Një qytezë turistike gjermane, ku dikur ka jetuar përkohësisht Elvis Presley, po përgatit një përkujtimore madhështore kushtuar mbretit të rock and roll-it.

Tashmë në edicionin e tij të gjashtëmbëdhjetë, Festivali Evropian i Elvisit në Bad Nauheim do të zhvillohet nga 18-20 gusht duke nisur vetëm dy ditë pas 40-vjetorit të vdekjes së ikonës së muzikës botërore.

Elvisi jetoi në qytezën e landit qendror gjerman të Hesses nga vjeshta e vitit 1958 deri në fillim të vitit 1960, kohë gjatë së cilës ai kryente shërbimin në radhët e ushtrisë amerikane në qytezën fqinje të Friedbergut.

Adhuruesit e mbretit të rock & roll-it do të ndjekin koncerte, shfaqje filmash dhe një ekspozitë të autoveturave klasike të viteve ’50 dhe ’60.

Por, në qendër të festivalit do të jetë vizita në dhomën ku dikur ka jetuar Elvisi.

Ndërtesa është hapur së fundmi si hotel, por dhoma e Elvisit ka mbetur tërësisht e pandryshuar./ KultPlus.com

Ish presidentja e vendit, Atifete Jahjaga, sot ka qëndruar në Festivalin Ndërkombëtar të Filmit të Shkurtër dhe atij Dokumentar – DokuFest, i cili ka disa ditë që po mbahet në Prizren dhe i ka dhënë qytetit si gjithmonë një tjetër frymë.

“Sonte ne Dokufest, në këtë ngjarje kulturore që sjellë fansat e kinematografisë nga e gjithë bota në Prizren. Këtë herë në mbështetje të fuqishme për porosinë “E ardhmja është vajzë”.” ka shkruar Atifete Jahjaga në rrjetin social Facebook dhe ka postuar fotografitë nga vizita e saj në Dokufest.

Një narrativë e fortë, e përshkuar me persiatje të kulluara dhe një linjë tregimi herë dinamike e njoftuese, e herë e ngadaltë, me momente të shtjellimit të botëkuptimeve dhe biografive të personazheve.

Shkrimtari kosovar, Ndriçim Ademaj, sivjet e botoi librin e tij të parë në prozë “Pa Heronj, Pa Bujë”, të cilin e prezantoi edhe në Panairin e Librit në Prishtinë.

Autori i përmbledhjeve me poezi “Kërkoj Diellin”, “Dera” dhe “Këngë nga Rruga e Farkëtarëve”, lexuesve të tij ua ka dhuruar një anë tjetër të tij: një rrëfim të drejtpërdrejtë, shumë më të shtrirë.

I përcjellë me çaste humori vëzhgues, me momente urtësie e reflektimi, me nihilizëm të vazhdueshëm që shoqëron personazhin kryesor në dy emrat e tij, Ademaj paraqet rrjedhën e mbresave dhe mendimeve të Xhim Nimit me një sinqeritet të pafrenueshëm.

Pse Xhim-Nimi nuk arrin të ikë nga dhimbja në paqe e luftë, në dashuri e indiferencë? Kuptojeni në rreshtat e fuqishëm të romanit, në retrospektivën e udhës së personazhit kryesor nga bari i shkretë “Magdala” në Gjenevë deri në sokakët e rrënuar të Kosovës gjatë luftës së fundit.

Lexuesi bëhet dëshmitar i përballjes së tij me realitetin e njëjtë, por në rroba të ndryshme, të Xhim-Nimit në dy vende dhe në dy periudha të ndryshme.

Heroi i Ademajt na vjen i heshtur, ekzistent në mosveprimin e tij, inekzistent në kontributin e tij.

Ai e lufton iluzionin dhe vetëmashtrimin, i dorëzohet vetëm kauzës që ka dhe realitetit të pamohueshëm, gumëzhima e të cilit është e pandarë nga veshët dhe mendja e tij.

(Autor: Lum Gashi / Marrë nga KlanKosova)

Rreth 120 gazetarë të mediave vendore e ndërkombëtare janë akredituar këtë vit për të përcjellë për së afërmi Festivalin Ndërkombëtar të Filmit Dokumentar dhe të Shkurtër, “Dokufest”.

Në këtë mënyrë, vëmendja mediale është e madhe, duke dëshmuar edhe një herë se “Dokufest”-i ka arritur që Kosovën ta vendosë në hartën kulturore të botës, raporton KTV.

Sipas Anyla Dautajt nga “Media Center”, interesimin më të madh në këtë edicion të 16-të po e zgjojnë premierat e filmave, e sidomos të atyre, pas shfaqjes së të cilëve pasojnë diskutimet e publikut me regjisorët apo producentët e filmit.

Gazetarja e “Kohës Ditore”, Sihana Klisurica, thotë se të përcjellësh “Dokufest”-in është punë me shumë përkushtim, meqë ofrohen shumë mundësi për secilin gazetar, falë ngjarjeve të shumta.

Gazetari nga Norvegjia, Truls Lie, ndodhet për herë të tretë në “Dokufest”. Ai pohon se ky festival ka shumë segmente që zgjojnë interes për një media të huaj.

Sipas Lie, i veçantë është edhe programi i filmave për të drejtat e njeriut, dhe se gjithashtu organizatorët kanë sjellë një variacion të mirë të dokumentarëve.

“Dokufest 2017” përfundon më 12 gusht.

Artisti i cili gjatë karrierës së tij fitoi 5 çmime Grammy dhe shiti më shumë se 45 milionë albume, ka vdekur pas një sëmundje të rëndë.

Këngëtari legjendar Glen Campbell, vdiq në moshën 81-vjeçare. Ai ishte i njohur në rrymën e muzikës ‘Country’.

Lajmi është bërë i ditur nga familjarët e tij të cilët thanë se ai kishte luftuar për një kohë të gjatë me sëmundjen e Alzheimerit.

Campbell u nda nga jeta ditën e hënë në në Nashville të Shteteve të Bashkuara të Amerikës.

Hitet e tij më të njohura janë “Wichita Lineman” dhe “By the Time I Get to Phoenix”. Ai u diagnostifikua me sëmundjen e Alzhaimerit para 6 vitesh.