Lidhja Demokratike e Kosovës (LDK), është e gatshme për zgjedhje të cilat do të mbahen në bazë të marrëveshjes me koalicionin qeverisë Partinë Demokratike të Kosovës (PDK).

Kështu thotë kryetari i Komunës së Suharekës, Sali Asllanaj, në një intervistë për Agjencinë e Lajmeve Ekonomia Online, i cili tregon se a do të kandidojë sërish për kryetar të Komunës së Suharekës në rast se partia e tij ia kërkon një gjë të tillë.

Asllanaj gjatë intervistës po ashtu ka folur rreth klimën biznesore në këtë komunë, duke theksuar se po krijojnë një infrastrukturë të mirëfilltë për të përmirësuar atmosferën e biznesit. Ai tregon se cilat masa i kanë ndërmarrë për të zvogëluar burokracinë komunale.

Madje Asllanaj tregon se a ka klimë të shantazhit dhe kërcënimeve ndaj bizneseve.

Ai ka folur edhe për borxhet e mbetura dhe shlyerjen e tyre, si dhe punët që i kanë kryer kompanitë pa kontrata e me të cilat janë duke u ballafaquar me procese gjyqësore.

Po ashtu ai ka folur edhe rreth projekteve të cilat i ka kryer gjatë mandatit qeverisës, rreth të hyrave vetanake, për të cilat ka treguar se kanë ngritje nga viti në vit.

“Është fat i mirë që gjithnjë kemi pasur një rritje permanente të të hyrave vetanake, çdo vit kemi pasur ngritje diku rreth 200 – 300 mijë euro mbi nivelin e vitit paraprak. Këtë vit kemi diku 25 % më tepër të hyra vetanake se sa në vitin e kaluar”, theksoi ai.

Po ashtu Asllanaj flet edhe për dëmet e shkaktuara nga reshjet e fundit dhe si do t’iu dalë në ndihmë fermerëve me subvencione.

*

EO: Kryetar, cilat janë tri projektet më madhore që i keni realizuar dhe me të cilat do të mbahesh mend nga qytetarët e Therandës?

Asllanaj: Mendoj që gjithmonë, prioritet i yni ka qenë procesi i ngritjes së infrastrukturës shkollore dhe në këtë aspekt kemi pasur një rezultat mjaftë të mirë duke i falënderuar edhe kontributin e Ministrisë së Arsimit dhe me kontributin e qytetarëve të Therandës. I kemi ndërtuar dy shkolla me ndihmën e donatorëve nga Austria. Gjatë këtij afati tre vjeçar i kemi ndërtuar katër shkolla si projekte të reja shkollore. Po ashtu, edhe procesi i ujësjellësit ku është një projekte milionësh ku do të futet në menaxhim të ujësjellësit dhe të ngritët cilësia e furnizimit me ujë. Do të ndërtohen edhe katër ujësjellës të rinj ku këto janë projektet që vërehen dhe kanë ndikim më të madh.

EO: Në cilët sektorë ka nevojë të investohet më shumë?

Asllanaj: Mendoj që gjithmonë lë për t’u dëshiruar, sepse secila sferë e jetës ka nevojë për investime më cilësore. Zhvillimi ekonomik është më i dobishëm në komunën tonë. Si prioritet e kemi zonën industriale në Shirokë dhe Agro-Zonën në Samadraxhë, ku kanë filluar investimet e mëdha. Po bëjmë më të mirën për krijimin e vendeve të punës. Komuna bashkë me Ministrinë e Tregtisë ka bërë investime në Agro-zonë dhe tash infrastruktura e rrugëve, ujësjellësi dhe rryma janë në gjendje shumë të mirë dhe e jep mundësinë më të lehtë të funksionalizimin e bizneseve.

EO: Ditëve të fundit në vendin tonë ka mbretëruar kohë me riga të mëdha të shiut, sa ju ka sjellë dëme fermerëve të Suharekës. Me çka ju ka dalë në ndihmë Komuna?

