Lëvizja Vetëvendosje! në Prizren, të gjithë besimtarëve mysliman ua uron Fitër Bajramin.

“Besimtarët myslimanë gjatë muajit të shenjtë të Ramazanit treguan devotshmërinë dhe respektin ndaj Krijuesit, i cili këtë vështirësi jetësore e ligjësoi me Fitër Bajramin”, thuhet në urimin e Vetëvendosjesë në Prizren.

“Kjo devotshmëri realizohet për ta mbajtur lart përkushtimin shpirtëror dhe është një kujtesë e përhershme e besimtarëve për detyrimin ndaj Tij dhe porosi për ta shtuar vigjilencën, për ta kultivuar frymën e dashurisë, paqes, tolerancës e të respektit të ndërsjellë edhe me besimet e tjera, që Prizreni të jetë vend i harmonisë, i bashkëpunimit dhe i tolerancës. Ky është edhe mesazhi universal i cili del nga kuptimi i drejt i agjërimit”.

“Qofshin të pranuara të gjitha adhurimet që kemi bërë gjatë muajit të bekuar të Ramazanit! Me shpresë se festat tjera fetare dhe kombëtare t’i presim në harmoni më të madhe dhe në realizimin e aspiratave tona të gjithmbarshme në përditshmërinë tonë nëpër të cilën po hapërojmë si shoqëri”.

Kryetari i Kuvendit të Prizrenit, Kujtim Gashi, ia ka uruar të gjithë besimtarëve islam Festën e Bajramit.

Urimi i plotë

Të nderuar besimtarë të besimit islam, kam kënaqësinë që në emrin tim dhe të Kuvendit të Komunës së Prizrenit, t’ju përcjell mesazhet e mia të sinqerta në këto çaste te gëzuara të festës se Fitër Bajramit, për një jetë sa më të lumtur, për shendet në familjet tuaja, për suksese në punë.

Zoti këtë festë e ka cilësuar si festë gezimi, e qe neve na takon ta kalojmë pikërishte në këtë mënyre si ditë gëzimi të zemrave tona.

Shpresë që këtë festë ta festoni me urtesi, tolerancës, e me dëshirë që ne familjet tuaja të këtë shendet!

Kjo festë kremtohet pas një Muaji të madhërishëm të Ramazanit gjatë së cilit myslimanët agjeruan, në shenjë sakrifice për ripërterinje të vlerave më të mira shpirtërore dhe njerëzore.

Shendet e gezime per ju, famlijet tuaja!

KRYESUESI I KUVENDIT
Kujtim Gashi

Kryetari i Prizrenit, Ramadan Muja, ka uruar kryetarin e Bashkësisë Islame në Prizren, myftiun Besim Berisha dhe të gjithë qytetarët e Komunës me rastin e festës së Fitër Bajramit.

“Festa e Bajramit, vjen pas muajit të shenjtë të Ramazanit dhe uroj që të na shërbejë në thellimin e respektit, tolerancës, miqësisë dhe dashurisë për familjen, fëmijët dhe të gjithë qytetarët”, thuhet në urimin e Mujës.

“Agjërimi i Ramaznit lartëson shpirtin e besimtarëve, forcon besimin në Zot, ngrit ndjenjat e solidaritetit, zgjon idenë e sakrificës për të mirën e përgjithshme njerëzore”.

“Komuna e Prizrenit do të vazhdojë të jetë e angazhuar në ngritjen e mirëqenies dhe të ardhmen e ndritur për të gjithë qytetarët e komunës sonë”.

Kryetari i LDK-së në Prizren, Haxhi Avdyli, ka uruar të gjithë besimtarët mysliman me rastin e Festës së Fitër Bajramit.

Urimi i plotë i

Besimtarë Muslimanë, qytetarë të Republikës së Kosovës, me rastin e përfundimit të muajit të madhërishëm të Ramazanit dhe festës së Fitër Bajramit, ju urojmë të festoni si gjithmonë në mënyrë vëllazërore e miqësore ashtu siq e kemi kultivuar harmoninë e solidaritetin gjatë këtij muaji me njëri tjetrin, duke ndërtuar urën dhe afësinë me Krijuesin, për ta fituar bekimin dhe mëshirën e tij ndaj miqësisë e dashurisë mes nesh.

Urime Fitër Bajramin gjithë qytetarëve të besimit Islam, paqja dhe mëshira e Zotit qofshin me ju dhe familjet tuaja.

Në Prizren sot është djegur një depo e ambalazhit të plastikës, transmeton Koha.net.

Këtë për Koha.net e ka konfirmuar zëdhënësi i Policisë së Kosovës në Prizren, Hazir Berisha, i cili bën të ditur se është djegur objekti i ish-fabrikës së duhanit.

Ai ka thënë se nuk të lënduar nga ky rast, por që dëmet materiale janë mjaft të mëdha.

“Sot është djegur depoja e ambalazhit të plastikës që është objekti i ish-fabrikës së duhanit. Nuk ka të lënduar nga ky rast, por dëmet materiale janë mjaft të mëdha”, ka thënë Berisha për Koha.net.

Një lexues i Koha.net ka dërguar pamje të momentit të djegies së objektit.

Kryeministri Isa Mustafa ka njoftuar se ka ndërruar jetë veprimtari i LDK-së, Zyber Kryeziu – Baci. Ai u ka shprehur familjes ngushëllime.

“Me dhëmbje të thellë mora lajmin se sot ndërroi jetë veprimtari i palodhshëm i LDK-së, Zyber Kryeziu BACI. Ngushllime familjes Kryeziu, Kryetarit dhe Degës së LDK-së në Dragash! IM”, ka shkruar Mustafa në Facebook.