëndetësore të Asdrenit dhe të dëshpëruar që nuk janë në situatë t’i ndihmojnë vetë.
“Aty, pak para Vitit të Ri, Asdreni ishte pak i sëmurë. E dërguam te mjeku për kontroll dhe vlerësimi i parë i mjekëve ishte se është ftohur dhe se ka infeksion në fyt, për ç’arsye ai vazhdimisht djersitej. Ia përcaktuan disa terapi të cilat ne me rregull i aplikuam, por gjendja e djalit nuk përmirësohej”, fliste të premten, me mjaft mundime, babai i Asdrenit, Agim Krasniqi, i cili, për një moment e ndërpreu rrëfimin e tij, pasi mezi merrte frymë dhe nga syri i pikuan dy pika lot, të cilat i fshiu me shpejtësi dhe në mënyrë diskrete që të mos e shohin anëtarët e tjerë të familjes.
Meqenëse, përkundër terapisë së rregullt të përcaktuar nga mjekët, gjendja e Asdrenit nuk përmirësohej, babai i tij e dërgoi edhe te mjekë të tjerë dhe pas shumë kontrollimeve dhe analizave, mjekët në Prishtinë e konstatuan se çuni dyvjeçar vuan nga një sëmundje e rëndë, vuan nga leukemia.
“Ky konstatim i mjekëve ishte sikur të pëlciste një bombë e madhe në shtëpinë tonë, në familjen tonë. Ngelëm pa fjalë, nuk dinim si të reagonim. Kishim dëshirë të besonim se ky është një gabim i mjekëve i cili do të ndryshoi së shpejti dhe ata do të dalin me një diagnozë tjetër, më të volitshme. Mirëpo, nga dita në ditë, kjo dëshirë jona sa vinte e zbehej. Nga dita në ditë, bëhej gjithnjë e më e qartë se, pavarësisht se nuk na pëlqente, diagnoza ishte e saktë, dhe befasinë tonë e zëvendësuan dëshpërimi dhe brenga e madhe se çka të bëjmë tash, si të veprojmë, si t’i ndihmojmë djalit? Net të tëra, unë dhe gruaja nuk kemi futur gjumë në sy, duke u munduar të gjejmë zgjidhje për këtë situatë shumë të papritur për ne” e përshkruante Agimi periudhën e kaluar prej dy muajve, që nga Viti i Ri e deri më tash. /Kosova Sot/
Drejtori i Qendrës Rajonale për Trashëgimi Kulturore në Prizren, Samir Hoxha, së bashku me Sekretarin e Përgjithshëm të Ministrisë së Kulturës Rinisë dhe Sportit Veton Firzi dhe me ushtruesin e detyrës së drejtorit të Institutit të Kosovës për Mbrojtjen e Monumenteve Agim Gurguri, kanë nënshkruar Memorandumin e Mirëkuptimit për ndërhyrje restauruese – konzervuese në Qendrën Historike të Prizrenit në vlerë prej 250 mijë eurosh.
“Qëllimi i këtij Memorandumi të Mirëkuptimit është përmbushja e objektivit të përgjithshëm për ndërhyrje konsoliduese emergjente për shpëtim dhe rehabilitim në asetet e trashëgimisë kulturore në Qenrën Historike të Prizrenit”, ka thënë Samir Hoxha, drejtor i QRTK-së në Prizren.
“Përmes zbatimit të këtyre ndërhyrjeve do të bëhet konsolidimi, stabilizimi dhe shpëtimi i trashëgimisë kulturore të rrezikuar nga shkatërrimi dhe dëmtimi nga faktorët e ndryshëm natyrorë dhe njerëzorë. Ruajtja, mbrojtja dhe promovimi i trashëgimisë kulturore vazhdon të mbetet prioritet i Ministrisë se Kulturës, Rinisë dhe Sportit”, ka thënë ai, shkruan PrizrenPress.
Sipas Hoxhës, riaftësimi i ndërtesave të trashëgimisë kulturore – historike, adaptimi dhe destinimi i ri do të bëhet konform standardeve ndërkombëtare profesionale dhe ligjore duke siguruar kështu ruajtjen e vlerave të tyre në njërën anë, dhe që të shfrytëzohen nga shoqëria si potencial për zhvillim ekonomik, social dhe kulturor, në anën tjetër.
Aplikimi i ndërhyrjeve restauruese konservuese, me theks të veçantë ato me karakter konsolidues – emergjent, për shpëtim dhe rehabilitim si dhe mënyra e kryerjes së këtyre ndërhyrjeve, janë detyrim ligjor dhe veprim i domosdoshëm i institucioneve të Republikës së Kosovës.