Asllanaj: Këto reshjet e fundit që kishim kanë qenë mjaftë të mëdha, por për fat të mirë nuk kemi pasur dëme shumë të mëdha. Në fshatin Libishtë janë bërë ca vërshime të sipërfaqeve të mbjella me lakra dhe komisioni do të dalë dhe të bëjë vlerësimin. Komuna do t’ju dalë në ndihmë këtyre dëmtimeve të fermerëve me subvencionimin për dëmet që kanë pësuar. Nuk mund t’i subvencionojmë 100 për qind dëmet, por me një përqindje të konsiderueshme gjithmonë ju ndihmojmë atyre fermerëve të cilat pësojnë dëme nga reshjet.

EO: Gjatë këtij viti sa po flasim, sa është realizuar shkalla e realizimit buxhetor nga të hyrat vetanake?

Asllanaj: Është fat i mirë që gjithnjë kemi pasur një rritje permanente të të hyrave vetanake, çdo vit kemi pasur ngritje diku rreth 200-300 mijë euro mbi nivelin e vitit paraprak. Këtë vit jemi diku 25 % më tepër të hyra vetanake se sa në vitin e kaluar. Kjo flet për një efikasitet të mirë të inkasimit të mjeteve të taksave….

EO: Më herët komuna e Suharekës, ka pasur telashe rreth furnizimin me ujë nëpër fshatra. Ju keni premtuar se do t’u bëni zgjidhje qytetarëve, sa e keni realizuar këtë premtim?

Asllanaj: Mendoj që kemi pasur shumë polemika nga përfaqësuesit e AAK, se a janë borxh a s’janë borxh, mirëpo gjithmonë kam konsideruar që kanë qenë borxh, sepse kanë qenë kontrata afatgjate të cilat i kanë mbetur Administratës sonë që t’i shlyej ato obligime dhe të gjitha ato obligime që kanë qenë me kontratë vetëm vitin e parë kemi arritur t’i shlyejmë… Kurse vitet 2015-2016 kanë qenë vite të pastra. Krahas këtyre borxheve që i kemi trashëguar obligimet që i kemi pasur, por edhe një pjesë e obligimeve janë nëpër gjykata, sepse janë kompanitë që kanë kryer punë pa kontrata. Ish-menaxhmenti i komunës i ka urdhëruar që t’i kryejnë punime pa kurrfarë kontrate dhe sot ne jemi në gjykatë pikërisht nga kompanitë që pretendojnë për kryerjen e obligimeve për punë që i kanë kryer pa kontrata.

EO: Kur keni ardhur në pushtet, keni deklaruar se qeverisja e mëparshme i ka pasur rreth 3 milionë euro borxh, sa keni arritur ta shlyeni këtë borxh?

Asllanaj: Krejt çka po bëjmë është që të krijojmë një infrastrukturë të mirëfilltë, e cila po i lehtëson bizneset që të funksionojnë normalisht. Fola për zonën industriale dhe për Agro-zonën që janë investime që i ka bërë komuna edhe me mjetet e veta dhe me mjetet e Qeverisë së Kosovës në mënyrë që të krijojmë një infrastrukturë të mirëfilltë, atmosfera, gjendja e sigurisë krejt këto të japin disa premisa që e bëjnë biznesin që të zhvillohet më lehtë. Këtu nuk ka klimë të shantazhit, të kërcënimit, sepse bizneset këtu ndjehen shumë rahat, shumë komod dhe mendoj që në këtë aspekt, biznesi e ndien veten shumë mirë dhe me kapacitete që ka, provon që të zhvillohet… Taksat komunale i kemi zbritur, gjatë vitit të kaluar i kemi zbritur në 10% në mënyrë që të përçojmë një mesazh se jemi pro zhvillimit të biznesit, edhe pse ato taksa komunale janë shumë të ulëta që për një kompani, e cila funksionon normalisht besoj se nuk do të ishte shumë nëse paguan 300-400 euro për një vit. Mendoj që janë disa masa lehtësuese dhe e kemi zvogëluar dukshëm burokracinë komunale. Janë krejt këto parakushte që e bëjnë biznesin të suksesshëm. Natyrisht nuk mjaftojnë këto gjithmonë duhet të përcillet politika në nivelin e Qeverisë Qendrore, ku edhe prej tyre kemi marr hapa të mirëfillta që e përmirësojnë atmosferën e biznesit në Kosovë.

