Kuvendi i të Rinjve të Prizrenit, për nder të Festës së Kurban Bajramit përcjellë urimet më të ngrohta për të gjithë besimtarët myslimanë.

“E dashur rini, të dashur qytetar të konfesionit islam, pranoni urimet më të përzemërta me rastin e Festës së Kurban Bajramit, duke ju dëshiruar që kjo festë të reflektojë solidaritet ndaj njëri-tjetrit dhe të shpreh harmoninë vëllazërore”, thuhet në urim, përcjell PrizrenPress.

“Në këtë festë të madhe myslimane, urojmë që të dominojë respekti, toleranca, mirëkuptimi dhe solidariteti!” /PrizrenPress.com/

Lëvizja Vetëvendosje! në Prizren me rastin e Bajramit të Kurbanit uron të gjithë besimtarët myslimanë të Komunës së Prizrenit, që Bajrami i Kurbanit t’ju gjejë të bashkuar rreth tryezave tuaja dhe në harmoni me njëri-tjetrin përmes vizitave të ndërsjella, duke pasur paqen dhe mëshirën e Zotit.

“Kryefjala e kësaj feste simbolizon sakrificën, humanitetin, solidaritetin, pajtimin, unitetin e mirëkuptimin, e të cilat nuk duhen të mbeten të kufizuara vetëm në këtë ditë feste fetare”, thuhet në urim, përcjell PrizrenPress.

“Kjo festë është sprovë edhe e durimit për besim e shpresë, e që më së mirë shpërfaq sakrificën e nevojshme për një të ardhme më të mirë e më të drejtë”.

“Kjo feste le të shërbejë për të gjithë ne që të reflektojmë mbi pabarazitë ekonomike e sociale të shoqërisë sonë, që të angazhohemi për një shoqëri të barabartë e të drejtë, ku të gjithë do të gëzojnë njësoj mirëqenie”. /PrizrenPress.com/

Me rastin e festës së Kurban Bajramit, dega e PDK-së në Prizren, dhe kryetari  i saj, Minir Krasniqi,  uron të gjithë besimtarët e besimit Islam në Komunën e Prizrenit,  me urimet më të përzemërta që ditët që do vijnë, të na gjejnë të bashkuar rreth sfidave, por edhe për sukseset tona të përbashkëta.

“Festa e Kurban Bajramit, përçon kultivimin e gjithhershëm të dy dimensioneve, atë hyjnor dhe human”, thuhet në urim përcjell PrizrenPress.

“Përkushtimet tona të përbashkëta shoqërore, do jenë të vazhdueshme  në krijimin e kushteve më të mira për jetë dhe mirëqenie, për të gjithë qytetarët e komunës sonë”.

“Festa e Kurban Bajramit, është simbol i paqes, i gëzimit, i harmonisë, i qetësisë shpirtërore, moment i lartësimit të Krijuesit tonë, dhe koha e përkushtimit të gjithëmbarshëm për afrim mes njerëzve”.

“Urime !” /PrizrenPress.com/

Kryetari i komunës së Prizrenit, Ramadan Muja, uron kryetarin e Bashkësisë Islame në Prizren, Besim Berisha dhe të gjithë qytetarët e komunës së Prizrenit me rastin e festës së Bajramit të Kurbanit.

“Festa e Bajramit, uroj që të na shërbejë në thellimin e respektit, tolerancës, miqësisë dhe dashurisë për familjen, fëmijët dhe të gjithë qytetarët”, thuhet ne urim, përcjell PrizrenPress.

“Bajrami lartëson shpirtin e besimtarëve, forcon besimin në Zot, ngrit ndjenjat e solidaritetit, rritë gatishmerinë për sakrificë në të mirën e përgjithshme njerëzore”.

“Komuna e Prizrenit do të vazhdojë të jetë e angazhuar në ngritjen e mirëqenies dhe të ardhmen e ndritur për të gjithë qytetarët e komunës sonë”.

“Urime dhe gëzuar Kurban Bajrami !” /PrizrenPress.com/

Muharrem Elezkurtaj dhe Krenare Koçi nga Lëvizja Vetëvendosje, kanë dhënë betimin në Kuvednin Komunal të Prizrenit.
Elezkurtaj zëvendëson Arbër Rexhajn, ndërkaq Koçi zëvendëson Drita Millakun, të cilët në zgjedhjet e qershorit, janë bërë deputetë të Kuvendit të Kosovës.

Ndërkaq, Muharrem Elezkurtaj, në zgjedhjet 22 tetorit, garon sërish për Kuvend të Prizrenit.

Ai, shpreson se në këtë zgjedhje do të arrijë të bëhet pjesë e Kuvendit.

“Do të jem zëri i qytetarëve, ashtu siç kanë qenë Arbër Rexhaj dhe Drita Millaku”, thotë Elezkurtaj./PrizrenPress.com/