Në funksion të detyrimeve që u sipërtheksuan, MKRS dhe Qendra Rajonale për Trashëgimi Kulturore në Prizren kanë zhvilluar projekte për rehabilitimin e ndërtesave me vlera kulturore dhe historike.
Kjo veprimtari do të zbatohet përmes një qasje të integruar përmes aktiviteteve të poshtëshënuara:
– Ndërmarrjen e masave në parandalimin dhe reduktimin e fenomeneve të dëmtimit, degradimit apo shkatërrimit të trashëgimisë kulturore duke i paraprirë dhe me hartim të dokumentacionit;
– Ndërmarrjen e masave konsoliduese urgjente për të shpëtuar dhe konsoliduar trashëgiminë e dëmtuar e deri në ndërmarrjen e masave të specializuara restauruese;
– promovimin dhe mbështetjen e ndërmarrjeve të specializuara restauruese dhe rehabilituese/studimet dhe planet e konservimit;
– promovimin e revitalizimit të trashëgimisë kulturore si komponentë për programe tjera zhvillimore.
Në këtë kontekst, MKRS dhe QRTK në Prizren përkushtohen që të zbatojnë programin e specifikuar bazuar edhe në Vendimin e MKRS – së, për aktivitete konservuese-restauruese si akt zbatues i dispozitave ligjore të Ligjit Nr. 02/L – 088 për Trashëgiminë Kulturore të cilat rregullojnë aktivitetet e listuara më lartë. /PrizrenPress.com/
Numëron vite mbi supe, shumë prej tyre të suksesshme në karrierë, është kjo Nexhmije Pagarusha e cila vazhdon të mbetet zë i mrekullueshëm.
Artistja e emëruar tashmë me epitetin “Bilbili i Kosovës” nuk e ka përfunduar rrugën e saj të përjetshme me muzikën, kjo pasi shumë shpejt ajo do të rikthehet me një projekt të ri shumë të veçantë dhe shpirtëror.
Telegrafi mëson se Nexhmije Pagarusha kësaj radhe do të vijë me një bashkëpunim me këngëtaren Yllka Kuqi, me një këngë tepër të veçantë dedikuar nënave.
Në një prononcim ekskluziv për Telegrafin, këngëtarja Pagarusha rrëfehet për këtë rikthim të veçantë pas kaq vitesh në skenë.
“Nuk e di a ka ndonjë njeri të paprekur nga ata që e kanë përjetuar vdekjen e prindit, e në veçanti të nënës, ideja për këtë këngë më ka mahnitur shumë, ndaj dhe ftesën e Yllkës e kam mirëpritur me kënaqësi”, tha ajo për Telegrafin.
Teksti i këngës është bazuar në një ngjarje të vërtetë, dhe është shkruar nga një vajzë e cila e ka humbur nënën, e ndjera e cila ishte njëkohësisht edhe mikeshë e ngushtë e këngëtares Pagarusha, një arsye më shumë për të marrë pjesë në këtë projekt.
“Tekstin e këngës e ka shkruar vajza e një shoqes sime të ndjerë, me të cilën kam pasur një miqësi shumë të mirë, ndërsa Yllka e ka kënduar në mënyrën më të mirë të mundshme”, shtoi më tej ajo.
Yllka dhe Nexhmija nuk janë të vetmet këngëtare të cilat do të marrin pjesë në këtë këngë, pasi në zërat përcjellës do të jenë Leonora Jakupi e Genc Prelvukaj, gjersa protagonistë në klip janë aktorët e njohur të skenës sonë: Ylber Bardhi, Fatos Kryeziu dhe Adriana Matoshi.
“Klipi ka përfunduar xhirimet para pak ditësh, jemi ndarë të kënaqur me realizimin. Unë vazhdoj t’u përgjigjem projekteve të veçanta në muzikë përderisa ende kam forcë, atëherë kur unë të të mos mundem, do të them mjaft”, ka përfunduar Nexhmije Pagarusha në rrëfimin e saj për Telegrafin.
Data e publikimit të këtij projekti, që me shumë gjasë do të mbajë titullin “Nënë” është 4 mars 2017, në kuadër të festës së gruas e cila është për pak ditë.
Mbetet të shihet se sa i bukur do të jetë ky projekt i cili me temën e veçantë që trajton, ka mbledhur rreth vetës shumë artistë.
Një aksident rrugor ka ndodhur në Rrugën e Kombit, më saktësisht në afërsi të qytetit të Suharekës. Veturat janë përplasur në aksin rrugor në drejtim të Shqipërisë.