EO: A është e përgatitur kjo parti për të shkuar në zgjedhje nacionale?

Asllanaj: Unë mendoj që partitë nuk do të duhej kurrë të shpreheshin se nuk janë të gatshëm për zgjedhje. Partitë janë të krijuara pikërisht për të dalë në zgjedhje. Mirëpo, momenti se kur duhet të dilet në zgjedhje është vlerësimi i partive politike, ndoshta edhe e koalicionit qendror që kemi me PDK-në. LDK-ja gjithmonë është e përgatitur që të dalë në zgjedhje, me bindje se do të fitojë. E se çka do të ndodhë, unë mendoj se mbetet shumë për t’u punuar dhe për t’u angazhuar, dhe konsideroj karshi një klime tepër të ashpër politike që ka qenë në Kosovë, kanë mbetur shumë punë të mira pa u kryer, por është defekti më i madh që s’janë promovuar punë të mira që ka kryer kjo qeveri aktuale. Besoj që jemi të përgatitur dhe mundem të flas me plotë kompetencë për komunën e Therandës dhe konsideroj se kemi një atmosferë shumë të mirë kemi një përmbushje të obligimeve të qytetareve në masën qind për qind dhe na bënë të sigurt që nuk do të kemi probleme për zgjedhjet e ardhshme sepse, realisht jemi të fortë dhe të organizuar mirë dhe besojmë se gjithmonë LDK-ja do të jetë e fuqishme./ Ekonomia Online

Deputeti nga Nisma për Kosovën, Zafir Berisha, ka nënvizuar se vetë fakti që prioritet u jepet personave që kanë gjoja përvojë e ajo lidhet me përvojën e kohës së Titos dhe të Milosheviqit, atëherë mund të themi se demokracia nuk zhvillohet me persona të regjimeve socialiste e komuniste.

“Andaj së këndejmi edhe ka çaluar sektori i drejtësisë në Kosovë derisa në anën tjetër faktikisht mosrespektimi apo mospasja e një rendi shtëpiak të ashpër për ata që bien ndesh me ligjin dhe ata që faktikisht me qëllim i zvarritin proceset deri në vjetërsim të lëndëve, ka sjellë deri te kjo situatë. D.m.th. duhet të merren parasysh edhe masat e suspendimit, por edhe largimit komplet nga organet e drejtësisë, por mungesa e këtyre masave të ashpra natyrisht ka bërë që ky sektor jetik për vendin të jetë i dështuar dhe në një kaos që po u kushton qytetarëve të Kosovës”, ka thënë për gazetën “Kosova Sot” deputeti Zafir Berisha.

Për t’u hapur rrugë hetimeve të pavarura në lidhje me vdekjen e aktivistit të lëvizjes “Vetëvendosje”, policia metropolitane “Scotland Yard” kërkon shkarkime dhe dorëheqje nga krerët e Ministrisë së Punëve të Brendshme dhe të Drejtësisë.

Ndonëse një ekip i pavarur ka monitoruar obduksionin e Astrit Deharit, raporti që është hartuar në lidhje me vdekjen e tij ka ngjallur reagime të shumta.

Mjeku shqiptar në Berlin, Milot Rama, është shprehur se është i trishtuar me raportin e autopsisë për Astrit Deharin, aktivistin e “Vetëvendosjes” që vdiq në Burgun e Prizrenit, shkruan gazeta ‘Zeri’.

