Gjykata Themelore e Prizrenit, përmes një komunikate për media, ka njoftuar të enjten se e ka aprovuar kërkesën e Prokurorisë Themelore të Prizrenit, duke i caktuar masën e arrestit shtëpiak prej një muaj të pandehurit me iniciale N.K., përcjell PrizrenPress.

I pandehuri dyshohet për shkelje të Kodit Penal, sepse me datën 11.08.2017, rrethë orës 12:30 minuta në Prizren në rrugën “Wiliam Voker”, në Qendrën e Regjistrimit Civil MPB, në filialin e Postës, personit tjetër ia merr pasurinë me qëllim të përvetësimit të kundërligjshëm për vete apo për personin tjetër, në atë mënyrë që nga sporteli i Filialës së Postës merr arkën me mbishkrimin “Jetimat e Ballkanit” në brendi të së cilës kishte rrethe 150 (njëqind e pesëdhjetë)euro, dhe largohet nga vendi i ngjarjes.

Me këtë veprim i pandehuri dyshohet se ka kryer veprën penale, të vjedhjes nga neni 325 par.1 të KPRK-së. /PrizrenPress.com/

Nënkryetari i PDK-së Enver Hoxhaj ka thënë se e kanë emrin për Kryepralamentar por nuk nuk e kanë shumicën për ta hedhur në votim atë.

Me një minutë heshtje për vdekjen e ish-kryeministrit të Kosovës, Bajram Rexhepi, ka nisur vazhdimi i gjashtë i seancës konstitutive të Kuvendit të Kosovës.

Kandidati i LDK-së për kryetar të Prizrenit në zgjedhjet lokale, Hatim Baxhaku, në emisionin “Interaktiv” ka thënë se pret fitore të LDK-së në këto zgjedhje.

Ai rivalin kryesor në garën për Prizrenin e sheh Mytaher Haskukën, kandidat i Vetëvendosjes për këtë qytet, derisa nuk pret që gara të vendoset në raundin e parë.

“Do të jetë garë e fortë, sepse kandidatët i vlerësojë shumë. Por besoj se avantazhet e LDK-së janë shumë më të mëdha karshi kandidatëve tjerë. I njoh kandidatët e partive, por me kandidatin e PDK-së kam një njohje nga larg”, ka thënë Baxhaku.

“LDK-ja do të ketë një fitore bindëse, Prizreni është problem të fitohet në raundin e parë. Fitorja në raundin e parë do të jetë e pamundshme”, ka shtuar ai.

“Gjasat i kemi të mëdha për të fituar sepse ky pushtet ka degraduar në të gjitha sferat në Prizren. Janë të pamohueshme keqqeverisjet, keqpërdorimet dhe zhvatjet, por nuk dua të flas për këto pasi nuk jemi në fushatë”, ka thënë veç të tjerash Baxhaku.

Pasi ka treguar procedurën e nominimit të tij për kryetar të Prizrenit nga LDK-ja, ka folur për prioritetet e zhvillimit të komunës. Sipas tij kujdes të madh do t’i kushtojë zhvillimit të aktiviteteve kulturore. Në këtë kontekst ai ka përmendur përkrahjen e “Dokufestit”, “Zambakun e Prizrenit” dhe teatrin. /Koha.net/

Deputeti i Lëvizjes Vetëvendosje nga Prizreni, Arbër Rexhaj thotë se Vetëvendosje, do të fitojë Prizrenin, Therandën, Rahovecin, Sharrin dhe Malishevën.

Postimi i plotë në Facebook

Regjioni i Prizrenit do t’ prijë fitores tonë të dytë!

Pas fitores së jashtëzakonshme të qytetarë ve në zgjedhjet parlamentare ku Lëvizja VETËVENDOSJE! doli subjekti i parë në nivel vendi, tani na pret një sfidë e radhës, e cila do të jetë edhe rikonfirmimi i fitores dhe fitoreve popullore që e presin Kosovën, triumfit qytetarë për ndryshim.

Së bashku ne do të fitojmë në Prizren me kandidatin Prof. dr. Mytaher Haskuka, kryetarin e jashtëzakonshëm dhe njeriun më të mirë që e kam njohur.

Ne do të fitojmë në Therandë me kryetarin Sali Zyba, parimor, i drejtë , preciz ,personalitet me përvojë në qeverisje lokale.

Ne do ta fitojmë edhe Rahovecin me Visar Korenicën, kryetarin që do t’i thyej bastionet e partive aktuale, në Malishevë me Adem Berishën, kryetarin me integritet moral dhe njerëzor dhe me kryetarin e Sharrit, profesorin e nderuar Samidin Dautin.