Nga fotografitë që Gazeta Express ka siguruar nga një lexues, aksidenti duket të ketë qenë i rëndë edhe pse nuk ka të dhëna për ndonjë viktimë.
Ditët e fundit janë shënuar me aksidente të shpeshta rrugore, disa prej të cilave kanë pasur edhe pasoja tragjike.
Në një konferencë për medie, dega e LDK-së në Prizren e ka akuzuar qeverinë lokale se po abuzon me ndarjen e mjeteve për mbulimin e varrimit të qytetarëve, vendim ky i marr në Kuvendin Komunal me votat e të gjithë kuvendarëve të të gjitha subjekteve politike.
Zëdhënësi i LDK-së Shkëmbim Cikaqi, para pjesëtarëve të medieve tha se iniciativa e LDK-së për mbulesën e shpenzimeve të varrimit, u votua unanimisht nga Kuvendi i Prizrenit gjysmën e parë e vitit të kaluar, por për shkak të ndarjes së buxhetit, shtoi ai u vendos që të fillon së zbatuari nga 1. janari i vitit 2017.
Këtë premtim e kishin dhënë para krerëve KBI-së, kryetari i Komunës Ramadan Muja dhe kryesuesi i Kuvendit Kujtim Gashi, në një mbledhje të jashtëzakonshme të thirrur nga ky i fundit. Edhe pas tre muajve të kaluar, ky premtim i dhënë dhe pas ndarjes së buxhetit nuk po jetësohet, ndërsa nga fillimiiI vitit kanë ndërruar jetë mbi 130. qytetarë, theksoi ai.
Dega e LDK-së në Prizren nuk e di çfarë ndodhi me këtë projekt, përse krerët komunal asnjëherë nuk e kontaktuan Bashkësinë Islame dhe përse nuk u arrit ndonjë marrëveshje me ata mbetet e pakuptimtë.
Çfarë fshihet edhe pas këtij premtimi të rremë?
A duhet të dyshojmë se krerët komunal, në mesin e tyre Ramadan Muja dhe Kujtim Gashi, dëshirojnë që këtë problem ta zgjidhin me tenderë dhe të përfitojnë edhe nga vdekja qytetarëve, u shpreh më tej zëdhënësi Cikaqi.
Lidhur me këtë rast kryesia e LDK-së në Prizren shpreh shqetësimin e saj për neglizhencën dhe papërgjegjësinë e krerëve komunal. Çdo vonesë nga tani e tutje është e pajustifikueshme, prandaj kërkojmë nga kompetentët që të fillojnë zë zbatuari këtë premtim moral e shoqëror që vet e kanë dhënë. /TV Prizreni/
Kryetari i LDK-së Haxhi Avdyli thotë se PDK-ja po përgatitet që të ‘grabisë’ votën e qytetarëve me mashtrime të vjetra. Sipas tij, ky subjekt politik, deri më tash ka anashkaluar Prizrenin.
“Prizreni u anashkalua nga PDK-ja në këto vitet s ishin në pushtet. Premtimet e tyre ishin sa për të grabitur votën. E njëjta grabitje po tentohet të bëhet edhe sivjet”, tha Avdyli, shkruan PrizrenPress.
Kryetari i PDK-së, Kadri Veseli, ka premtuar se nëse e fiton besimin e qytetarëve të Kosovës, dy ministri të Qeverisë së Kosovës, do t’i bartë në Prizren. Ai, ka premtuar se Ministria e Kulturës dhe ajo e Turizmit, do të transferohen nga Prishtina në Prizren.
Kryetari i LDK-së në Prizren Haxhi Avdyli tha se PDK-ja ka mundur të realizojë këto premtime.
“ Natyrshëm lind pyetja kush i ndalojë që t’i realizojnë këto premtime për gjithë ato vite në pushtet?”.
“Pse nuk u realizua asnjë investim serioz, e as nuk u funksionalizuar deri më tash Parku i Biznesit ?”, pyet Avdyli.
Avdyli tha se qytetarët e Prizrenit, sivjet nuk do të mashtrohen nga premtimet e PDK-së./PrizrenPress.com/
Skender Berisha
Klasa ime e thinjur,
Më është rralluar.
Pak një resht,
Pak i dyti e i treti,
E unë i shoh të gjithë;
Edhe ty edhe ty.
Endet silueta e jote
Edhe jotja edhe…
Në ëndërr më shtohet një shpresë,
Ditën më shprishet më tretet.
Mos ju shoh ditë tjetër!
Më duket vetja sa vetëm.
Dhimbja nuk ik,
Aty krejt ngat mbetet…
3 mars 2017,Prizren