“Unë si mjek me përvojë katër vjeçare në mjekësi intensive, në njërën nga klinikat më prestigjioze kardiologjike dhe pulmologjike gjermane jam më shumë se i trishtuar me raportin e autopsisë”, ka thënë Rama.

Ai është shprehur se shumë shpesh edhe anestezistët dhe mjekët e reparteve intensive me metoda shumë të sofistikuara kanë vështirësi të fusin tubusin me gjerësi maksimale 2 centimetra në rrugët e frymëmarrjes. “Prandaj tani përdorim gjithnjë e më shumë video-laringoskop, ku rrugët e frymëmarrjes i vëzhgojmë në kamerë për intubim më të shpejtë”, ka thënë ai.

Deklarimi i kryeministrit të vendit, Isa Mustafa, se koalicioni qeverisës përfundimisht nuk i ka votat për ta kaluar Demarkacionin në Kuvendin e Kosovës, nga analistët politikë po shihet si një dorëzim i turpshëm i elefantëve të mëdhenj, që duke pasur për bazë edhe dështimet në projektet e tjera të interesit nacional, sikur është zhvillimi ekonomik i vendit dhe dështimi në liberalizimin e vizave, e bën këtë spektër politik akoma më të padenjë për të vazhduar tutje me qeverisjen e vendit. Kriza duket të jetë akoma më e thellë, duke pasur parasysh edhe bllokimin e procesit në përpjekjen për riformatimin e Qeverisë. Sido që të jetë, përveç koalicionit qeveritar, shpresat nuk i ngjall për qytetarin as blloku rival politik i opozitës së ndarë në dy taborë dhe kjo akoma më shumë ndikon në degradimin dhe paralizimin e plotë në jetën dhe punën institucionale në vend, duke e bëre fare të pashpresë të ardhmen me alternativë për ndryshime. Si pasojë e një situate të tillë, analistët politikë vlerësojnë se po futet në depresion shumica e shoqërisë kosovare, e cila nuk sheh perspektivë dhe nuk ka shpresë, as me koalicionin, por, fatkeqësisht, as me opozitën e ndarë.

Jeta në Kosovë ka stagnuar

Politologu Arsim Haziri thotë se qysh në fillesat ky koalicion ka qenë i jonatyrshëm dhe prej krijimit e kanë përcjellë anomali dhe jofunksionalitet, që gjë ka zhgënjyer qytetarët. “Shikuar nga të gjithë faktorët që janë prezent, shihet pse ky koalicion është duke kaluar kohën më të rëndë të keqe të funksionalitetit dhe një klimë e tillë fatkeqësisht është duke i prirë edhe forcave opozitare në pamundësinë e krijimit të një alternative më të përbashkët. Pra, situata e sotshme ka stagnuar si jetën politike, ashtu edhe atë sociale, duke bërë që perspektiva e të rinjve të humbet skajshmërisht. Qeveria në të gjithë veprimtarinë e saj ka treguar se e ka të pamundshme për të përmbushur një misionin, siç e quante atëherë ekonomik, për të plotësuar detyrat për liberalizim të vizave të qytetarëve. Konsideroj se vendi duhet shkojë urgjentisht në zgjedhje që të hapen disa procese, nga të cilat mund të përfitojmë dhe të detyrojmë idenë qeveritare se synimi i saj duhet jetë konform kërkesave popullore”, u shpreh analisti Arsim Haziri për “Kosova Sot”.

Maloku: Zgjidhja është tek reformimi i thellë i partive politike

Sociologu Fadil Maloku zgjidhjen e sheh tek një reformim i thellë i këtyre subjekteve politike me njerëz të rinj dhe ide të reja programore, derisa nuk sheh perspektivën e daljes nga kjo rrugë e pakrye.

“E kam thënë dhe e përsëris qëndrimin tim se ideja e formimit të partive të reja, me njerëz të konsumuar dhe të dështuar në projekte, në parti të vjetra, të fascinuar me fuqinë e pushtetit dhe me privilegjet që ai ofron, në një ambient të papjekur social e politik, është vetëm një tentativë e re për ta “mirëmbajtur” ambicien dhe unin e lakmisë hedoniste, asgjë më shumë. Them, kështu, ngase ndërrimi i partive politike, pa pasur bindje dhe “Përfaqësuesit e Qeverisë nuk kanë ditur apo nuk kanë dashur me qëllim që ta përfundojnë procesin e Demarkacionit, në njërën anë kanë qenë kategorikë në qëndrimet e tyre, kurse në anën tjetër nuk kanë qenë transparentë dhe llogaridhënës për procesin e demarkimit. Prandaj, të gjitha këto lëshime nga ana e Komisionit kanë bërë që në opinion të krijohet një percepcion se procesi i demarkimit nuk është bërë në mënyrë të drejtë”, theksoi Ahmeti për “Kosova Sot”.

Përfshirjen e hetuesve britanikë në zbulimin e vdekjes së Astrit Deharit e kishin kërkuar ende pa dalë Raporti i Autopsisë. Kështu, Ministria e Drejtësisë dhe Kryeprokurori i Shtetit kishin protokoluar kërkesën në Ambasadën e Britanisë më 14 nëntor derisa rezultatet e obduksionit të Astrit Deharit ishin publikuar më 18 nëntor. Në këtë situatë, Vetëvendosje po kërkon që Familja Dehari të caktojë hetuesit e jo Shteti i Kosovës.

Dhurata Hoxha e Aleksander Lumezi kishin drejtuar një kërkesë në drejtim të Ambasadës Britanike në Prishtinë për përfshirjen e hetuesve ndërkombëtar për zbulimin e vdekjes së Astrit Deharit.

Në emër të Kryeprokurorit të Shtetit dhe Ministrisë së Drejtësisë, Lumezi e Hoxha u kishin kërkuar ndihmë britanikëve katër ditë para se të publikohej Raporti i Autopsisë së trupit të Astrit Deharit.

Kërkesa ishte protokolluar më 14 nëntor 2016 derisa raporti i Autopsisë ishte publikuar më 18 nëntor.

“…..edhe pse të gjeturat e hetimit të tanishëm pritet të bëhen të ditura gjatë ditëve në vijim, çfarëdo hetimi që do të kryhej nga Skotland Jard, nuk duhet të pengohet apo kufizohet nga këto të gjetura”, thuhej në letrën që Hoxha ia ka dërguar ambasadorit britanik në Kosovë”, thuhej të kërkesën drejtuar britanikëve.

Ndërkohë, Vetëvendosje, përmes Xhelal Sveçlës ka kërkuar që Familja Dehari të vendosë për hetuesit e jo Shteti i Kosovës.

Astrit Dehari kishte ndërruar jetë gjatë transportimit prej paraburgimit për në Spitalin e Prizrenit ku ishte duke u mbajtur si i dyshuar për sulm terrorist ndaj Parlamentit. Rezultatet e autopsisë të Mjekësisë Ligjore në Prishtinë kanë konstatuar se Dehari kishte vdekur nga lëndimet e vetshkaktuara. Kryeprokurori i Prizrenit ka konstatuar se anëtari i Vetëvendosjes bëri vetëvrasje, por, ende nuk janë sqaruar motivet. Askush s’është arrestuar apo akuzuar se ka shtyrë Deharin në vetëvrasje.

Lëvizja Vetëvendosje ka kontestuar gjetjet e Mjekësisë Ligjore dhe kanë dhënë versionin e tyre. Kanë thënë se Astrit Dehari është vrarë duke drejtuar gishtin kah Shteti. As Vetëvendosje s’ka përmendur emra konkret se kush qëndron pas vdekjes së Deharit. Përmes vdekjes së Deharit, Partia e Visar Ymerit ka kërkuar rrëzimin e Qeverisë dhe dorëheqjen e udhëheqësve shtetëror.